الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
09-12-2022 - 11:53 am
من بريدي .....وحبيتكم تشوفونه
كافيه بزة
امس كان عشاي في كافية بزة
وصلت الساعة 9:15 وما شاءالله كان زحمة
اول ما دخلت استقبلنا المشرف العام على المطعم
وقلنا له شخصين قالي هذي الطاولة الوحيدة فاضية حاليا ومكانها جدام الباب اشرت على طاولة ما فيها احد قالي هذي محجوزة حق الي قاعدين
والطاولة تكفي حق 8 اشخاص بس كانو منفصلين
قلت له اوكي قعدت بالطاولة الي قالي مافيش حل غير دي
قلت له بس لو سمحت لو فضت طاولة ياليت تغيرها لنا قالي من عيوني قلت له مشكور
وقعدت اختار menu شفت ال
حبيت طريقة سرد القصة وايد حلوة وغريبة كاول مطعم يكتب قصة باول صفحة من المنيو
الي شفتة الحين انه طاولتين فضوو ومن باب الذوق ايي ويقول لنا ترى فية طاولة فضت تحبون تنتقلون او مرتاحين
هذا الي اعرفة باغلب المطاعم بس للاسف ما شفت هالشغلة
menu كملت اشوف ال
ياخذ الطلب وقعدنا نطلب وانا قاعدة اشوف شنو بعد بطلب جان يقول Waiter ويا
this enough
لانة العيش الي طلبتوة راح واايد وراح تشبعون
بس راح جان اقول مو صج شلون يقول جذي
جان تقول اساسا ما يصير يقول مهما كان كمية الطلب يمكن انا ابي اجرب كل الانواع
قلت لها مو مشكلة
على ما يوصل طلبنا صار موقف ما حبيتة كلش وعكس نظرتي عن المطعم
دخلو 3 بنات والمطعم فل بس فية طاولة فاضية الي كنت ابي اقعد عليها بس على قولة الاخ محجوزة
قال لهم تقدرون تتفضلون الطابق العلوي وتنتظرون على ما تفضى طاولة
راحو البنات فوق وقعدو ينطرون وشوية جان ينزلون وكانو يبون يطلعون من المطعم قالهم المشرف العام على المطعم تفضلون هذي طاولة فاضية
الي اهي كانت محجوزة على قولتة وكنت انا ابيها
وقام وقعدهم بالطاولة هالحركة انا ما احبها كلش وتخليني ما ارد ادخل المطعم مرة ثانية مهما كان
يهمني الواحد لما يدخل المطعم ما ينسى التعامل ويرد له مهما كان اكل المطعم بسبب تعامل الاستاف الحلو
هذي شغله تعملتها على كثر ما جربت مطاعم
المهم شفت هالموقف وعصبت . الطاوله الي احنا قاعدين عليها ما فيها شي بس صعب اصور فيها لانة الناس راح تبين عشان جذي مو حابتها
المهم شفت طاولة فاضية والتصوير فيها لا باس
قمت ناديتة شخصيا
وكلمته بنبرة شوية حادة قلت له لو سمحت انا الطاولة الي قاعدة عليها مو مرتاحة فيها ممكن الحين تغيرها لي واقعد بالطاولة واشرت عليها
قالي من عيوني تفضلي وغيرتها
وصل عصير الفيمتو لا يطووفكم عجيب واايد حبيتة
طلعت كامرتي وقعدت اصور جان ايني جان يقول لي انتي بلوق
قلت له اي قالي ممكن تعطيني اسمة وعطيتة
وانا للحين معصبة يمكن راح تلاحظون تصويري مو بضمير للاسف
ووصل طلبنا
سلطة بزة وايد حلوة انصح فيها , وفيها حلوم
حمص حلوو
برياني ربيان
برياني كارما
واختي ودها تجرب الكنافة
محتاجة اعادة نظر
وبالاخر عشان شوية تهدة اعصابي
طلبت جاي بالنعاع
وايد وايد خطير
واسعاارهم وايد مناسبة
وبالاخر استاذنتة اني اصور المطعم وما قصر قالي اخذي راحتج
% ديكورهم وايد ايين طابع كويتي 100
الحلو انة حاطين مسلسلات قديمة ايام حسين عبدالرضا وسعاد عبدالله
طريقة التفاصيل تونس
عندهم قعدات برة
بالاخر الاكل كويتي 100% واهل السعودية والخليج الي يزورون الكويت بالويك اند انصحكم فية
وجذي كان تقريري عن كافية بزة وسامحوني لو طولت عليهم بالكلام وانصحكم اجربونة غدى
وعندهم ريوق كويتي اين قريتة بالمنيو واايد حلوو
شكرا ..مين اكون.. على اللقطات الحلوة
من بريدي .....وانا عجبني وان شاءالله بعد الامتحانات نمر عليه ...شكله ما يتطوف


رحلتي الى الكويت
التعليقات (9)
FRESNO
FRESNO
الأخت توبليرون ...
شكرا على هذا التقرير الجميل .. كافيه بزه يستحق الزياره .

ابوحمد.
ابوحمد.
شكله حلو
الله يعطيج العافيه توبليرون

bint elQ8
bint elQ8
يشوق شكل المكان ... حيل عجبتني الديكورات و التفاصيل خصوصا كيري ميري ههه
سمعت عنه وايد هاليومين ... ناس تمدح و ناس تقول مو زود ... بس الصراحة شكله يشوق و لازم
اروح له ان شاء الله .. بس اتمنى تتعدل خدمتهم و تعاملهم .. لان لو يسوون فيني جذي بطلع و ما ارجع
لهم مرة ثانيه .. اهم شي الخدمة و التعامل ! عموما يسلمو يا ام يوسف على هالتقرير الحلو

توبليرون
توبليرون
fresno
ما شاء الله صاحبة التقرير دايم تبدع بتصويرها .......يسرني مرورك على الموضوع

توبليرون
توبليرون
mr.q8
شكله يشوق الواحد يروح مع اني امس العصر مارة من يمه بس اللي معاي ما شجعوني اهل الريجيم.........ويعافيك ربي يا اخوي

توبليرون
توبليرون
bint elQ8
سمعت عنه وايد هاليومين ... ناس تمدح و ناس تقول مو زود ... بس الصراحة شكله يشوق و لازم
اروح له ان شاء الله .. بس اتمنى تتعدل خدمتهم و تعاملهم .. لان لو يسوون فيني جذي بطلع و ما ارجع
لهم مرة ثانيه .. اهم شي الخدمة و التعامل ! عموما يسلمو يا ام يوسف على هالتقرير الحلو
شكل الصور يا بنت الكويت يشوق ...والا اشرايج
انزين اشرايج نسوي فيه لقاء لبنات بوابة الكويت يعني بس البنات فقط
والموعد سر بينا علشان ما يطبون علينا الاخوة الافاضل

S.F.H
S.F.H
المطعم يبيله زيارة ..
ياريت يا أخوان تعطوني العنوان بالتفصيل الممل خ ..

توبليرون
توبليرون
s.f.h
ياريت يا أخوان تعطوني العنوان بالتفصيل الممل خ ..
والله انا اعرفه واعرف مكانه بس ما اعرف اوصف بالارقام..............هو بعد فندق سفير وانت جاي
في منطقة بنيد القار

bohasoon
bohasoon
شكلة حلو ... سوالف متان لول


خصم يصل إلى 25%