حياك الله اخوي معنا .... وان شاءالله بتلاقي الفائده ...
اخوي ان شاءالله راح اجيبلك اللي تبيه ... بس ياليت تحددلي المبلغ الليراح تدفعه لأنه من معهد لمعهد تختلف أسعارهن ... فهناك الغالي وهناك الرخيص ...
وكذلك أين سوف تقيم ... مع العلم ان نيوزيلاند ارخص من استراليا ...
من ناحية الأفضل صعبه حد يفتيلك الا اللي زارهم كلهم .. لكن انا برأيي نيوزيلاندا ...
ولنا حديث في هذا
تحياتي

تسلم اخوي يا ماس
وبنتعبك معانا بس كلك ذوق اخوي
عموما المبلغ يعني تقريبا الى 25000 الف ريال بالحدود هذي

نسيت اكملك بالنسبة للاقامة
العائلة يقولون افضل للاستفادة
ومادري ايش سلبيات الاقامة مع عوائل يمكن احد جرب يفيدني من الزملاء
لا تخلوني محتاج خبرتكم
الله يعطيكم العافية اخواني

الحقيقة ماأدري من الي شار عليك بالشور المهبب ... يعني لا أستراليا ولا نيوزلاندا ماتصلح للتعليم ... اللي أعرفه من واقع الخبرة أن الدراسة للغة الانجليزية الصحيحة تكون ببريطانيا ولدى أسرة معروفه وملتزمة بالتدريب والتأهيل ماهي خذني جيتك هذه من ناحية .
اما لو تبي تروح الدولتين اللي ذكرتها فأنصح تجلس بالبلد وتأخذ دبلوم لغة انجليزية أبرك لك في معهاد متخصصة مثل نيوهورايزون و المركز السعودي البريطاني للغات وبمبلغ 13000 ريال للسنة الواحدة دبلوم .
ومدرسيها من الجنسية البريطانية وخلي السفر للممارسة العملية بعد التأهيل أفضل .

اخوي التحري
يعطيك العافية وشورك هذا ... اشار علي قريبي بنفس الشور
وقال ان بريطانيا هي اصا اللغة تعلم هنا اول ..وبعدين سافر
بس انا سألت واحد راح لنيوزيلاند وقالي بالعكس استفدت من اللغة كثير واللغة عندهم ممتازة ومن هالكلام
وانا بصراحة ابيها حج وقضاء حاجة
يعني تمشية اهم شئ واستفادة لغة بعد
يعطيك العافية ..ترا يهمني رايك اذا بترد علي
ومشكور

واضم صوتي لصوت الاخ عاشق السياحه ..
لأني انا ودي اخذ كورس لغة انجليزية+تقديم التوفل .
ياريت تفيدونا اكثر ياجماعة الخير ..
بالنسبة للمعاهد الموجودة في البلد مشكلتها انها مجرد شهادة لاتوجد اي ممارسة عملية .. يعني تنتهي بانتهاء موعد المحاضرات .
وانا جربت المعهد الثقافي البريطاني وكان خيبة مابعدها ..
معهد تجاري بمعنى الكلمة .. :: أي كلام ::
ننتظر خبراتكم العملية مع توضيح كل صغيرة وكبيرة بهذا الخصوص ..
وجزاكم الله عنا كل خير

الدراسة في الجامعات الاسترالية... http://www.oval.edu.jo/Study_in_Australia.html
هالرابط ممكن يفيدكم.... وانا في طور البحث وان وجدت شئ جديد راح اطرحه هنا باذن الله...
تحياتى

حقيقة لآ اعرف مركز متخصص في الرياض ولكن هناك مركز متخصص ومضمون في مدينة جدة اسمه مكتب العطار للسفر والسياحة بس انوقع يكون له فرع في مدينة الرياض أكيد.
هذا المكتب يرتب لك كل شي من سكن وفيزا ودراسه_ ما عدا الطيران _ تقريباً بخمسة الآف ريال للشخص في استراليا .
أما الجامعات أو المعاهد الي يمكن تدرس فيها فهي متعددة وتقدر تزور المكتب وتختار المكان الي يتاسبك.
رقم المكتب: 02668177 في مدينة جدة واسم الشخص المسؤل /شرف الدين
وبحكم اني انا وزوجي جربنا استراليا واصدقاء زوجي جربو نيوزيلاند استراليا افضل بجميع المقاييس لأن الناس الي درسو في نيوزيلاندا تعرضو لبعض المضايقات بحكم انهم عرب وهم مايطيقون العرب لاكن استراليا العكس وهي كمان مليانة بالعرب ومتمل تحس بوناسه بينهم.........
اي استفسار ثاني انا وزوجي حاضرين...........

الله يعطيكم العافية
وما قصرتوا كفيتوا ووفيتوا
ونتمنى نخدمكم بالافراح
بس انا ماني عارف نظرة الاستراليين بعد الاحداث
وتفجيرات بالي وتعاملهم مع السعودي بشكل خاص
وهذي نقطة مهمة ..