النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مضيع الدرب
06-11-2022 - 11:23 am
  1. والاوراق المطلوبه لكل طلب بالنسبه للكبار:-

  2. الاطفال:-


صباح الخير على الجميع
للي حابين يعرفون طريقة استخراج الفيزا الشنجن من السفارة الالمانيه بدبي...
الطريقه كالتالي:-
احنا 7 اشخاص 2 كبار و 5 صغار
اول شي لازم يكون عندك حجز تذاكر طيران ثاني شي لازم يكون عندك حجز سكن بنفس مدة التذكره مثلا انا سفرتي من 6-27/7/2011 رجعوني قالوا لازم السكن يكون متوافق مع التذاكر يعني من 6 الى 27...
رحت محل سياحه وعملت حجز وهمي ب100 درهم تكملة باقي ايام السكن ورجعت عندهم ومشت الامور.
الجوازات مالكم لازم يكون فيها توقيعكم حتى الاطفال اللي فوق ال10 سنوات لازم جوازهم فيه توقيع ويكفي يكتبون اسمهم فالمستطيل مكان التوقيع فالجواز..
طلبات العيال لازم الاب والام يوقعون الاثنين على الطلب..
وترفق صورة من جواز سفر الوالد وجواز سفر الوالده مع طلب العيال...
فيه طلب يوقعه الوالد والوالده ويضاف لطلب الاولاد وهو بعدم ممانعتك انته والدتهم بالسفر معاكم ههه مصيبه هالقوانين...

والاوراق المطلوبه لكل طلب بالنسبه للكبار:-

  • الأبليوكيشن( الطلب مطبوع وموقع من صاحب الطلب)
  • الجواز الاصلي +صورة منه
  • عدد صورتين شمسيات خلفية بيضاء وللرجل بدون غترة ولا كاب او ما شابه يعني حاسر الراس والمرأة عادي بعباية وشيله
  • صورة من حجز التذكرة الشخصيه
  • صورة من حجز السكن ويكون بنفس مدة التذكرة تذكروا عن تنسون ولا بيردونكم

الاطفال:-

  • تعبئة الطلب مثل الكبار
  • الجواز الاصلي +صورة منه
  • صورتين شمسيات خلفية بيضاء والاولاد بدون اي شي على الراس والبنات مب مشكله مثل والدتهم او عادي
  • صورة من حجز التذكرة الشخصيه
  • صوره من حجز السكن ويكون بنفس مدة التذكرة
  • صورة جواز الوالد+صورة جواز الوالدة=التوقيع من قبل الوالد والوالدة على الطلب
  • يمكن يطلبون رسالة عدم ممانعة ويوقعون عليها الوالد والوالدة بس انا ما طلبوا مني

الرسوم:-
الكبار 405 دراهم قيمة الفيزا
الصغار من 6 سنوات وفوق190 درهم فوق ال12 سنه قيمة الفيز ا نفس البالغين الكبار 405
الصغار تحت ال 6 سنوات الفيزا مجانية بس رسوم المكتب
فيه رسوم المكتب تضاف للمبلغ
انا دفعت أمس 2075 درهم كامل المبلغ مع الرسوم
المكتب في شارع الميناء بدبي بالقرب من شارع الضيافة بالاتجاه من بردبي الى جميرا...
طباعة الطلبات في اي مكتب طباعة يكلف 25 درهم فقط..
وأي استفسار انا حاضر


تأشيرة
التعليقات (6)
hani ayyad
hani ayyad
شكرا اخوى على العملومات القيمة
لكن انا بدى اعرف اجراءات حجز الفندق تكون موكدة ولا لا وكيف عملتها كمان التامين مطلوب ومن وين عملتة والتكلفة للشخص الواحد وحجز الطيران موكد بردو ولا لا وكام الوقت اللازم لاستخراج الفيزا ومدتة ؟؟؟؟؟
شكرا اخوى

مضيع الدرب
مضيع الدرب
ماشاءالله عليك يا هاني ذكرتني بكمن شغله كنت ناسيها
اجراءات الحجز مب شرط مؤكده ممكن المكتب يعمل لك حجز ب100 درهم فندق وطيران كمان وتمشي عنده ما يحبون اللي يمشي معاهم بنظام لازم لف ودوران ههه
عادي حبيبي تمشي اعمل اي حجز وهمي من اي مكتب ويوافقون على طول
وبالنسبه للتأمين فيه مكاتب تعمل فاميلي انشورنس يعني تأمين صحي عائلي انا عملته ب 250 درهم لكل العائلة 7 اشخاص من الشارجه مكتب سفريات في بناية الياسمين فالشارجه وهم يعملوا لك حجوزات طيران وفنادق ب 100 درهم بس.. والفيزا قالوا تطلع في غضون 5 ايام ويوصلونها لك للبيت عن طريق الامبوست

BentUAE
BentUAE
اخوي انت سويت الفيزة من السفارة نفسها والا تعاملت مع مكتب يخلص لك الفيزة؟
لاني البارحة اتصلت على مكتب يسون لي الفيزة قال لي الكبار كل شخص 550 والصغار 400!!!!!

مضيع الدرب
مضيع الدرب
بنت دبي لا تسوين اي اجراء برع فمكتب السياحه لانهم ياخون وايد
اذا انتوا عائله كبيره بس سيري مكتب الطباعه واطبعي الطلبات ب25 درهم وبس
وبعدين حضري جميع الاوراق المطلوبه اللي ذاكرنها انا فالمقدمه وسيري مكتب الوسيط اللي فنهاية شارع ميناء راشد بالاتجاه من ديره وانتي سايره جدا جميرا
قبل الاشارات اللي تلف بج على شارع الضيافه وقبل الفندق الكبير اللي عالزاويه بتلقين مكتب جدامه اعلام وعداله
مكتب الوسيط اللي ياخذ الطلبات وحاولي تسيرين من وقت يعني 7 ونص الصبح عشان تاخذين رقم صغير يعني من رقم 1 يبدون كل يوم... واذا سرتي عقب يمكن تلقين رقم كبير...
وتعطينهم الطلبات الكبار 320 درهم طبعا من فوق ال 12 سنه يعبرونهم كبار ولو طاف يوم عليهم
وتحت ال12 سنه ل 6 سنوات ب 190 درهم وتحت ال6 سنوات الفيزا فريه
احنا 3 كبار كل واحد 320 درهم و2 فوق الست سنوات 190 درهم يعني تحت ال12 سنه
و2 صغار تحت الست سنوات فريه المجموع 7 اشخاص...
المبلغ 1340 درهم قيمة الفيزا...
فيه رسوم 5 دراهم حق مسح mms يطرشون عن كل طلب عموبايلج يخبرونج انهم استلموا الطلبات والمسج ايي من المانيا لانه رقم دولي...
بعدين ياخذون رسوم تسجيل 70 درهم على الشخص يعني احنا 7 اشخاص*70 درهم طلع =490 درهم
و30 درهم رسوم ساعي البريد او المندوب يعني 7* 30 = 210 دراهم
و5 دراهم مسج =7*5=35 درهم
غير الفيزا ...
بما يوازي 70 رسوم المكتب+30 رسوم المندوب+5 دراهم للمسج= 105 درهم للطلب الواحد...
يعني الكبار ( 320 الفيزا+ 105 الرسوم =425 درهم
الصغار فوق الست سنوات ولحد 12 سنه( 190 الفيزا+ 105 الرسوم= 295 درهم
والصغار تحت الست سنوات الفيزا فريه بس ياخذون 105 دراهم رسوم الخدمه والمسج والمندوب..
انا مجموع اللي دفعته 1340 للفيز+735 رسوم المكتب المجموع =2075 درهم
فيه عندهم فنفس المكتب خدمة الVIP ياخذون على كل طلب رسوم 150 درهم للطلب الواحد غير رسوم الفيزا والخدمه والمسج والمندوب طبعا الفيزا ما تخلص بسرعه
تخلص بحدود ال5 ايام مثل الطلب العادي لكن خدمتهم في الفي اي بي تكون اسرع وماشي زحمه مثل الخدمه العاديه يعني اذا شخص واحد يمكن الواحد ياخذ في اي بي لكن اذا عائله صعبه يطلع وايد...
واي استفسار انا حاضر اختي..

BentUAE
BentUAE
تسلم اخوي ما قصرت

مضيع الدرب
مضيع الدرب
الله يحفظج ورحله موفقه ان شاءالله اختي
المشكله فالمكتب هذا زحمه شوي بس اجراءاتهم عاديه وهو الوحيد اللي ياخذ طلبات المانيا وايطاليا بس فيه الفرنسيه فشارع الشيخ زايد بس هناك الفيزا عشان تطلع مصيبه اجراءاتهم معقده انا خذت 4 ساعات اهنيه الين استلموا طلبي هاك اليوم..
بس لازم تركزين على شغلة يكون حجز الفندق مساوي عدد ايام التذكرة متى السيره ومتى الرده ولا بيردونج
واذا ما قدرتي توفقين بين الاثنين سوي حجز وهمي من اي مكتب سياحي ب100 درهم يسوون حجز طيران وفندق ويمشي فالسفاره..


خصم يصل إلى 25%