خليج الخير
04-12-2022 - 06:07 am
السلام عليكم
واتمنى للجميع صيف ممتع ....ورحلات موفقه ناجحة ....وعودة سالمة للأوطان .
بس حبيت انبه الأخوة والاخوات لي ناوين في سفراتهم ...زيارة مدينة جنيف او الإقامة فيها .
انبهم من النشالين والنشالات ....
كيف ؟؟؟ معقولة ؟؟؟
اغلب النشالين من العرب بشهادة سواقي السفارة العرب ؟؟
انتشل صديقي وانا امشي معاه عالبحيرة ؟؟
كيف ؟ سوال عن الساعة كم ... يمشي جنبك يستظرف ؟؟ يحاول يضحكك بحركاته ؟؟ بينما اليد تمتد للمحفظه من الخلف ؟
2_ وانت بالسيارة يجيك واحد ماشي يوقف جنبك يسالك عن اشياء ....ويكون هناك ربعه 2 من الخلف يحاولون يفتحون الباب الخلفي او من النافذه يسحبون اي شنطه بالسيارة ؟؟
3_تكون جالسه الوحده على طاولة يجي واحد بحركة معينه يشغل الجميع ...الفرقة الثانية تخطف الشنطة وتهرب بين الشوارع الضيقة ؟؟؟؟
4_ بنات عربيات (؟؟؟؟؟) لابسات حجابات او غطاء عالراس يتابعن النسوان في المحل او الشارع كانهن سا ئحات ...وفي اي لحظة غفلة او انشغال يخطفن الشنطة ويطيرن بها ؟؟؟
انا كل سنة ازور هالمدينة واجلس فيها ايام طويلة (عمل رسمي ) وليس سياحة ؟؟
وفي كل سفرة ينتشل حد من اللي معانا .....غير ما يقصه علي سواق السفارة من قصص النشل ؟؟
انا ما حبيت هالمدينة ابدا مقارنة بغيرها من مدن اوربا لأسباب؟
منها: المنطقة اللي فيها المطاعم والمحلات العربية اصبحت قطعة من افريقيا مجموعات بكل زاوية وبيع مخدرات
2_ نفس المنطقة وبين المطاعم تكثر محلات (الدعارة ) ومنتشرات في الشارع ؟
3_ ضيق الشوارع والزحمة اللي تصير في الصيف ؟؟؟؟؟ للي يحبون الزحمة زينه ؟؟ وليس للباحثين عن الاسترخاء والهدوء والراحة من عناء السنة ؟؟
هذا رأيي الشخصي ....بعد زيارات عديدة ؟؟
طبعا هناك مدن قريبة منها اجمل وانظف مثل (لوزان ومونترو ....وفيفي....)
ولكن هدفي كان هنا التحذير من النشالين ؟؟؟؟ والنشالات؟؟
والسموح ة
واذا حد يريد معلومة اي معلومة انا حاضر
والمنطقة اللي ورا فندق الويرويك يبيلك تمشي وانت مغمض عيونك
وانتبهو من اللي يلعبون عند البحيرة مجموعه يلعبون اين الكره في اي وحده من الاغطية ويصارخون وواحد معهم كأنه من برا يعطيهم فلوس ويكتشفت مكان الكره ترا كلهم نصابين حراميه