أخي الحبيب a1is
إن الدراسة في استراليا فكرة جميلة جدا .. والأسعار هنا ليست أغلى من أوروبا وأمريكا ..
ومستوى الدراسة متقارب إن لم تكن أفضل في بعض الجامعات ..
بالنسبة للعمل فإذا أتيت بفيزا دراسة يحق لك العمل 20 ساعة في الاسبوع أي ما يوفر لك مصروفك وتكاليفك الأساسية .. والبحث عن العمل ليس بالأمر الصعب .. والخيارات متوفرة ولكن تحتاج للغة انجليزية بسيطة علىالأقل حتى تستطيع التعامل المبدئي ..
هذه وصلة لموقع يفيدك من جميع النواحي بخصوص استراليا ..
http://www.studyinaustralia.gov.au/Sia/ar/Home.htm
خذ لك لفة على الموقع واي استفسارات حاضرين لك يا أخوي ..
طير البحرين

مشكور يا خوي طير البحرين
بس بغيت اسالك بعد انا بحريني واريد تخصص تجارة كم تاخذ منك الدراسة وهل في بحرينين بكثرة في استراليا

a1is
أخوي a1is ..
دراسة البزنس في جامعات استراليا تاخذ مابين ثلاث واربع سنوات لدرجة البكالوريوس ..
وهذا طبعا أمر مختلف من جامعة إلى أخرى ..
في الوصلة اللي أعطيتك إياها راح تجد قائمة بكل الجامعات الموجودة في استراليا ..
وكل جامعة تدخل على الموقع الخاص بها وتختار التخصص ويقولك كل التفاصيل والتكلفة ..
وايضا مدة الدراسة ..
الوصلة هي :http://www.studyinaustralia.gov.au/Sia/ar/Links/Universities.htm
وكل التفاصيل موجودة ..
ونصيحتي يا أخوي اذا بتجي بتدرس باستراليا فأنصحك بجامعات موجودة في سيدني ..
لانه فيها الكثير من العرب والخليجيين والمحلات العربية والمساجد والجوامع ..
أما لو رحت لآخر استراليا مثلا في بيرث أو في بعض مناطق الريف .. يمكن تتضايق كثير لانك فعلا بتشوف الغربة الحقيقية ..
بالنسبة للبحرينيين نا ما عرفت انه في كثير لكن في خليجيين كثير من مختلف الجنسيات ..
لكن مؤخرا صرت أتعرف على بحرينيين عايشين هني ولهم محلات وحياتهم الخاصة من سنين ..
أي تفاصيل ثانية أنا حاضر لك يا أخوي ..
طير البحرين