ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابوسليمان Q8
03-05-2022 - 03:00 am
السلام عليكم ورحمة الله ..
اخواني الأعزاء .. آنا زرت ماليزيا بشهر مارس اللي فات ولكن كنا عائلتين عبارة عن 9 اشخاص ماشاءالله .. والحمدلله استانسنا وايد .. فقررت أروحلها مرثانة فقط آنا والمدام ..
وعندي مجال اسافر لمدة 13 يوم بشهر ديسمبر المقبل بإذن الله ,,
فحبيت آخذ رايكم في بداية الأمر .. كيف هي الأسعار بشهر 12 وهل فيه موسم ولا لأ ؟ وشلون الجو عندهم هل مثل شهر مارس ؟؟
وقررت أن تكون السفرة بين 4 مناطق وهي سلانجور ولنقاوي وكوالالامبور وجنتنق فقط ..
واشكركم على مجهودكم الواضح .. الله يعطيكم الصحة والعافية


التعليقات (9)
ابوساره11
ابوساره11
وعليكم السلام ورحمة الله وبركاته
شهر ديسمبر اوله يوافق اجازه الحج
ونهايته نهاية السنه الميلاديه
والاولى زحمه والثانية زحمه وغالي
لو كان سفرك في شهر سبتمبر او اكتوبر او فبراير
فهو انسب وافضل الاوقات
اما الجو فشهر 12 من مواسم الامطار ومن افضل الشهور
والمناخ استوائي معتدل طوال العام مع قليل من الحرارة صيفا
بارد في المرتفعات مثل جتننق وكاميرون وفريز

وافي بزمن جافي
وافي بزمن جافي
رأيئ من رأي ( حبيبي الغالي ) أبو سارة
فبراير هو أجمل وقت لزيارة ماليزيا ...
أنا زرت ماليزيا مرتين ... وكلها في فبراير
ويتميز شهر فبراير عن بقية الشهور بهذه المميزات :
1) عدد السياح أقل
2) الأجواء تتحسن بشكل كبير وتكثر الأمطار
3) الأسعار تنخفض بشكل كبير ... وهو موسم التخفيضات
وافي بزمن جافي

ابوساره11
ابوساره11
وافي بزمن جافي
فبراير هو أجمل وقت لزيارة ماليزيا ...
أنا زرت ماليزيا مرتين ... وكلها في فبراير
ويتميز شهر فبراير عن بقية الشهور بهذه المميزات :
1) عدد السياح أقل
2) الأجواء تتحسن بشكل كبير وتكثر الأمطار
3) الأسعار تنخفض بشكل كبير ... وهو موسم التخفيضات
وافي بزمن جافي
اخي وخبيرنا الغالي ابو هلا
اشك انه وبعد سنوات قليله ومن التوصيات المستمره بشهر فبراير
سيتغير الحال وسيصبح شهر فبراير شهر السياحه
على غرار ماحدث في صن واي واي وصار الفندق مليان "فل"
والعوائل ماخلو للعرسان فرصه

ابوسليمان Q8
ابوسليمان Q8
ام والله وايد تحبطت !!!
عيل اجازتي راح أتوهق فيها ومافي شي بخاطري غير ماليزيا ...
والله عاد حصلت اسعار التذاكر رخيصة جدا جدا في بداية ديسمبر .. تخيلو على الخطوط الماليزية الشخص الواحد ب134 دينار كويتي .. السيرلانكية 180 دينار كويتي .. ..
طيب أخي الفاضل ابوساره .. هل الزحمة بكل مناطق ماليزيا ؟ ولا بس كوالالامبور .. .. لأني والله السفرة حيل بخاطري .. والله يعطيكم الصحة والعافية انت والوافي

ابوساره11
ابوساره11
ابوسليمان q8
ليست الزحمه المزعجة كما الاجازه الصيفيه
ولكن اول ديسمبر اهون من اخره
واذا هذا وقتك المناسب ولا تستطيع تاخيره
توكل على الله واتمنى لكم رحله موفقه

ابوسليمان Q8
ابوسليمان Q8
اها الحين وضحت الصورة .. دام انها مونفس زحمة الصيف احنا بخير ^__^ .. الله يجزاك خير يابوساره .. كفيت ووفيت ..

وافي بزمن جافي
وافي بزمن جافي
الغالي ( أبو سليمان )
أنا قصدي ... إذا كنت تستطيع تأجيل الأجازة إلى فبراير يكون أفضل ...
لكن لو الأسعار مثل ماذكرت توكل على الله ... وأحجز على طول
ومثل ماقال أستاذي أبو سارة ... ديسمبر أهون من الصيف
وافي بزمن جافي

ابوساره11
ابوساره11
اخوي ابو سليمان
اعتذر منك
للخطا الغير مقصود
اجازه الحج تنتهي في يوم
السبت 12 نوفمبر 2011
هذا تاريخ العوده
وبكذا يكون شهر ديسمبر خارج الاجازه
اتمنى لك رحله موفقه

ابوسليمان Q8
ابوسليمان Q8
وافي بزمن جافي
يااهلا والله بوساره .. فديتك والله أشوه ونستني الله يبشرك بالخير ويجزيك الجنة .. وأهنيك على مواضيعك .. وايد حلوة قاع اشوفهم واحد واحد


خصم يصل إلى 25%