- فجزاكم الله كل خير
- واسمجوا لي في اخطاء الكتابة فانا لم احضر تقريري بعد..
- مطعم مراكش الي جنبة الاكل من جنبها والنظافة سيئة والخدمة اكثر سواء
اخواني السلام عليكم وكل عام وانتم بخير والشهر عليكم مبارك
أولا :أقدم جزيل الشكر والعرفان لهذا المنتدى الكبير واعضاءة ومشرفينة ولكل من افادني في تخطيط رحلتي إلى ماليزيا
ولا انسى......وافي بزمن جافي ..ماجد الفهد ...النهر الجاري -المغادرون 2007و zazazوالأسفار متعتي
والشكر موصول لجميع الاعضاء اللذين تفاعلوا في اسئلتي واستفساراتي
فجزاكم الله كل خير
واسمجوا لي في اخطاء الكتابة فانا لم احضر تقريري بعد..
انا رجعت من ماليزيا يوم السبت الموافق 30/7 /2011 قبل رمضان بيومين مدة السفرة 15 يوم وكنت ناوي اكتب تقرير مختصر بالسلبيات والايجابيات التي واجهتني حتى أفيد غيري لني ذهبت الى لنكاوي وبنانج والكاميرون واخيرا كانت نهاية الرحلة في كولا لمبور ولكن أجلت الموضوع الى مابعد لرمضان حتى اجمع قوتي بعد مشقة السفر ونتفرغ للعبادة في رمضان ولكن أتوقع إني أدمنت الدخول الى هذا المنتدى الذي أفادني كثبرا فتحمست بعدما رأيت موضوع الاخ قيصر عن المطاعم فلم يهز ميزانيتي الا التكاسي والمطاعم العربية..............
فمهما كان هناك سلبيات فأكيد ان هناك ايجابيات .. فلا يخلوا أي بلد من السلبيات مهما تقدم في حضارته.. فيجب علينا نحن كساحين أن نرى الجانب المشرق في هذا البلد ونترك الجانب المظلم منه كي لانفسد علينا متعة السفر.. وقد نحتاج الى السلبيات حتى نعرف نعمة الله علينا..
نعم هناك سلبيات في ماليزيا ولكن هناك الكثير والكثير من الايجابيات فهي دولة متقدمة متحضره واكبة التحضر بسرعة تستضيف ملاين الساحين من جميع الدول بختلاف اعراقهم ولغتهم ودياناتهم ... ههي بحق (عروس شرق اسيا).. والذكريات فيها لاتنسى..
نحن العرب لانستطيع نتقبل الاكل الاسيوي بسهولة فنبحث عن البديل فنجد المطاعم السريعة أو المطاعم الشبه عربية التي تخترق الجيوب.. أو المطاعم الهندية التي تكون بعض وجباتها قريبة منا..
فالمطاعم العربية خاصتا في كولا تفتقر الى النظافة والترتيب والاسعار الخيالية بحجة انها مطاعم عربية وانت ايها الخليجي مصدر مالي مهم بالنسبة لهم فلا تمشي في شارع العرب حتى ينط فجأة واحد في طريقك ويقول حبيبي مطعم عراقي مشويات عراقية تفضل وعينة على جيبك وتقول كنة يدورك من بين الناس أدوارة
والثاني ينط في وجهك ويعطيك المنيو الصفراء ويقول أكل عربي خليجي (يابية ) اطلب وحنا نجيلك لحد عندك ياسعدت البية ؟؟؟؟؟؟ طيب وين مطعمكم ؟؟؟ لالالا احنا مطبخ عربي نوصل بس للفنادق ؟؟ وش دراني وين يطبخون فية ؟؟؟؟؟؟؟؟؟؟؟؟؟؟
وامشي شوي وينط ثاني نفس المنيو الصفراء ويقول مطبخ عربي يابية اقولة شكرا صاحبك عطاني المنيو يرد على لالالالا يسعادت البية دا مطبخ تاني احنا احسن وارخص اسعار منهم اخذ منه المنيو ولما رحت للفندق اقعد اقارن بين الورقتين نفس الورقة ونفس الطباعة ونفس اسماء الاكلات ونفس الاسعار الي يختلف رقم التلفون.....
جربت مطعم الطربوش وهو افضلهم بنسبة للاكل احسن الموجود ( اعور بين عميان ) بس زحمة وتأخير.. طلبت ثلاث انواع وكان وجبة غداء فالمفروض اقل زحمة جاني نوعين والما شبعنا وخلصنا جابو الثالث وانا اطلب الفاتورة وقبلها ما بقى احد يشتغل في المطعم الا اقول وين الطلب ولما شافوني الطلب الفاتورة جابوة ومسجلينه في الفاتورة على مرتين من حرصهم اني ادفع
حقة يعني لو مادققت في الحساب كان مشت علي ... وطعم الاكل مدري وشلون بس يبقى احسنهم
ولا المطاعم الزينة والاكل الزين عندنا في ديرتنا مو هناك بس مجبر اخاك لالالالالابطل
مطعم مراكش الي جنبة الاكل من جنبها والنظافة سيئة والخدمة اكثر سواء
جالس مع المدام ننتظر العشاء في الدور الثاني وطاقنا الجوع وقاعد اناظر الناس في الشارع وشوف الزحمة واسولف مع المدام الا ويطلع صرصور يمشي على الجدار جنب الطاولة وينط على الطاولة وياخذ فرة بين الملح والملاعق ويمر قدام منديل المدام وهي تناظر الشارع ماهي منتبة وانا اراقبة واراقب المدام عساة ماتشوفة فلو شافتة مابقى احد في المطعم الا بيناحش من الصراخ (المدام عندها فوبيا حشرات تخصص صراصير وخنافس بدرجة امتياز) واقوم اسحب كرسيها جنبي و اقول شوفي الي واقف وشوفي الي جالس وانا ادعي عساة يروح وينسحب من المعركة بدون مشاكل وعدت على خير
والطلبات تجيك بالتقصيد المريح فالشوربة (حريرة المغربية) اخر ماوصل يعني عكس الناس
ولما جيت احاسب تحت الا انواع الزحمة عند الكاشير والصياح والسب من الزباين الخلجين على المدير العربي الوحيد في المطعم والباقي المقدمين الطعام بنجلادشين والمحاسبة صينية والمطعم مغربي ؟؟؟؟؟؟؟؟
كان فية واحد من اخوانا يبي يحاسب وزعلان من سوء الخدمة ويسب ويلعن لما عطوة الفاتورة خصم قيمة الخدمة وعطاهم بس قيمة الطلبات رماهاه عليهم ومش والله ماقلوا لة شي ..
مطعم مندي حضرموت اللي جنب مطعم الصحراء والله ياخواني كان اسوء مطعم شفتة جيته على توصية من واحد من الاعضاء ولكن الناس فيما يعشقون مذاهب نظافة صفر خدمة صفر اكل 4من 10 القيمة خيالية والله ياخواني طلبت واحد برياني دجاج والله اول مرة اشوف البرياني كذا رز جنبة نصف دجاجة ويقول برياني لكن الجوع خلانا ناكل وطلبت كشري مدري كيف قايل وطلبت ايدام يمني اسمة (عقدة دجاج) حسابة لحالة تقريبا 32 رنقت ماني متاكد بس غالي واثنين عصير برتقال اول مدخلنا الا زحمة بالمرة قلت اكيد من زين اكلهم ... طلعونا فوق السطح فيه خيمة فوق حشرونا فيها مع الباقين المدام مشيتها ذاك اليوم لين قالت بس يوم قعدت معاد قدرت تقوم( يزين الارض) قلت مشي ياولد طلبت جاني البرياني والكشري بقي العقدة اخر شي جت بعد 45 دقيقة او اكثر والحمدلله كنا شبعانبن والله ياخوان انها خضار مسخنينها وماسكين باقي دجاجة مسلوقة ومقطعينها فوق الخضار وريحة غريبة؟؟ طبعا تركنها جاء الحساب .. (1 برياني دجاج و1 كشري و1 عقدة دجاج و2 عصير) بكم ؟؟؟ والله انها ب159 رنقت يعني 160 رنقت كان بتعشيني في احسن مطعم ومشويات بعد
الطربوش احسن منه وماصار زيهم والفاتورة مكتوب عليها بالانجليزي مطعم الباشا؟؟
الي بجنب الصرافين|.. والله ياخواني انه ماهمني الفلوس انا مارحت الا ابي الوناسة وفي روحتي هذة لمدة اسبوعين كلفتني والله 30 الف ريال يعني 160 ماهي شي بس ودك تدفع في شي يستاهل
معليش طولت عليكم بس حبيت افيد غيري اذا بيروح لا ينصدم في المطاعم العربية هناك ..