قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رذاذ العلي
11-11-2022 - 02:01 pm
××
السلام عليكم ورحمة الله
××
يسعد مسائكم بكل خير وسرور


التعليقات (9)
رذاذ العلي
رذاذ العلي
××
نسيت نقطة
××
أقصد توضيح
لاحد يقول أسألي الاقارب الي هناك .؟
أولاً : أول مررة اروح لهم احس اول يومين بستحي منهم
ثانياً: لو بسألهم أكيد راح يضيع وقتنا كل واحد بينقز لي بشي مكان ماحب ..
أحب أنا أقول ببروح للمكان الفلاني ,,
مثلا سوق واقف ,, فيلاجيو مول
بس لو أقول لهم مثلاً حاطة براسي هالمكان راح ياخذوني عليه بدون لف ودوران
××
شاكرة للجميع

مهندس قطري
مهندس قطري
الوكرة قريبة من الدوحة كلها دوارين ..خمسة كيلو الا انت عند المطار لان المطار على طريق الوكرة...الوكرة ما فيها شي غير انها قريبة شوي من امسيعيد وسيلين .....فكل تمشيتك راح تكوون بالدوحة ...

همي رضا ربي
همي رضا ربي
حياكم الله يا رذاذ الوكرة وقطر بكبرها بتنور بكرة بوصولكم
الاماكن السياحية اغلبها في الدوحة وطبعا الجو الحين ما يساعد حر ورطوبة
الصبح طبعا بتكونون في المجمعات واهمها فيلاجيو - السيتي سنتر - واللاندمارك وبعد المغرب تروحون للأماكن المفتوحة وطبعا أهمها سوق واقف - اللؤلؤة - الحي الثقافي ( كتارا ) -حديقة اسباير .

رذاذ العلي
رذاذ العلي
××
جعل عيني ماتبكيكم يا عيال قطر
(مهندس قطري // همي رضا ربي )
الله يسعدكم يارب
مهندس قطري حنا راح نجي عن طريق البر بنمشي تقريباً 3 الظهر وبنوصل أكيد بحدود6 او7 يعني خلاص راح وقتنا واكيد قرايبنا هناك بيكونون منتظرين على عشاء
يعني مافي مجال نفتر اول يوم ..
//
همي رضا ربي
قطر منو فيك وبأمثالك فديتك
الله يوفقك حبيبتي ماقصرتي
عندي أستفسار صغير
(( اللؤلؤة - الحي الثقافي ( كتارا ) -حديقة اسباير ))
هالاماكن وين فيه ..؟؟
أقصد في الدوحة ..
بخصوص اللؤلؤة..؟؟
سألت أخوي قال اول مررة اسمع فيها طبعاً هو دايم يروح بس انا اول مررة .؟؟
ونفس الشي الحي الثقافي ايش هو .؟؟
حديقة أسباير فيها ملاهي للأطفال . أو بس مسطحات خضراء وجلسات ..؟
شاكرة لكم كثير هالتجاوب السريع
لاخلا ولاعدم

مهندس قطري
مهندس قطري
اللؤلؤة والحي الثقافي تقدرين تزورينهم بنفس الوقت لانهم جنب بعض شااطئ تتمشين عليه وفيه مطاعم وكافيهات .

المرواني الجهني
المرواني الجهني
هلا اختي
بالنسبة لحديقة اسباير مجرد مسطحات خضراء جميله ولا يوجد بها ملاهي للأطفال....وحاليا الجو حار جدا....يعني ما انصحك تزورينها
اقتصري زيارتك للمجمعات ( فيلاجيو واللاند مارك وسيتي سنتر ) وكتارا ( الحي الثقافي ) وسوق واقف واللؤلؤة
علما بأن سوق واقف واللؤلؤه وكتارا هي أماكن مفتوحه وماتنفع في الجو الحار الا اذا زرتيهم المساء
واتمنى تكررين زيارتك لقطر في وقت يكون فيه الجو احلى
وبما انك رايحه الوكره أتمنى انك تزورين شاليهات سيلين ..... ويفضل لو تحجزون شاليه
وبالتوفيق

مهاجر بلا حدود
مهاجر بلا حدود
انا اليوم بروح قطر
الله يعيننا على الحر والرطوبة
اضافة مجمع الحياة بلازا بجوار فيلاجيو
كذلك حديقة الحيوان
كذلك خلف مبنى المعارض موقع غير معروف الاسم لكن فيه جمعيات مثل جمعية الاطفال ومطاعم وجلسات على البحر

مهندس قطري
مهندس قطري
خلف مبنى المعارض هناك الحي الثقافي او المسمى ب كتارا

بو نواف القطري
بو نواف القطري
السلام عليكم ورحمة الله وبركاته
مجمع السلام بلازا مقابل ستي سنتر كله ماركات وتم افتتاح المجمع الجديد اللي فيه واسمه بوابة السلام والمحلات راقيه وايد
الصالون الازرق في شارع سحيم بن حمد مجمع راقي وكله ماركات


خصم يصل إلى 25%