كيب تاون المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مفاز
06-12-2022 - 05:35 pm
اود مساعدتكم في تقسيم الأيام حيث وصولنا الى كيب تاون يوم الإثنين 4 جولاي والعودة الى جدة يوم الإثنين 18 جولاي
كيف اوزع الأيام بين كيب تاون والقاردن روت؟
وش رايكم 4 ايام الكيب
6 ايام القاردن
5 ايام الكيب
شي ثاني ابغى اسماء فنادق تكون رخيصة ونظيفة(ودي اوفر بالسكن) لأن التذاكر طلعت علينا غالية
ولي عودة بترتيب النشاطات
اتمنى اني ما اثقل عليكم
جزيتم خيرا


التعليقات (9)
شغب قلم
شغب قلم
حلو بس القاردن روت لو انا محلك بيكون تقسيمها
3ايام نيازنا
3ايام ويلدرنس
او 4نيازنا
2سفاري
ممكن اعرف كم طلعت التذاكر عليكم كبير/صغير
ربي يوفقكم

نجد2011
نجد2011
انا اشوف تقسيمك حلو
بس القاردن روت روحوا مسل بي +نايزنا+الوالدرنس او جورج
بالنسبه للفنادق انا لاحظت ان الحجز عن طريق (البوكينق ) ارخص من الترافل ايجنت ومن موقع الفندق
لكن لازم انتم تبحثون وتحددون اللي يناسبكم
اخي شغب قلم /
احنا حجزنا ل7 اشخاص بالغين عن طريق الإماراتيه ب 36 ألف ريال وهي تعتبر اغلى الخطوط لكن لأنها مباشره لكيب تاون احنا اخترناها

نجمة النجوم
نجمة النجوم
كم عددكم ؟؟
هذي الشقق عجبتني وسعرها جدا روعة ..
https://www.booking.com/hotel/za/the-hyde.ar.html?aid=1300939

مفاز
مفاز
اختي شغب
طلعت علينا التذاكر الشخص ب 4800 تقريبا على الإماراتية للبالغ وماعندنا اطفال
وتسلمي ع الرد
اختي نجد
من كتاباتك وردودك عجبني ذوقك وحسيت انه بيننا كيمياء في مزاج السفر
حبيت اسألك ما ممكن نسكن في منطقة وحدة ونتنقل ونرجع لنفس السكن؟ لأن اكثر من شخص رشح فندق اسمه اميس اعتقد؟ او نسوي مثل ابو العصافير نمشي ونستأجر في المكان الي نوصلة؟ على كلامه السكن متوفر بكثرة!!!!!و المدن الي ذكرتيها كم تبعد عن بعض؟
وبعدين كيف تحجزون الفنادق عبر النت ؟انا ودي اتعلم بس خايفة اتوهق
اختي نجمة احنا 4 بالغين
وجزاكم الله خير على الردود

مفاز
مفاز
نجد انا اقصد مدن القارن هل بعيدة عن بعض؟

شغب قلم
شغب قلم
فعلاا التذاكر غاليه جداً..
يعني اشوف القطريه افضل .. ليه ماجربتوها.
مفاز
مدن القاردن روت مش بعيده عن بعض بس الاحلى تنوعين السكن المهم تسكنين باحد نيازنا او ويلدرنس .
هم اهم شيء ومن هناك تزوري تيستيكاما ممتازه جداً. من الصباح للعصر
والتسوق والمطاعم الزينه يمدحون جورج وهي ماهي بعيده يعني حول ساعه تقريباً.

نجمة النجوم
نجمة النجوم
اهم شي السكن يكون قريب للمحيط ، صراحة شي خيال لو خيمة علي المحيط ...

نجمة النجوم
نجمة النجوم
الحجز من النت جدا سهل ، اهم شي معك فيزا ..
اذا جزمتي علي حجز النت عطينا خبر ونشوف لك الانسب ..
سؤال اخير الفنادق تبين شي 5 نجوم او عادي 3 اهم شي نظيف وموقعة حلو ؟؟*

نجد2011
نجد2011
مفاز
اهلين اختي / مفاز
حلوه بينا كيمياء في مزاج السفر وحلو انك تعرف احد مثل مزاجك
انا من تجربتي السابقه كل مدينه نسكن فيها (مسل بي - جورج - نايزنا- سيتيسيكاما- اوتس هورون)
السنه هذي حجزنا في مسل بي نفس الفندق السابق على المحيط مباشره اسمه(بوينت)
وفي نايزنا نفس الفندق المره السابقه اسمه(بروتيا) على الووتر فرونت موقعه ممتاز
وفي سيتيسيكاما ايضا نفس الفندق اسمه(سيتيسيكاما لودج) 3 نجوم وهو عباره عن اكواخ رائع جدا
الفرق السنه هذي حذفنا جورج واوتس هورون وحطينا والدرنس وحجزنا في (مس اميس)
وهو اعتقد نفس الفندق اللي تقصدينه
لكن لاتروحون قبل تحجزون
اما المسافه بين المدن فهي ليست بعيده بعضها 60 كيلو /
الحجز عن طريق النت هذا من مهام زوجي والا تراه ارخص من الحجز عن طريق المكاتب السياحيه
ولازم يكون معك فيزا للتسديد لكن لو الغيتي الحجز قبل السفر ب 4 أسابيع تروح فلوسك كلها
اما عن طريق المكاتب السياحيه ممكن تلغينه قبل السفر بيومين
وترا الفنادق 4 نجوم عندهم حلوه ونظيفه
سفره سعيده وموفقه
وما ادراك يمكن نتقابل هناك


خصم يصل إلى 25%