بسم الله الرحمن الرحيم
اَلْحَمْدُ للهِ بِجَميعِ مَحامِدِهِ كُلِّهَا ... عَلى جَميعِ نِعَمِهِ كُلِّها ...
اَلْحَمْدُ للهِ الَّذي لا مُضادَّ لَهُ في مُلْكِهِ ... وَلا مُنازِعَ لَهُ في اَمْرِهِ ...
اَلْحَمْدُ للهِ الَّذي لا شَريكَ لَهُ في خَلْقِهِ ... وَلا شَبيهَ لَهُ في عَظَمَتِهِ ...
اَلْحَمْدُ للهِ الْفاشي في الْخَلْقِ اَمْرُهُ وَحَمْدُهُ ... الظّاهِرِ بِالْكَرَمِ مَجْدُهُ ... الْباسِطِ بِالْجُودِ يَدَهُ ...
الَّذي لا تَنْقُصُ خَزائِنُهُ ... وَلا تَزيدُهُ كَثْرَةُ الْعَطاءِ إلاّ جُوداً وَكَرَماً ... اِنَّهُ هُوَ الْعَزيزُ الْوَهّابْ ...
وأفضل الصلاة وأتم التسليم على حبيب إله العالمين ... سيد الأولين والآخرين ...
خاتم الأنبياء والمرسلين ... طه وياسين ... محمد النبي الأمين ...
وآله الطيبين الطاهرين ... وصحبه الغر الميامين ...
اللهم احشرنا في زمرتهم يوم الدين ... آمين آمين ...
اليوم : الأول ( 14 - 6 - 2011 م) ... والثاني (15 - 6 - 2011 م) ...
السيناريو : زيارة أوروبا بارك في رُست الألمانية ...
إخوتي وأخواتي الأحبه أعضاء وزوار هذا المنتدى العزيز والغالي ...
السلام عليكم جميعاً ورحمة الله وبركاته ...
تحية طيبة ملؤها الحب والعرفان بالجميل من أخيكم الأصغر لكم جميعاً فرداً فرداً ...
أرجو أن تكونوا جميعاً بأتم صحة وعافية على الدوام إن شاء الله ...
ها يا ...بو الشباب ... طحنت الحب اللي في راسك يا ... ولد عم المتنبي؟؟
خلصت هالاسطوانه اللي صار لك كم يوم تصفصف فيها وانا شايفك وساكت؟؟
هلا وغلا بالحبيب ههه ... ايه خلصنا خلاص ...
لا تفضحنا قدام الجماعه ... تكفى يا ... خويي ...
طيب طيب ... كمل وما صار الا الخير ... كمل ...
انزين ...
هلا والله وغلا بكم يالربع ... يا رواد بوابة الماكينه الألمانيه خصوصاً ... والمنتدى عموماً ...
اسمحوا لي أهني نفسي بتواجدي بينكم كأخ صغير حصلت له الفرصه والشرف يتعلم من أساتذه خبراء من أمثالكم ...
أل 1000 ف مبروك لي
(أنا داري انك ما تعرف تمشي خمس دقايق صح ... لازم تخور) ...
المهم ...
هذا يالربع الله يسلمني ويسلمكم ... بعد ما انتهينا ولله الحمد من الجزء الأول من التقرير (سويسرا) :
https://artravelers.com/p/re/559618
وبعد ما وصلنا أرض الوطن سالمين غانمين ولله الحمد ... وارتحنا وريحنا ...
قلت يا بو سمره عاد الحين جا وقت الجزء الثاني (ألمانيا) ...
وأمسك لكم بنت عمتي ... وطق ... طق ... طق ... حتى طقطقت عظامي وياها ...
لا يالنذل ... لا يا قليل الأدب ... لا يا جبان ...
هذا اللي كان قاصر بعد ... تمد إيدك على حرمه ... هذا أولاً ...
وثانياً ... وش دخلنا احنا في بنت عمتك؟؟ ... وش اللي جاب طاريها أصلاً؟؟ ...
أنا أكثر شي ما أطيقه في هالحياه الأندومي وورق العنب واللقافه ...
يا شين اللقافه
بس من زين حظي والله ... يوم ربي بغى وقعتك تصير وأشوفها بعيوني ... صارت عدله ...
هذا يا خويي لو انك ماسك لسانك هالأغبر شوي بس وصابر كان عرفت من هي بنت عمي هذي ...
أنا كان قصدي الكيبورد (لوحة المفاتيح) ... وكنت بقول كذا بس الحمد لله اني تأخرت شوي ...
عشان أنسدح فيك شوي ... وأتفصفص فيك شوي ...
وأسوي عليك لفتين فلافل بدون طحينيه أحلى من فلافل ابو نواس ... شوي ...
ههه يا خويي لو سمحت كمل كمل وعذراً على الازعاج ... ههه
الحين جاي تعتذر؟؟ ... مو صار لك دهر مسويني صيخين كباب وجالس تشويني على فحم طافي؟؟
العذر والسموحه منكم يالربع ... لا تواخذوني والله ...
تراكم ما تدروا من متى وهذا مستلمني جلد على الطالعه والنازله ... والله سوى وجهي خط سريع 6 مسارات
والسرعه مفتوحه ... وماني قادر أطوله ابن الذين ...
شوفوه في الجزء الأول وتعرفوا حجم معاناتي وياه ...
يالله ... الحمد لله على كل حال ... يمهل ولا يهمل ...
نكمل يالربع وخلكم من هالمربوش ...
هذا الله يحفظكم طلعنا في هاليوم على ما كانت الخطه من جريندل فالد (سويسرا) ...
متوجهين لرُست (ألمانيا) ... عشان حديقة ألعاب (أوروبا بارك) أكيد ...
وهذي كم صوره وداعيه لجريندل فالد الرائعه ...
وطبعاً اليهال أنواع تعابير الفرح على وجيههم الله يحفظهم ويحفظ لكم كل غالي ان شاء الله ...
هم أصلاً ما جابهم معنا في هالرحلة الا هالألعاب بالتحديد ...
(طبعاً خويكم متحمس يلعب أكثر من عياله ... بس ساكت ومسوي نفسه ثقيل ) ...
المهم ...
مشينا ومسكنا الخط ...
وللأخوات شفنا هاللطيف ...
وكملنا ...
وهذي لتوليد الطاقة الكهربائية بالهوا ...
ولفينا على رُست ...
ودخلنا البلد ...
وهالقطار من بعيد تشوفونه ...
وصلنا السكن ...
كنا حاجزينه من موقع بوكينج ... واعتمدت على تقييم اللي سكنوه قبلي وندمت بصراحه ...
أعلمكم ليش في التقييم ان شاء الله ...
وعلى فكره ... كلمة (باخ) على ما قال لي أحد سكان هالبلد معناها (نهر) ...
عشان كذا الفندق جنب النهر ...
هذا الجزء يبدو لي انه ما بعد يكتمل ... وترى كانت هذي الشقه مالتنا ...
الصاله ... وعلى رواية أخرى (الصالون) ...
في الصاله حاطين سرير الأطفال ...
وهذي غرفة نومنا ...
وهذي دورة المياه الوحيده في الشقة الله يكرمكم وموجوده داخل غرفة النوم ...
يعني العيال يا داخلين يا طالعين من جنبنا ...