الـعـنـود
10-10-2022 - 01:42 am
السلام عليكم
ياليت تفيدوني بخصوص الحجز
حجزت في موقع booking ولكن مافهمت المقصود بالآتي
Taxes and service charges: 10 % VAT is included. A city tax is not applicable. A service charge is not applicable.
و لما وصلني ايميل تأكيد الحجز ، لقيت مكتوب
الضرائب:
0% ضريبة القيمة المضافة هو مشمولة.
ضريبة المدينة هو لا ينطبق.
رسوم الخدمة هو لا ينطبق.
سؤال ثاني .. اشلون اعرف وين ادفع مبلغ الحجز ؟ لاني افضل الدفع كاش بالفندق بدون السحب من الكردت كارد
وشكراً مقدماً
بصراحه موقع booking أكثر من محترم .... هذي السنه الثانيه الي أحجز منه ولكن هالمره يستاهلون بوسه على الراس
امس بالليل ارسلت لهم ايميل استفسر عن الضرائب + الدفع الكاش
وقبل دقايق اتصلوا فيني بالتلفون للجواب ، والأحلى ان الموظف يتكلم عربي ... اقصد اللغه العربيه الفصحى
وجاوبني على كل الاستفسارات بسعة صدر ، وفوق هذا عطاني رايه بالفنادق بعد ويقولي اختيارج للفنادق واضح انها جيده ونظيفه
المهم .... الجواب
بالنسبه لضريبة المدينه والخدمه فالقصد منها ان ماكو ضرائب غير ال 10% المشموله أساساً بسعر الفندق
والمبلغ بالايميل هو المبلغ الكلي والنهائي وماعليه أي زياده
أما بالنسبه للدفع الكاش فحرية الاختيار لي لما اوصل الفندق اقولهم اني بدفع كاش بدل مايسحبون من الفيزا كارد
وهذا كل شي .... وشكرا لي ولكم