السلام عليكم ورحمة الله وبركاته ،
أخواتي وأخواني الأعزاء، ان شاء الله هالسنه ناويه أسافر جنوب افريقيا ويا العايله (ابو العيال والعيال) طبعا ما يخفى عليكم الامر من يوم ما خبرت الأهل عن السفره وانا مواجه معارضه شديده. هالمعارضه سببها مسألة الأمن في هالبلاد. طبعا أنا قريت وايد واستفدت وايد من هالمنتدي الرائع عن جنوب افريقيا بشكل عام و عن مسألة الأمن بشكل خاص . و بعد عندي معلومات وايده من بعض المدرسات الجنوب افريقيات الى ما شاء الله ما قصرن فيه موليه . الصراحه اني حبيت هالبلاد قبل لا اجوفها. اليوم أنا حابه آخد رأي خبراء المنتدي في رحلتي http://www.travelzad.com/vbه السريعه الي بتبدي من 1-7 لين 13-7 و احنا اقصد العايله (أبو العيال،أنا،بناتي الثنتين (12و10) و اولادي الثنينه (5 و 7) وطبعا ما بنسى ايدي اليمين بشكارتي "تاتي" )
أفكر اروح جولد ريف سيتي الى في جوهانسبرج 2 نايتس و باجي الأيام في كيب تاون...طبعا في كيب تاون بسكن في وترفرونت فيليج ابرتمينت أما في جولد ريف سيتي لين ألحينه ما حددت
قولولي شو رايكم في مدة الرحله، اختياري للمدن صح و الا لا. وايد اوثق في رايكم و مشكورين مقدما.