السلام عليكم ورحمة الله .......
كنت احب ان اكتب لكم تقرير برحلة اخرى لنا وتكون مزوده بصور حتى يكون التقرير اروع .....
وشاء الله وقدر الله ماكان فعل ........ونعم بالله :unsure:
يوم الاربعاء اول امس ....كان الوقت مساء كانوا عيالي نائمين من بدري:36_1_50: :36_1_49: :36_1_50: :36_1_49: عشانهم اخر يوم بدوام المدرسه وهلكانين تعب ...:36_1_50: .
.فناموا كالعاده بدري .........
بصراحه ماكان بفكري ان نطلع هذا الاسبوع بسبب ظروفي الصحيه المفاجأة,,,,,,
المهم .............
صباح الخميس الساعه 7 جاء ولدي عندي وانا كنت مسترخيه على الاريكه في غرفة المعيشه لاني كنت سهرانه وعلى الانترنت ,,,,,:11_horror
وكنت مابين النوم والصحوه:36_1_49: فنادى عليا ماما الله يخليك خلينا نطلع اليوم شاليه نبغى نتسبح الدنيا حرّ ؟؟؟؟؟؟‍‍‍‍‍!!!!!!!!!
سبحان الله وقعت كلماته في قلبي بالم وخوف هذه المره ليه ماادري ؟؟!!! قلت له مين قالك ؟؟ قال انا كذا نبغى نطلع ؟؟؟
قلت خير ان شاء الله روح الحين عني ياولدي الله يخليك افطر واتفرج على التلفزيون الين نصحى كلنا وخليني ارتاح شوي انا تعبانه مانمت زين من البارح ؟؟؟
قال طيب وراح ؟؟؟
وبعدين قعدت افكر واقول سبحان الله ليش احس ان مشاعري تجاه هذه الطلعه غير طبيعيه في قلبي ؟؟؟
الله يكفينا شرّهذه الطلعه ؟؟؟وحسيت اني كشيت شوي ؟؟؟؟ماهو من عادتي ؟؟؟
والله لم اشعر براحه بل انقباض غير طبيعي ..فتعوذت من الشيطان الرجيم وقرأت اية الكرسي وانقلبت
على جنبي الاخر ونمت:36_1_50: ؟؟لاادري كم من الوقت اخذت في هذه النومه ساعه او اقل او
اكثر لااعلم .....:36_1_50:
شوي جاتني بنتي قالت ماما وش فيك نائمه هنا شكلك تعبانه ؟؟؟؟ قلت انا لالا مافيني شيء ؟؟
بس متضايقه شوي ؟؟؟ قالت من ايه ياماما ؟قلت ولاشيء مجرد تعب وارهاق ؟؟:36_1_7:
قالت ..سلامات ..الله يخليك ياماما اخويه يقول ان بنطلع شاليه .....صحيح ....
قلت لها ماادري والله مااقدر شكلي تعبانه اليوم ومرهقه ومالي نفس ؟؟
قالت لاياماما تكفين نبغى نطلع ونتسبح ؟؟من زمان عن السباحه ..:36_1_33:
قلت مالي دخل علموا ابوكم اذا وافق ...تعالوا علموني ,,,,,,وانا عادي بروح اذا قال طيب....
وذهبت الى المطبخ ومازال الشيء اللي بداخلي يخاطبني وش فيك يارمروم خاطرك كذا
ماانتي مثل العاده
ماذا تشعرين ؟؟؟
حاولت ان اطرد كل هذه الافكار وهذه الوساويس ..واعيش يومي عادي مثل كل يوم بمرحي وابتسامتي وسعادتي بين اطفالي وزوجي الله يحفظهم لي يارب ....
مرت الساعتين بثقل تماما ,,,,فقام والدهم على الساعه 10 ونص ....
.فكنت مشغوله باحضار الافطار :36_13_5: اناوالشغاله......
واسمع اطفالي يتكلمون معه في حكاية الطلعه هذه ( )
فوافق على مضض ؟؟؟؟ وكان يقول لي بعدين والله اني لم اشعربراحه لهذه الطلعه ( سبحان الله )
المهم بعد ان فطرنا وخلصنا واتفقنا ان نستاجر شاليه باحدى منتزهات ثمامه يكون شاليه خاص
وان يكون الغداء من طبخك ياام عزوزي في نفس الشاليه ....
.فاابتسمت اخيرا :36_3_10: وقلت ابشرّ من عيوني عادي ان جات على الطبخ الحمدلله بسيطه ....
المهم فرحوا الاولاد كلهم وقامو يستعدون ويلبسون ويجهزون ادوات السباحه من
ملابس وخلافه ومناشف وارواب والخ ,,,
وانا والشغاله نجهز ادوات الطبخ والشاهي والقهوه وكل شيء .......
وبعد صلاة الظهر طلعنا مباشرة من البيت ........
..وكان الجو مشمس:icon_sunn ولكن الهواء بارد سبحان الله ,,
المهم حاولنا نبدر بالطلعه..قلنا نلحق على الحجز قبل الزحمه ,,,,,
كلمت على بيت اختي التي تسكن الرياض معي ...:11one: وذكرت لها اتجاه رحلتنا فقالت سوف نلحق
بكم بعد العصر او قبل المغرب بشوي ان شاء الله .............
.. لكن خبرونا وين انتم في حال حجزكم للشاليه عشان نعرف العنوان ...قلت اوكي اتفقنا .....
مشينا واتجهنا اول مره لعدة استراحات ولم نجد مايعجبنا واغلبها محجوزه ماعدا وحده يوم دخلناها
نشوفها كش جلدي يوم شفت البركه عميقه بشكل مروعه جدا ؟؟؟؟
فقلت له لاوالله مانقعد فيها ؟ ؟؟؟هو طبعا فرحان ...
لانه يحب البركه العميقه والواسعه عشانه يسبح ماشاء الله عليه وكمان عيالي يعرفون ..ولكن قلب الام مايرتاح ؟؟؟؟؟؟قلت والله انا ماني معذره في عقلي اليوم ؟؟
فكنا بالله هو احنا ناقصين خوف ؟؟؟؟؟؟؟؟
المهم ...رفضت هذه الاستراحه رفضا تاما ,.,,,,,,وطلعت منها غير مباليه بما يقوله لي من مدح في الاستراحه ومواصفاتها السحريه من شجر وثيل والخ .. ..........
ركبنا السياره من غير كلام ...وهو يعرفني اذا ماتكلمت معناه لانقاش معي ؟؟؟:baaa2:
قالوا له عيالي خلاص يابابا نروح اللي في ثمامه احسن واصغر ,,,,,,:bounce8:
مشينا على بركة الله فاذا باختي الاخرى اللي تسكن الطائف تخبرنا بالاجواء الممطره عندهم ماشاء الله فتحسرنا على الجو عندهم ماشاء الله ونحن نتمتع بالجو المشمس :icon_sunn
وصلنا على بركة الله الى احدى منتزهات ثمامه وحجزنا شاليه سبق اننا نحجز فيه مرات ومرات ...
عبارة عن فله صغيره فيها غرفتين وحمام ومطبخ خدمه بااحدى الغرف والثانيه فيها مدخنه ..
ومدخنه بالحوش مع قطعه ثيل كراسي وطاوله وبركه صغيره نوعا ما تصلح للاطفال اكثر....:36_1_33: .
المهم انها حلوة الشاليه كعائله صغيره ......في المواسم تختلف الاسعار....اخذناها ب350 ريال بعد الخصم ..وايام الاسبوع مابين 200 الى 250 ريال
المهم بدانا تجهيز تحضير الغداء زوجي ولع الحطب في المدخنه لزوم الطبخ وانا والشغاله جهزنا ادوات الطبخ :222:
والاولاد طبوا في البركه وانا ابوهم امامهم قاعدين على الكراسي نراقبهم ,,,ونسولف وهذه المره معي هذه ...... بعدين قام يتسبح مع عياله عشان ولدي الصغير المدعو ابو شوشه يبغى يطب معهم ويتسبح
وكانوا مبسوطين ......ولله الحمد ....
ويوم اذن العصر .. وصلينا بدأنا بتجهيز الغداء وكانوا العيال متقطعين تعب وجوع وانا وابوهم ايضا ...
حضرنا سفرة الطعام ومثل العاده كبسة رمروم ولكن بالدجاج..........
..وسلطات وفواكه وبيبسي وشغلات ....>>>>> تفضلوا حياكم الله
وبعد ان اكلنا وخلصنا من الاكل .....والحمدلله :36_1_11:
بعد كذا الساعه 5 عصرا ...زاتصلت اختي قالت نحن قادمين اليكم وينكم فيه بالضبط .....
.علمتهاوين نحن . ..
.فرحوا الاولاد بجية خالتهم وعيالها
وقمنا استعدينا للاستقبال ..وعملنا الشاهي والقهوة .........واللاذي منه ,,,,,,
وبعد اقل من ساعه ......حضروا العائله الكريمه بيت اختي وعيالها وزوجها .. ...
واجتمعنا نحن يالنساء داخل الشاليه ...
اما الرجال فااجتمعوا بره الشاليه على المساحات الخضراء من الثيل:m9: :m9: >>> يتميلحون عشان
البنات مرتزين امام الالعاب والناس والعالم والاطفال .والنساء :upset: .....:bounce8: ......الخ
وكل الشاليهات كذا ....ing: .........طبعا امزح من باب الدعابه ..والا الخاطر ماش
سوف اكمل لكم .. ....بعد ان اجتمعنا .....ومشت الاحداث طبيعيه . ...حتى صلاة العشاء ؟؟؟؟؟؟؟
هنا حدث ماكنت اتوقعه ان يحدث :36_1_44: وجرت الاحداث كالحلم ؟؟؟انتظروني اكمل لكم
رحلتنا التي لم تتكلل نهايتها بالنجاح التام....... بل الحزن الشديد والخوف الرهيب الذي اصابنا جميعا
وجعلنا نسبح في دموعنا ..... ولكن الحمدلله على كل شيء ......
قل لن يصيبنا الا ماكتب الله لنا ..... .