- سباق السيارات السريعه لاتفوتكم ممتعه الي ابعد حد
تحياتي للجميع. اليوم صار لي يوم تاسع في بوكيت ويعلم الله انها طارت علي مثل اليوم حتي من زود التشكيك بعض الاحيان اسأل احد افراد عصابتي (افراد العاله) شنهو اليوم سبت او احد وسبحان الله يطلع الاثنين المهم حبيت أضع بين أيديكم تقرير مصغر عن رحلتي الي هاذه الجزيره الشيقه الحنونه المجنونه وانطباعي عنها. السكن كان ومازال لأني مسافر بكره الي بانكوك وتم الحجز بنا علي توصيه أخونا الغالي العصيمي جراند دايموندز سويتس. سكني في بوكيت فندق موفنبيك كارون بيش واختياري لهذه الفندق لانه بعيد عن البتونج وزحمه البتونج في الليل. الفندق يعتبر غالي مقارنه بباقي الفنادق لأني اخترت الشقق عندهم وليس الغرف حيث أخذت الشقه مطله مباشره علي البحر فيها غرفتين نوم وصاله والفطور مجاني لعدد سبعه أشخاص بمبلغ الف وسبعمايه ريال سعودي وميزه هاذه الشقه الاطلاله الساحره علي البحر وامن خاص لمحيط الشقق وبركه سباحه خاصه لنزلا الشقق. يعيب علي الفندق انه لأيوجد فيه انترنت الفطور عادي المساج غالي لأكن يستأهل علي الاقل المكان نظيف وفخم. المطاعم الموجوده في الفندق اكلها معقول والأسعار غاليه مقارنه بالمطاعم الخارجيه. الموظفين محترمين خدمه الغرف ممتازه الأثاث راقي ............................الرحلات ...........اول يوم وصولي تم الحجز والذهاب الي فانتسي شو. بمبلغ 1900 للكبير 1300 للصغار. مع الاكل انطباعي عن المكان والعرض فوق الممتاز ويستاهل الزياره بس الاكل مايستاهل لانه ركن الحلال صغير جدا ومافيه تشكيله كثيره
جيمس بوند أيلاند من احلي الرحلات تم الحجز عن طريق مكتب بالباتوج علي ماذكر كانت 850 للكبير و450للصغار البوت كان كبير ويعيبه انه غير سريع انطباعي عن الرحله كانت ممتازه والاكل ممتاز وافراد السفينه متعاونين الي ابعد الحدود بس في طريق للعوده صادتنا امطار وامواج عاليه ههه كل واحد ساكت ولا يتحرك
بي بي أيلاند تم الحجز لها عن طريق مكتب في كارون بيش بسعر الف بات للكبير سبعميه للصغار قارب سريع رحله ممتازه بس يعيب السبيد بوت انك ماتشوف الي برا لانك تكون جالس داخل الاكل جيد في الجزيره افراد السفينه متعاونين جدا حتي حبوب دوار البحر يعطونك لو احتجت
باقي الرحلات
انا اغلب باقي الرحلات كنت أخذها بنفسي اقول للسواق واهو يوديني مثل
ركوب الحصان في ألغابه سعره الف بات للشخص لمده ساعه
بنجي جامب او القفز من ارتفاع خمسين متر بسعر ألفين ومايه بات
زياره مصنع الكاجو والعسل وشرا كميه لاباس بها وخاصه من العسل
حديقه حيوان بوكت وأتوقع سعر التذكره كان اربعمايه بات وفيها تفرجنا علي استعراض الأفيال والتماسيح وصورنا مع النمر الدايخ
حديقه الثعابين ماذكر كم سعر التذكره بس ماتوقع غاليه اهم شي وانتم طالعين بعد العرض قول لهم يجيبون لكم الاصله الكبيره علشان تصورون معاها
سباق السيارات السريعه لاتفوتكم ممتعه الي ابعد حد
الرافتنج وركوب الفيله والدبابات وزياره كهف القرود وبوذا المنبطح علي جنبه تقول واحده حامل بالتاسع كانت كلها في يوم واحد أنطباعي عنها انها من احلي الرحلات بس يعيب عليها بعد المسافه مابين الدبابات وباقي الرحله سعره كان الف وسبعميه للكبير والف وخمسميه للصغار.
ميدان الصيد واطلاق الرصاص تجربه حلوه اسعار غاليه
سوق السبت والأحد اسعاره رخيصه ويستاهل الزياره.
الباتونج تم زيارته اكثر من مره
الاسواق في بوكيت تعتبر عاديه
تم الذهاب الي سي بوينت وبوذوهم الكبير
معليش تراني اكتب لكم علي السريع وانا جالس في سنترال مول من الاي فون.
بكره تجربه جديده الي بانكوك أتمني تكون ناجحه مثل بوكت
تحياتي للجميع
نبي تقرير كامل الدسم
بارك الله فيك
ولاتعبت ياخوي .. الحمدلله علي السلامه