عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نوسة الننوسة
19-10-2022 - 03:51 am
السلام عليكم ورحمة الله وبركاته
والله احترت وين انزل الموضوع .. بس ان شاء الله يكون مكانه مناسب
الموضوع ومافيه بحجز رحلة من امريكا للدمام .. والتذكرة بتكون على حساب المحلقية ان شاء الله
المهم اني محتارة بين الاماراتية والقطرية!
مثل ما تعرفو الرحلة طويلة 15 ساعة متواصلة! وانا ابغى شيي مريح وحلو! اعوض عن رحلتي المأساوية السابقة خ
برأيكم من افضل .. طيران الامارات والقطرية؟؟
انا الي اعرفه القطرية يقولو الكراسي فيها اوسع! لكن هل الاماراتية ضيقة فعلا؟؟
الترفيه يقولو في الاماراتية احسن 1300 قناة ومادري ايش! لكن كيف بالنسبة للقطرية؟!
سمعت فيهم نت صحيح؟ طبعا للسياحية اقصد!
ياليت تجاربكم بالنسبة للثنتين مين افضل! رح احجز ان شاء الله قريب!


التعليقات (9)
وحيدة اهلها
وحيدة اهلها
الطيران الالماني ممتاز 100% لوفتهانزا
احنا اخذنها قبل اربع سنوات الخدمة ممتازة
و تو عيال عمي جان من امريكا على الالمانية انبسطوا ويمدحون فيها
خدمتهم ممتازة

نوسة الننوسة
نوسة الننوسة
وحيدة اهلها
مشكورة اختي على الرد
الالمانية ممتازة وجربتها اكثر من مرة .. لكن ودي اغير
ودي بشي عربي خ

وحيدة اهلها
وحيدة اهلها
ههه
اوكي بابا تو مسافر على القطرية يمدحها
بس رايح شرق اسيا
لكن راح على درجة السياحة الروحة
و الرجعه رجال الاعمال(بزنس)
يقول الكراسي شوي صغيرة ودفع الفرق واخذ بزنس

بيبسي كولا
بيبسي كولا
لا شك ان القطريه جميله ورائعه
لكن افضل طيران الامارات
ونصيحه
اختارو مقاعدكم عن طريق الانترنت
وحاولو انكم تكونون عند المخرج لبعد الرحله
بالتوفيق ان شاء الله

شخص وحداني
شخص وحداني
القطريه والاماراتيه والاتحاد ..
3 اوجه لعمله واحده وهي الابداع والرقي والراحه والحداثه .. ..
لكن الشخص دائما يشوف الانسب له ..
على سبيل المثل الي من ابوظبي اكيد انسب له الاتحاد
والي من قطر انسب له القطريه .. والي من دبي او الشارقة انسب له طيران الامارات ..
اما الي مو من هالدول .. يشوف شو افضل له من حيث السعر .. وبالعاده اغلب الناس يختارون طيران الامارات
بما ان مطار دبي روعه ..

نوسة الننوسة
نوسة الننوسة
وحيدة اهلها
يسلموو على الرد .. والحمد الله على سلامة الوالد

نوسة الننوسة
نوسة الننوسة
ببسي كولا
يسلمو على الرد .. الاغلبية يرشحو الامارات
المقاعد مو بكيفي في البداية لأن بحجزها عن طريق مكتب! هل اقدر بعدين اغيرها عن طريق موقع الخطوط مثل اللوفتهانزا وغيرها؟؟
يعطيك العافية

نوسة الننوسة
نوسة الننوسة
شخص وحداني
ام .. السعر مو مهم خ .. على حساب الملحقية
يعطيك العافية

leenaaa
leenaaa
صدقيني القطرية اريح بكثير و اوسع و الاماراتية تجيب المرض كراسيها
و اقولك هالكلام عن تجربة !!


خصم يصل إلى 25%