اخي العزيز محمد ..
اول شي يامرحبا فيك , في هجري 8 ساعات واتمنى لك قضاء وقت ممتع في الدوحه .. p:
بخصوص الوقت ما شاء الله يكفي للخروج وزيادة .. لكن لا اعلم اذا كنت تستطيع الخروج او لا واتوقع هذا يكون حسب خطوط الطيران اللي حاجز فيها ..
لانك عندما تذهب وتدخل امتعتك ف تستلم بوردين للدخول الى الطائره وليس واحد ..
اذا كنت حاجز عن طريق الخطوط القطريه ف انصحك انك تتصل على الرقم المجاني وتستفسر بخصوص هذا الموضوع للتأكد ..
اما بخصوص جمارك الدوحه ف ماتوقع هناك اشكاليه ..
اتمنى اني افدتك ولو بالقليل وان شاء الله تكون سفره سعيده ..
واي استفسار انا حاضر ..

الله يعطيك العافية يالسويدي .
انا على الخطوط القطرية حاجز . وهذي مشكلة ثانية الحقائب هل راح انتظرها عند السير او راح استلمها بالكويت ؟
واذا ماراح استلم الحقائب في قطر ... مو مشكلة انا اخذ معاي هاند باك فيها ملابس مؤقتة حق ليلة بقطر وادخلها معاي للطائرة .
وبخصوص رقم القطرية عندي رقم مكتبهم بالكويت ( بس مايردون ) .
عموما كلامك فيه فايدة لي خصوصا انه جمارك الدوحة ماعندهم مشكلة وراح اعاود الاتصال على مكتب القطرية .
واشكر تفاعلك معاي

الله يعافيك ..
اذا كان معاك البوردنق للرحله الثانيه ماضن ان حقائبك بينزلونها في مطار قطر , بل على طول سيتم وضعها على الطيارة الاخرى ..
ونعم تستطيع حمل حقيبه سفر صغيره معك في الطائره واضن الوزن المسموح 7 - 12 كيلو على حسب المطار وتشديدهم ..
الرقم اخي تحصله على تذكره السفر وهو يكون رقم دولي مجاني تتصل وتطلب منهم الخدمه وهم يحولونك واضن انهم 24 ساعه مب متأكد من هجري النقطه ..
جرب هالرقم :
974+
44433999

الله يعطيك العافية .
راح اتصل فيهم و 12 كيلو ان شاء الله كافية .
واشكرك مرة ثانية لتفاعلك معاي وردك على استفسارتي