ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
القلب الكبير
08-04-2022 - 09:16 am
السلام عليكم ورحمة الله وبركاته،،،،،
هلا فيكم اخواني وخواتي اعضاء منتدى العرب المسافرون ،،،،
اثناء سفرتي الاخيرة لماليزيا سكنت بفندق استانا بكوالامبور وحصل لي موقف معاهم ، لا ادري هل الحق معي والا معهم .... نشوف مشاركاتكم .
انا قبل ما اروح جمعت معلومات عن اغلب فنادق ماليزيا ، وقريت كذا موضوع عن فندق استانا بهالساحة قلت اكيد الفندق جميل ، المهم رحت انا ورفيقي وحجزنا غرفة بسريرين بسعر 220 ريجنت .
دخلنا الفندق طبعا لغتي الانجليزية تمشي الحال ، قلت لموظفة الاستقبال ، اريد غرفة بسريرين قالت اوكية ، المهم خذت الفلوس وعطتني الاوراق بعد ما وقعت عليها طبعا انا وقعت على ورقتين قلت بنفسي غريبة انا اذكر اني اوقع على ورقة وحدة بس يمكن اجراءت الفندق غير وكنت ميت تعب عاد تونا رادين من بينانج .
المهم سكنا ليليتن ،وجينا بنطلع من الفندق ونسلم الغرف ورحت الكاشير على اساس استرد المبلغ التي وضعتة تحت الحساب ، كنت معطيهم 1000ريجنت ، طبعا سعر الليلتين 420 والمتبقي 580 ريجنت ، ولكن تفأجات بانهم ردوا لي فقط 160 ريجنت ، قلت لهم وين الباقي قالوا خلاص هذا باقي الحساب ، قلت ليش قالوا هذا سعر الغرفتين قلت ايش ؟ انا ساكن بغرفة واحدة فقط انا وصديقي ، قال لا انت مأخذ غرفتين قلت من جدك انت ، قال نعم وانت موقع على الاوراق وماخذ مفتاحين ، قلت لا يا حبيبي ان اقلت لموظفتك المحترمة ابي غرف وحدة ليس غرفيتين ، قال عاد انت موقع على ورقيتن ، قلت معك بس ما سكنت بالغرفة الثانية ولا فتحتها ولا ادري عنها ، قال هذا اللي حاصل .
وتوصل معي قلت وين الموظفة وتجي قلت انا قايل لك غرفة وحدة قالت لا قلت غرفيتين ، فلت بعقلك شخصين جايين ينبسطوا ويفرفشوا وكل واحد بغرفة ، قلت المهم ردوا لي فلوسي المتبقية .
قال لا مستحيل ، قلت بعد انا مستحيل اخذ هالمبلغ ، يا اخي علم موظفتك كيف تتعلم انجليزي صح والا كنسلها .
المهم وكلام ورفع صوت ، وكلمت واحد كان معنا وشغال بالسياحة قلت شف لنا حل وفكنا ، وتفاهم معهم واخذ ورد اتفقنا على ان اتحمل انا نصف المبلغ وهم نصف المبلغ .
قلت انا طالع للمطار ولو ماني طالع والله تردون فلوس لي بالتمام والكمال ، المهم وبرد ضيقتي فيهم ، قلت فندقكم اسوأ فندق بماليزيا ، وراح اسوي لكم دعاية سيئة لما ارجع .
وحقيقة الفندق لم يعجبني بتعامل موظفية وبغرفة الغير نظيفة ودورات مياهه ذات الطابع الانجليزي القذر .
تحياتي للجميع وبانتظار مشاركاتكم .


فنادق ماليزيا
التعليقات (9)
Moyen Orient
Moyen Orient
القلب الكبير .. معلش بكلمة وحدة ..
أنت ماستلمت مفتاحين !!!
ألم تستغرب ليش المفتاحين بأرقام مختلفة !!!
أعتقد أن الخطأ منك لأنك لم تفكر في هذا الشئ . وخلاف ذلك . أعتبر الخطأ منهم .
تحياتي لك

أبو أحمد
أبو أحمد
والله ياخ القلب الكبير..
أتوقع غلطو بنسبة كبيرة أول شئ المفتاحين او البطاقتين يجب ان تكون مفصولتين وعلى كل وحده رقم الغرفة أو غلاف لكل بطاقة..
وما دام انك قايل غرفة وحده بسريرين كلامك واضح جدا والخلل من الموظفة..
ويمكن لانك مالاحظت اثناء توقيعك للورقتين (تشابه النموذجين) وهذا غلط صغير لانك سبق وان ذكرت طلبك غرفة واحدة ويمكن تكون معذور... مثل ماذكرت انك تعبان وجاي من بينانج
وتحياتي لك

mnaf
mnaf
والله حاس فيك ولو انا مكانك كان خليت لعقال يلعب....
شى يكدر السفره..بس على خبرى هذه حركات مصر وفنادقها

قلبي
قلبي
ههه معليش يالقلب الكبير يمكن كانوا شاكين ان إسمك القلب الكبير وقالوا الرجال طيب ومليان فلوس وخلينا نخمه في المبلغ ونقول مافهمنا عليك بعدين إحمدالله على السلامة إذ كان على الفندق بس الواحد يبي يسافر 9000كم ومايسير عليه أي شئ لازم من بعض الشئ ياعسل ههه

حمدي
حمدي
تطلب غرفة ويسلمونك0000نموذجين توقع عليهم
تطلب غرفة ويسلمونك0000مفتاحين
سؤال بريء أخوي القلب الكبير000
تقدر تقولنا أو تذكر نص المحادثة التي تمت بينك وبين الموظفة00بس باالأنجليزي
(( موعلشان شيء بس ودي أتعلم كم كلمة أتدبر بها عمري000))
وش رايك أخوي القلب الكبير نسافر سوى أنا أترجم وأنت تجمع المفاتيح
تحياتي لك وللجميع

مساعد
مساعد
السلام عليكم ورحمة الله وبركاته
مساك الله بالخير اخوي الكبير القلب الكبير
معليش يالغالي ..
انا مقدر احدد من الغلطان .. لكن انا اسجل علامات تعجب !
توقع على نموذجين ... ممكن نتغاضى عنها !
لكن انت استلمت بطاقتين ( مفاتيح الغرف ) وانا سبق وسكنت باتسانا
كل بطاقة تكون داخل محفظة من الورق المقوى وعليها رقم الغرفة
كيف مالاحظت ارقام الغرف !!
عموما انا لا اعتقد انه الامر مقصود من الموظفة الضعيفة ولا أحب اظلمها
كل ما اعتقده انه سوء فهم لا أكثر ..
تحياتي ،،

سالم ماغيره
سالم ماغيره
ياخي انت ليش زعلان المفروض تكون فرحان لانك لعبت عليهم
انا راح اتعلم الدرس المره الجايه اذا سافرت باستاجر ثلاث غرف وباسكن في غرفه ههه
الحمدلله على سلامتك اخوي القلب الواسع والامر بسيط تجي احيانا امور واحداث ومغالطات اكبر من كذا:rolleyes:

القلب الكبير
القلب الكبير
  1. هلا فيك اخوي بومحمد :


هلا فيك اخوي بومحمد :

انا استلمت نسختين من مفتاح الغرفة ، لان الفنادق التي سكنت فيها في ماليزيا كلها يعطوني نسحتين لي ولصديقي ، فعشان كذا ما دققت وقلت اكيد هذا متبع في كل الفنادق .
اخوي ابو احمد : بالنسبة للمفتاحين فكانوا من فصلين بورقتين لاني ساعتها قلت يمكن هم متميزين بخدمتهم ويعطوني نسختين لمفتاح العرفة بورقتين منفصلتين ، وانا ما طلبت الا غرفة واحدة وكان كلامي جدا واضح لها ، ويوم وقعت على الورقتين ما طرى علي ليش ورقتين خاصة وان النموذجين متشابهين ولا دققت كثير ، قلت بس خلني اوقع وانام .
mnaf : للامانة تعامل شعب ماليزيا جدا راقي ولا فية مقارنه بينهم وبين اي دولة عربية ، بس عاد هذا اللي حصل معي بهذا الفندق .
قلبي : تصدق عاد انك صادق بكلامك جيبي مليان فلوس ;)
اخوي حمدي : اسئلتك جدا دقيقة ، معاك حق بس مثل ما ذكرت بردي لاخوي بومحمد اني انا وصديقي في كل الفنادق التي سكنت فيها يعطوني مفتاحين .
وبالنسبة للمحادثة اللي تمت بيني وبينهم بالانجليزي قلت لهم :
( تعرفون الاخ حمدي اللي بمنتدى العرب المسافرون ؟ ) هاة وش رأيك في لغتي
اخوي مساعد : ملاحظتك بمحلها اخوي ، واكرر ردي للمرة الثالثة انا تعودت على استلام مفتاحين لكل غرفة لي ولصديقي وهذا كلة حصل معي في فنادق ماليزيا .
اخوي سالم : الله يطمن بالك ويسعك ،والله ما همني هالموقف وراح خلاص ، بس مجرد رغبتي بمعرفة ارائكم .
تحياتي للجميع ...

مرصد
مرصد
والله اعتقد انك ما ركزت وهم يعطونك الاوراق بس متاكد انك تعبان بس ياخوي القلب الكبير لو فتحت شوي وركزت في الاوراق كان ماخموك......
المشكله ي كل بلد دايم يحسبون الخليجي مليان ويلعب عليه
ماعليش سلامات وانشالله تتعلم من الدرس .........


خصم يصل إلى 25%