زيورخ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
خالد الجويسري
04-12-2022 - 10:07 am
  1. السلام عليكم ورحمة الله وبركاته


السلام عليكم ورحمة الله وبركاته

الحمدلله اللي يسر اموري واستانست بسفرتي وناسه ما بعدها وناسه والفضل لله ثم لكم يا اعضاء المنتدى الرائعين مهما قلت لن اوفي حقكم فلولا الله ثم انتم لما استمتعت هذع المتعه الحقيقيه في اجمل بلد في العالم
في البدايه ما طرى على بالي اروح سويسرا لاني كنت ناوي على ماليزيا وماادري شلون دخلت القسم السويسري للفضول فقط لا غير وبعد ما شفت الصور والمناظر ومدح كل الاعضاء في المنتدى لهذا البلد افتر راسي شوي وقلت ليش ما اروح للثلج في سويسرا احسن من رطوبة ماليزيا !
وسجلت في المنتدى وشيبت بروسكم من كثر الاسئله والحمدلله ما قصرتو معاي الكل كان متفاعل واخص بالشكر الاخ بو عزيز وفي اعضاء والله نسيتهم للاسف بس كلهم ما قصرو
الحين بحطلكم صور من رحلتي وللاسف كانت اغلب الصور شخصيه لاني ماكنت انوي احط التقرير والا كان صورت اكثر مع التفاصيل
بسم الله
الرحله كانت لشخصين انا وزوجتي على طيران اللوفتهانزا والصراحه هالطيران كان جدا ممتاز
وهذي صوره من الامام الفندق اسمه هوتيل كروز يبعد عن انترلاكن 7 كيلو تقريبا حجزت اربع ليالي 1000 فرنك تقريبا وانصح بالفندق وبشده
وهذي المنظر من بلكونه غرفتي حيث كانت البحيره تقع خلف الفندق وانصح اللي بيحجز انه ياكد تكون غرفته تطل على البحيره لانه الجلسه فيها وشرب الشاي والزقاره تسوى ملاين
لزوم الشغل ( بالنسبة لي )
وهذي البحيره اللي قدام فندقي
والحين بحطلكم صور مختلفه من انترلاكن وضواحيها
هذي كانت بالطريق وانا رايح لقمة الجونفراخ اللي بحطلكم صورها ان شاءالله
هذي الصوره وانا بالطريق الى انترلاكن قادما من زيورخ
وهذا المنظر بكل مكان يصادفني
وهذي بعد من بلكونة غرفتي
تلوموني اذا نصحت في هالفندق
البحيرة الزرقاء
صوره اخرى
وكانت بحيره جدا جميله
وهذا النهر بجانب البحيره لا يبعد عنها سوى خطوات معدوده
صورة اخرى
وبعدها خرجنا متوجهين الى بحيرة الاوشن سي وكانت من اجمل الاماكن التي زرتها والمناظر خياليه
وبعد ما وصلنا واوقفت السياره وصعدنا التلفريك كان هذا المنظر في استقبالنا
راح نمشي على الطريق اللي تشوفونه بالصوره يمكن ثلث ساعه او اكثر والمناظر كانت لا توصف سادع الصور تتحدث
لا تعليق
وصلنا البحيره
المطعم الكائن بجانب البحيره
جلسة تأمل بين شايب وعجوز وتذكر الماضي
وبعد ما جلسنا بالمطعم وتقهوينا قررنا النزول والعوده
ذهبنا الى انترلاكن وكان فيها مهرجان مو طبيعي كان عبارة عن فرق قديمه جدا والناس لابسين لبس قديم واكلات شعبيه واكشاك تبيع حليب واللي يبيع اكلات خفيفه واللي يبيع ملابس قديمه كان عجيب
للاسف اغلب الصور شخصيه لكن بحطلكم جم صوره
هذا شربت عنده احسن قلاص حليب ذقته بحياتي
وهولي ناس عاديين من اهل القريه لابسين لبس قديم ومتجمعين ويغنون اغانيهم ما اسمعها الا بالافلام الاجنبيه القديمه وكان شي خيال
صوره اخرى
الشوكولاته السويسريه وما ادراك ما الشوكولاته السويسريه
من كثر ما اكلت خفت لايجيني سكري ههه
درجة الحراره 12 والساعه 11 ونص الظهر
هذا تقرير مبسط عن رحلتي لعل و عسى اكون رديت الجميل لهذا المنتدى الرائع واذا الردود تشجع راح اكمل صور متحف الحياة السويسريه الجميل وصور قمة الجونفراخ
شوكرا


التعليقات (9)
" Emo0o "
" Emo0o "
الله عليك يا انترلاكن
جنان الصور

ابو نزيه
ابو نزيه
يشرفني ان اكون من الاوائل المتابعين لهذا التقرير الرائع
خذ راحتك وانت تنسق التقرير نبي معلومات وتفاصيل أكثر
نبي نعيش الرحله معك لحظه بلحظه
سؤال / كيف كان مسار الرحله على خطوط اللوفتهانزا ؟؟؟؟وكم سعرها تقريبا؟؟؟؟

شارلوك هولمز
شارلوك هولمز
وينك من زمان ياخالد هاي التقارير والا بلاش
لا تزال انترلاكن في القمة ولا ينافسها شيء
ننتظرك على احر من الجمر
هولمز

خالد الجويسري
خالد الجويسري
emo0o ";5702402]
مشكور على المرور والطله الجميله
ابو نزيه
الله يسلمك ومشكور على المجامله الحلوه وراح اكمل التقرير باذن الله تعالى
واكيد انترلاكن في القمه

سهم..
سهم..
ما شاء الله تبارك الله
تقرير مشوق
الله يعطيك العافية

armani.777
armani.777
الحمد لله على السلامه
ننتظرك

الى اين
الى اين
الاوش سي اجمل مكان زرته في حياتي
شكرا لك

سعـد القحطاني
سعـد القحطاني
اهم شي انك استانست ،،،،،،
تصدق يوم شفت اسمك تذكرت ردي على استفسارك الغريب وجلست اضحك، ، بس اهم شي انك استانست
يمكن سؤالي يكون اغرب سؤال بتاريخ المنتدى ! - منتدى العرب المسافرون https://artravelers.com/

aboaziz
aboaziz
حمدا لله على سلامتكم
وان شاء الله تردونها و تكررونها مرات ومرات
والف الف شكر على نقلك - رد الجميل يكفي وجودك اللحين معنا بعد السفر لأنه بالنسبة لي شعور لايوصف
الفندق ويزيز كروز دار عليه جدل كبير بالنسبة لنوعية اثاث غرفه والازعاج من القطار اللي تحته فإلى اي حد هذا الجدل عنه صحيح؟
يعطيك العافية ويحفظ لك المدام وكل من تعز
®™Aboaziz


خصم يصل إلى 25%