بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ANNYA ANNYA
حبيبتي البحرين .. زرتها الخميس والجمعه اللي طافوا
18-12-2014 - 05:17 pm



اهلـــين للجميع









خصوصا مشرفين القسم ,,

وربي ماشجعني اكتب الموضوع الا عشان أطمن الجميع
خصوصا خواتي اللي يحبون البحرين ويستمتعون فيها ...

> خصصت البنات لان خوفهم اكبر ..


زرت البحرين يوم الخميس اللي طاف ,, وكان مجمع السيف زحمة والوضع عااااااادي جداً
رحت أنا وزوجي .. تمشينا وتغذينا وكان فيه عوائل سعودية .. يلعبون اطفالهم ويتغدون زي العادة ..
راح زوجي للقهوة اللي بالدور الارضي وانا فرفرت المجمع لحالي ولا كأن شي صار .. بالعكس
البنات البحرينيات يتبسمون بوجهي لانهم عارفين اني سعودية من العبايه والنقاب .. وربي ان كذا وحده تشوفني وتتبسم
صار لي الموقف 3 مرات .. ولاحظت فيه بنات معلقين بروشات صغار فيها علم السعودية :) وفيه ناس معلقين على سيايرهم علم الامارات ..
وعلى فكرة شفت كذا شخص قطري واماراتي .. ومايهون السعوديين كابين هناك هههههههههههه ..


ورجعنا للخبر لان عندنا شقة هناك ماحبينا ننام ونتخسر هههههه
قمنا الجمعه دق زوجي على أخوه الصغير عمره 19 يموت بالسنما ..
وقلنا تعال معنا
وصارت رحله ثلاثيه ..
رحنا هالمرة للستي سنتر .. تغذينا بالمطعم الايطالي > الا انا ماتغديت هههههه
لاني مسويه رجيم :(
وبعدين خشينا السنما مليااانه ميه بالميه فل ..
شفنا فلمين fast 5 هذا حق اخو زوجي ماحبيت ادخله بس علشانه هههه
وطبعا طبعا دخلت فلم قراصنة الكاريبي وهذا اللي أنا اخترته وفرحت لمن شفته معروض,,
وبعدها درت لي كذا محل > ما أتوب .. ههههههههههه
والحمد لله مشينا الساعه 10 ونص و وصلنا الخبر الساعه 11

وللمعلومية .. مااااا شفت ولا تفتيش ... بالخط ..
والوضع مرة عادي ,, بس الجمارك السعودية والبحرينيه مخلين السيد واحد بس ؟؟!
وكان زحمه شوي ..


وصلى الله وبارك

اختكم آنيا من الجبيل البلد







المشاركات

عاشق الارخبيل عاشق الارخبيل
حبيبتي البحرين .. زرتها الخميس والجمعه اللي طافوا


مشكوره اختي انيا على التطمينات وانشالله البحرين بتم امنه ويحفظها من كل مكروه


Discover Bahrain Discover Bahrain
حبيبتي البحرين .. زرتها الخميس والجمعه اللي طافوا


حياكم الله أخــتــي والدار داركم والحمدلله انكم استمتعوا بوقتكم وشهادتكم نعتز بها وننتظر زيارتكم المقبلة في أقرب وقت ,


البداية فكرة البداية فكرة
حبيبتي البحرين .. زرتها الخميس والجمعه اللي طافوا


الله يحفظ المسلمين من شر الاشرار وتربص الفجار ازلام الكفار ... وفقك الله ورعاك اختي آنيا


MeTaB2010 MeTaB2010
حبيبتي البحرين .. زرتها الخميس والجمعه اللي طافوا


الحمد لله

رحله سعيده ان شاء الله


ورده بيضاء ورده بيضاء
حبيبتي البحرين .. زرتها الخميس والجمعه اللي طافوا


يعطيك العافيه انيا وان شاء الله تعاودنه مره ثانيه انا كنت موجوده يوم الخميس والحمدلله رجعت (دانة الخليج) والأجواء جدا رائعه


(البندري) (البندري)
حبيبتي البحرين .. زرتها الخميس والجمعه اللي طافوا


الحمدلله على السلااامه
اهم شي انبسطتوو ياعسل
وصدق بعض الناس ردودها تخوف الواحد يروح اناناويه اروح بااذن الله :)

الله يطمن قلبك


ANNYA ANNYA
حبيبتي البحرين .. زرتها الخميس والجمعه اللي طافوا


مشكورين جميعاً
اهم شي تكونوا استفدتوا من الموضوع ..
واللي بقلبه ذرة خوف يشيلها لان الحمد لله الوضع عادي ..
والله يرد كيد الحاقدين على اهل البحرين وعلينا .. ياررررب ,,



mnooor mnooor
حبيبتي البحرين .. زرتها الخميس والجمعه اللي طافوا


مشكووره اختي


ياريت اهلي يقتنعون ,,,


عشقي البحرين عشقي البحرين
حبيبتي البحرين .. زرتها الخميس والجمعه اللي طافوا


يسلمووو اختي ..

الحمد لله الوضع ميه ميه انا كنت بالبحرين هههههههههههههه في الستي سنتر .... وشفت فلم قراصنه الكاريبي الساعه 5 ونص وبعدها طلعت وتغديت او تعشيت بالمطعم اللبناني ... وكان زحمة المجمع والوضع 100% زي فراخ الجمعيه
بعدها رحت سهرت بالجفير زي كل يوم .. وكان الوضع زحمه مو طبيعي مقارنه بالايام الماضيه



يمكنك فتح موضوع جديد للمناقشة او الاستفسار والمشاركة.


Share

حبيبتي البحرين .. زرتها الخميس والجمعه اللي طافوا