قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سلومي10
06-11-2022 - 06:57 am
أخيرا قررت إما أن أحجز فندق الماريوت أو الدبليو حيث أن سعر الأول في أسبوع 4800 ريال قطري والثاني 4400 ريال قطري لمدة أسبوع بس المشكلة في الأسعار من الداخل أيهما أفضل لا أدري الصور في موقع بوكينج توضح أن كلاهما مميز وفخم ولكن لا تضع أسعار الخدمات وأيهما يقدم خدمات مجانية أكثر ؟
إسمحوا لي أزعجتكم كثير هاليومين لكن العذر أول مرة أسافر الدوحة والدعوة حجز ولا في تراجع والغاء عشان كذا محتار وسامحوني
رائكم يهمني !


التعليقات (4)
عبدالله منصوري
عبدالله منصوري
هلا هلا أخووي سلوومي (شدعوه لحين ما جيتنا واايد طولت ياخي)،،
شوف الماريوت حلو على البحر النادي الصحي حقهم يجنن (عيب المطار قريب وازعاج الطائرات)
الدبليو حلو طراز حديث فندق جديد العهد غرفه حلوه (اللوبي صغير وايد زحمة في نهاية الاسبوع العالم كلهم طايحين في البار الموجود في الفندق طبعاً الاجانب وبعض الجنسيات العربية الله يهديهم)،،
والله الخيار الامثل لك طال عمرك مادامك بتدفع هل المبلغ (الشيراتون + الريتز كارلتون) ماعليهم كلام وعندك فندق شرق خدمتهم خدمة سبع نجوم، وفي نهاية اليوم هذا قرارك طال عمرك،،

سلومي10
سلومي10
تسلم يا المنصوري ولكن الدورة تبدأ يوم 3 يوليو يعني بعد شهر من الان وان شاء الله اكون في الدوحة
وبالنسبة للفورسيزن والشيراتون هم أغلى بكثير الاسبوع في بوكينج ب 6400 ريال بينما الماريوت والدبليو في حدود 4400 إلى 4600 ريال فقط
والله النادي الصحي حق الدبليو يمدحونة كثير والمطاعم بعد ممتازه لكن للاسف الفندق ما يطل عن الشاطيء لكن الماريوت يطل وله شاطيء خاص بس هذا الي محيرني بالاضافة الاسعار الداخلية بعض المنتديات يقولون الماريوت اغلى والبعض الاخر يقولون الدبليو اغلى في الخدمات اقصد خدمات الغسيل والكي والمطاعم والتسوق والمقهى والصالون وغيرها أعتقد أني راح أختار الدبليو والله يوفقك ان شاء الله

عبدالله منصوري
عبدالله منصوري
هلا أخووي سلومي،،
ربي يعطيك الف عافية، شوف لو انت مهتم بالنادي الصحي فأنا اقولك شخصياً جربت النادي الصحي حق الماريوت، ماشاءالله ما عليه كلام عجيب وفيه كل الخيارات، من ناحية المطاعم بعد اكلهم حلو واعتقد خدماتهم ارخص من الدبليو، الدبليو عيب الضوقه الي فيه يعني وايد صغير من اللوبي وغيره، ولكن الي يشفع للدبليو انه هو في منطقة استراتيجية حلوه عند الستي سنتر وفي المنطقة الدبلوماسية،،،
الله يوفقك طال عمرك وترى انا كنت قايلك جرب الريتز وترى كلمهم بالتلفون ممكن يعطونك سعر خاص على الغرفة،،
أنت قولي شنو نوع الغرفة الي تبغيها في الريتز وانا راح بحاول اطلع لك سعر خاص للغرفة عندهم،،ِ

اثوري
اثوري
ماريوت مب حلو ومب رااقي


خصم يصل إلى 25%