سيدني المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عشان تكمل فرحتك
19-12-2022 - 04:03 am
السلام عليكم
ABC College .. Sydney
بإذن الله بعد ثلاث أسابيع راح أكون ضمن طلاب هذا المعهد اي بي سي اوف كولج
حبيت أنفع اللي يبي يروح هناك وهذا الرابط حق المعهد http://www.abc.nsw.edu.au/new/sub03_03.php
مميزات المعهد :
عدم وجود السعودين والعرب به يعني بس أنا راح أكون به بالصيف
المعهد أسعاره حلوة وماهي مبالغ به
مكان المعهد إستراتيجي بالستي
قرب جميع المواصلات منه .
اللي حاب يستفسر لايرده شيء
واللي ناوي يدرس به يعلمن


الدراسة في استراليا
التعليقات (9)
مرحبا
مرحبا
كم سعر الدراسة لشاب 18 سنة لمدة شهر تشمل :
المعهد والعائلة ؟
وكم سعر تذكرة الرياض سدني ؟
مع جزيل الشكر .

عشان تكمل فرحتك
عشان تكمل فرحتك
مرحبا
أهلآ أخوي مرحبا
طبعا أسعار المعاهد تختلف وهذا المعهد سعره 200 دولار بالأسبوع يعني رخيص
والعائله تقريبا من 250 دولار بالأسبوع الى 350 دولار
لكن بشكل عام إذا تبي تحسبه بالسعودي ونفس حسبتي تطلع عليك مدة شهر
المعهد والعائله 8000 ريال تقريبا
التذكرة ذهاب وعودة على طيران الاتحاد من الرياض لأبوظبي ومن أبو ظبي لسدني مع العودة على نفس خط السير تقريبا 7500 ريال
المعيشه اذا أنت تبي توفر تقريبا 4000 ريال بالشهر
يعني تقريبا المجموع العام من 20 الف ريال الى 18 الف ريال ...
ونصيحه شهر قليله وأنصحك شهرين أقل شيء ..
موفق واي سؤال أنا بالخدمه

بوفهد السبيعي
بوفهد السبيعي
هلا فيك اخوي
طيب كيف نظام المعهد
كم مستوى
يعتي مثلا كل شهرين مستوى او كل شهر مستوى
هل تعرف احد جربه
وش مميزاته وسلبياته

عشان تكمل فرحتك
عشان تكمل فرحتك
بوفهد السبيعي
والله ياخوي أنا راح أدرس به إن شاء الله بعد أسبوعين
وعرفت المعهد عن طريق قريب لي يدرس بسدني وأختار لي هذا المعهد
من بين كل المعاهد بسبب نظامهم المميز حيث كل أربع أسابيع تأخذ مستوى واحد
أما غالبيه المعاهد كل خمس أسابيع مستوى طبعا أول ماتدخل يسون لك إختبار تحديد مسوى إذا بغيت ويشوفون مستواك ,, هذا أمر
والأمر الآخر سعره مناسب جدا ومن أرخص المعاهد بسدني
وكذلك عدم وجود الطلاب العرب حيث راح أكون أنا الوحيد السعودي والعربي اللي راح أدرس به
طبعا هذا على كلام المعهد قبل شهر تقريبا , ومن مميزاته موقع بالستي وقريب من المواصلات
أنصحك إذا لك رغبه بالدراسه به راسلهم عن طريق الموقع أفضل لك , وأبعد عن مكاتب السياحة لأنه تستغل العميل وتاكله .

بوفهد السبيعي
بوفهد السبيعي
يعطيك العافيه
بس هو تجاري ولا تابع لجامعه
وموقعهم بالانجليزي ولا قدرت افهم له

عشان تكمل فرحتك
عشان تكمل فرحتك
بوفهد السبيعي
والله ياخوي مادري بس الظاهر أنه تبع كلية وليس جامعه ؟
وبالنسبه للموقع أنصحك تخزنه عندك بالمفضله وتفتحه مع أحد متمكن من اللغه عشان يضبط أمورك .

عبث كبرياء
عبث كبرياء
الله يجزاك خير ويرضى عليك
كيف اتواصل معاك..
لاني ان شاء الله جاازم ....الله لا يعووق
ابيك ضروري لاني ابي احادث باشياء كثيره
امنياتي لك بالتوفيق

Stranger Man
Stranger Man
عبث كبرياء
التواصل يكون هناك بارك الله فيك
هذي قوانين المنتدى

srn005
srn005
هل المعهد مناسب للمبتدئ في اللغه
مع الشكر ....


خصم يصل إلى 25%