السلام عليكم
وحشتوني يا اهل الرياض ..
واليوم راح انزل لكم تقريري عن مطعم كوبر شندني التحليه ..
رحنا له وقت الغدا واستقبلونا استقبال طيب وكلمت المشرف تبعهم وقلت له ان حنا عندنا مناسبه خاصه وبنصور لكم تقرير للعرب المسافرون ..
وانبسطوا وماقصروا وكان راح يحطنا بغرفه صغيره لأنه حنا 2 بس ..
بس بعد كلامنا اخذونا لغرفه ل اكثر من 7 اشخاص ..
وحسسونا ان حنا امراء من الدلع والخدمه ال 5 ستار ..
نبدأ التقرير والصور ..
الموقع للمطعم / في شارع التحليه قريب من محل الهلال ..
المطعم من الخارج ..
استراحة .. للانتظار ..
الطابق الثاني
موظف الاستقبال
المشرف
المدير مع طاقم العمل ..
مديرهم مهراجا
الغرفه اللي اكلنا فيها رقمها 7 ولها اطلاله خاصه ..
والحين جا الاكل
مقبلات مشكله طعمها لذيذ ..
صحن مشويات مشكله عيبها انها حاره شوي ..
مسالا دجاج طعمها يم يم لذيذ ..
برياني دجاج وطعمه روعه ..
الطاوله بشكل عام ...
وجا دور الحلا ..
ونزلت تحت عشان اختار من الحلا ..
واتفاجأ بعالم ينتظرون يدخلون وكانو عوايل كبيره يعني الغرفه اللي حنا فيها المفروض لهم ..
ومنها زاد حبي للمشرف انه فضلني عالكل ههه
اخترنا نوعين
ترامسيو والثانيه بالكراميل بس مو ذاكر اسمها ..
هذي طعمها لذيذ انصحكم فيها ..
عصير تفاح مع الحلا
قيمة اكلنا 315 ريال ..
تقييمي للمطعم
الاكل : 10 / 10
بس الاكل شويه حار وانا معدتي ماتتحمل
المكان : 10 / 10
ديكوره وجوه الداخلي كأني بقصر مره حلو ..
الخدمه : ممتازه وكل الوقت يسألون اذا مرتاحين تبون شي ..
الاسعار : من متوسطه الى مرتفعه بس عادي كل المطاعم كذا
وبس
اتمنى ان التقرير ينال اعجابكم ..
تحياتي لكم ..