- السلام عليكم
السلام عليكم
احب أشكرك جميع الاخوان والاخوات المهتمين في بوابة استراليا اللي بصراحه الواحد لو كان عنده استفهامات كثيره راح يلقى الجواب الكافي انا قبل شهر خططت رحلتي ورجعت للمنتدى في بعض الاشياء بس يمكن تستغربون عضويتي جديده للاسف اني نسيته ولا تذكرته فاضطريت اسوي عضوية جديده لان حاب اتواصل معاكم واستفيد وافيد وهذا رابط سابق لي
https://artravelers.com/p/re/559796 كنت متردد بين فيزا طالب وفيزا سياحيه تأخرت بالوقت وقلت اغتنم الوقت بالسياحه قدمته عليه الساعه اربع العصر وصلتني الموافقة بالليل بعده قمت ادور لي حجز وكان الخطة تكون ترازيت الى ماليزيا لقيت الحجز حدود 7000 ريال وكان بوقته السعر حلو مره بس واحد قالي بجيب لك سعر احسن وبعده شيكت الاسعار طلعت فوق قمت حجز على طيران الاتحاد الاماراتي كالتالي الدمام بوظبي بوظبي استراليا ملبورن والحمدلله كانت رحله طيبه بس يا فرحه ما تمت بالمطار كنت مبسوط عند التفتيش المصيبة انا بالفورم اللي عطوني اياها بالطيارة حاط المدة الشهرين ما ادري ليش تم التفتيش بكل شخصي لي انا ما كنت متعمد على الكاش لاحظوا هالشي قالوا شلون يكفيك المبلع 1000 دورلا وانت بتقعد شهرين والله يا جماعة التفتيش كرهني بحياتي لدرجة لو اني قدرت ارجع ارجع وسخين لين تم تحويلي الى مكتب الهجرة عنده انا خلاص قفلت معي قلت ما راح اتكلم كل ما قال شي قلت اي دونت نو اسبيك انجلز رحنا مكتب الهجرة نص ساعه ساعه تم الاتصال بترجم وكان يسألوني ويترجم مع العلم اني اعطيتهم رقم عمي كان ينتظرني وقال لهم ان هو السوبنر مالي لين بطوا شبدي الله يبطه اخر شي يقول نبي نتأكد انك تعرف الشروط مالت الفيزا ان ما تقدر تقعد ثلاث شهور ولا تشتغل وتقدر تحوله طالب اخر شي قلت له احنا عرب ما نسخدم الكاش لول تأخرت ساعتين بالمطار حبيت اوضح لكم هالشي عشان لا يصير لكم هالشي اكتب انك راح تستخدم الفيزا او في احد من اهلك واسمحلي طولت عليكم انا حاليا متواجد في ملبورن وراح اتواصل معاكم
نبغى صور ومقتطفات من هناك.