سلطنة عمان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عمان العز
14-12-2022 - 05:34 pm
اتمنى تساعدوني يالطيبيبن
بخصوص الدفع عن طريق النت
من موقع بوكينج
هل يسحبوا المبلغ من بطاقة البنك ولا يحجزوه بس وبعدين الدفع يكون كاش في الفندق؟؟
لاني اريد اسحب كل فلوس البطاقة واستخدمها في السفر
عاجل وضروري


التعليقات (9)
أبو روان البحريني
أبو روان البحريني
عمان العز
أهلا بك
أنا قبل أسبوع تقريبا قمت بالحجز عن طريق موقع Booking.com
بالتعاون مع موقع فندق كوم .. لأنه بالعربي
وكان إعلان الموقع .. أن المبلغ فقط للحجز ولا يتم خصمه ، وتدفع بالفندق
لكن اللي حصل ..
أنه خلال يومين جاتني رسائل على الجوال من خلال المصرف المصدر لبطاقتي الفيزا .. يخبرني بأني استعملت البطاقة في فندق كذا وكذا .. والمبلغ هو كذا ريال عماني .. !!!
فتبين لي أن هذا خاضع لنظام الفندق ..
فهناك فندق خصم مباشرة مبلغ الليلة الأولى فقط .. وهناك فندق آخر خصم المبلغ كله مباشرة ..
فأنت خلال قراءتك عن سياسة الفندق .. انظر إلى طريقة تحصيلهم للمبلغ
والأمر الآخر .. هناك نوعان من الحجز ..
نوع غير قابل للرد .. ويكون السعر أقل .. ولا يمكنك إلغاء الحجز .. فهذا يأخذون فلوسهم كلها مباشرة
وهناك نوع يقبل إلغاء الحجز قبل الموعد بأيام معينة .. وأظن أن هؤلاء لا يخصمون المبلغ في هذه الحالة ..
أنا للأسف حجزت بالنوع الأول لأنه أرخص .. وسحبوها على طول ..
أتمنى أن أكون أفدتك ..
تحياتي لك

عمان العز
عمان العز
يعني الخصم جاك على اول ليلة بس؟؟ ولا على الليالي كلها ؟؟
داير راسي شكلي بكنسل السفرة
يعني احط في البطاقة مبلغ اول ليلة بس؟؟ واسحب الباقي احوله رنجت ودلار عادي؟؟

أبو روان البحريني
أبو روان البحريني
عمان العز
أخي الكريم
أنا أتكلم عن بطاقة visa ائتمانية .. يعني كريدت كارد cridet card
وأظن أنك تكلم عن بطاقة سحب (صراف آلي) ...
بطاقة الفيزا يا صديقي .. هي بطاقة يعطيك إياها المصرف .. ويجعل لها سقف معين .. يعني تستطيع إستعمالها إلى حدود 1000 ريال عماني أو 2000 مثلا ، ثم إذا استعملتها تقوم بالتسديد لهم بعد شهر مثلا ..
لكن بطاقة الصراف الآلي atm اللي أظن أنك تقصدها .. هي مرتبطة بحسابك البنكي .. يعني إذا عندك حساب تقدر تستعملها وإذا ما عندك حساب ما تقدر تعمل شيء ..
أنا كلامي عن الvisa فقط .. أما إذا أنت تتكلم عن بطاقة الصراف الآلي .. فنصيحتي لك :
اسحب فلوسك كلها .. وروح مكتب سياحي للسفر ، واطلب منهم يحجزون لك في الدولة اللي أنت رايح عليها وفي الفندق اللي يناسبك وادفع لهم cash ولا تعور راسك ولا تشغل بالك أبداً ..
بالتوفيق أخي الكريم

عمان العز
عمان العز
مسا الخير اخوي بو روان البحريني
انا صحيح اكلمك عن بطاقة السحب لكنها مكتوب عليها فيزا
والحين جالس اشوف بوكينق من بين طرق الدقع فيه كريدت كارد وفيه فيزا
يعني ممكن اختار الفيزا اللي انا استخدمها وينزل فيها الراتب
لان بطاقة الماستر كارد يحتاج لها يومين لين تجهز
هل تنصحني احجز ببطاقتي الفيزا ؟؟

أبو روان البحريني
أبو روان البحريني
عمان العز
أهلا بك صديقي
هذه المواقع تتعامل مع بطاقات الvisa أو master card اللي هي عبارة عن بطاقة ائتمانية .. ليس لها حساب بالبنك .. وإنما لها حد معين تستطيع استعمالها إليه .. وبعدها تقوم بالسداد للمصرف في فترة معينة ..
وأما بطاقات الصراف الآلي .. فما أظن أنهم يقبلونها للحجز أو الدفع بالانترنت .. لكن هي مقبولة عند استعمالها مباشرة بجهاز الدفع المباشر ..
فإذا كانت بطاقتك الماستر كارد تجهز بعد يومين .. احجز من خلالها ..
وإن كانت راح تتأخر .. اسحب فلوسك كلها .. واحجز عن طريق مكاتب السياحة ..
الله يوفقك

Munati
Munati
مرحبا ,
بالنسبة للدفع عن طريق موقع بوكينج عن تجربة شخصية , الدفع بيكون كاش اول ما توصل الفندق , وعلى ما اظن بيحجزوا مبلغ بسيط ,,,,
لازم تتأكد اذا الغرفة refundable او non refundable
اي استفسار حاضربن

عمان العز
عمان العز
مشكورين جميع عالافادة
انا البطاقة اللي كنت اقصجها هي بطاقة ديبيت مب كريدت يعني مايصير استخدمها للحجز
بطاقتي تجهز بكرة وبحجز منها وادعوا لي احصل الفندق اللي ابغاه
بالنسبة للدقع بدفع كاش اول ما اوصل الفندق بس بحجز بالماستر كارد
ومشكوريين
بس هل فيه سقف معين؟؟ يعني لو سقف البطاقة 1000 ريال ما ممكن احجز عدد ليالي وتذكرة داخلية بمبلغ اجمالي اكثر من ألف ريال ؟؟؟؟

عمان العز
عمان العز
كيف يتم حساب السقف للكريدت كارد؟؟
هل راتبين ؟؟

أبو روان البحريني
أبو روان البحريني
بحسب البنك اللي أنت أخذت بطاقة الكريديت منه ..
بعضهم يحسبون راتبين .. فإذا راتبك 1000 ريال عماني .. يجعلون سقفها 2000 مثلا ..
والسقف هذا لا يسمح لك تجاوزه إلا في حالة واحدة ..
أنك تسدد في حساب البطاقة مبلغ أعلى من السقف ..
يعني لو بطاقتك سقفها 2000 ريال .. وأنت دخلت فلوس في حساب بطاقتك 1000 ريال عماني ..
فأنت يحق لك استعمال 3000 ريال عماني ..
أتمنى أن يكون كلامي واضحا
بالتوفيق


خصم يصل إلى 25%