اوكلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
safety280
06-12-2022 - 03:14 am
السلام عليكم ورحمة الله وبركاته
مساء صباح الخير ياجماعه ويامسافرين ومسافرون
قبل فتره فكرت اني اسافر في الصيف هذا عشان ادرس انجلش في نيوزيلاند بالتحديد في مدينة اوكلاند وبالتحديد في جامعة اوكلاند.. المهم اني حجزت على طيران كاثي باسيفيك ورحلتي ان شاء الله (June23, 2011)، وحجزت التذكره الكترونيا، وعندي مجموعة اسئله وياليت تجاوبو عليها هنتم:
  • كيف اثبت اذا رحت المطار اني عندي تذكره الكترونيه؟؟ هل اطبع الرساله اللي رسلوها لي على الايميل ويكفي؟؟
  • وش معنى بوردينق وكيف اطلعه؟؟
  • وش هي اقصى حموله بالكيلوجرام اقدر اشيل معي في الشنط؟
  • بنك سامبا اللي في السعوديه اللي هو البنك السعودي الامريكي، يمديني استخدم الصرافه هناك في نيوزيلاند؟
  • وين الافضل اصرف دو رات نيوزيلنديه في السعوديه قبل مااروح او اذا رحت ؟؟

هذا الاسئله اللي تجول في خاطري حاليا، واذا عندي زود ابي اسألكم، واكون سعيد جدا اذا تفاعلتو مع موضوعي
وشسمه وشكرا


التعليقات (9)
المظلوووم
المظلوووم
safety280
حياك الله بأي وقت
وتفضل هالموضوع بتستفيد منه بشكل كبير
https://artravelers.com/p/re/461640

khr99
khr99
الله يوفقنا وياك تروح وترجع بالسلامه
وانا والله ماسافرت هناك بس ناطرين معلومات منك عنهم
وترى على فكره الطيران اسعاره مرتفعه جدا جدا جدا.....

حدّي مصــر
حدّي مصــر
اخوي انا رحلتي بعدك بليله .. الكاثي باسفيك حمولتها 20 كيلو شحن .. و7 كيلو شنطه
ولا تخاطر لانك ماتضمن من راح يواجهك بالمطارات خللك نضامي عشان ماتتوهق
بالنسبه البطاقه خللها عالميه فعلها وتضبط وهذا اللي بسويه باذن الله
البوردينق هي التكت .. يعني تذكره تخولك ركوب الطائره عليها كل معلومات رحلتك من الاف الى الباء
هذا ما اعرف رحله موفقه باذن الله

سوبر دبدوب
سوبر دبدوب
safety280
حدّي مصر
هلا والله بالشباب المغامر اتمنى لكم رحلة سعيدة ومفيدة وتأصلون سالمين يارب
ولاتحرمونا من تقاريركم
تحياتي للجميع

What3v3r
What3v3r
جاوبوك الشباب ماقصروا
بس برفع معك السؤال الاخير
كثرة الاراء ياجماعة هل يفضل ندبر دولار نيوزيلندي هنا او نروح هناك ونحول؟ علما الكثيرر يقول خذ دولار امريكي وحول هناك بس مادري وش رايكم الافضل من تجربة ابي او خبرة

safety280
safety280
المظلوم ، حدّي مصر يعطيكم الف عافيه شباب
khr99 ، سوبر دبدوب ،What3v3r شكرا على المرور ويامرحبا الف
اذا عندي اسئله بسأل ان شاء الله بكره

safety280
safety280

حبيت اسأل عن اول طيران لي من مطار الدمام الى مطار البحرين، ثلاث ساعات ونصف الساعه، ماكانها كثيره شوي..
او الروحه بتكون بالباص مو بالطياره...
سؤال ثاني بعد عندي، الشنطه اذا سلمتها مع العفش في مطار الدمام، هل استلمها في كل مطار واوديها الشحن او ماافكر فيها الا اذا وصلت اوكلاند؟؟
شاكر لكم اجوبتكم مقدما

المظلوووم
المظلوووم
^^
بالباص
وبالنسبة للشنطه قل لهم وانت بالبحرين ابيها تاصل لأوكلند دايركت وريح راسك
بالتوفيق

الحر الجريء
الحر الجريء
مكتوب في الجدول إنه عن طريق الحافلة bus
لو تقدر تروح أنت للبحرين أزين لك من وجع الراس في الباص!
ما شاء الله عليك يالمظلوم >>> مجرد سوى تحديث .. إلا ردك موجود!!! ههه


خصم يصل إلى 25%