ميلانو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ABU-MANSUR
14-12-2022 - 06:24 am
السلام عليكم
أخشى اني تسرعت بالحجز المبكر لتذاكر الطيران إلى ايطاليا !!!
بصراحه انا محبط جداً جداً جداً جداً ،،
مثل ماتعرفون انه لايمكن السفر إلى إيطاليا إلا بإستخراج (الشنجن )
وهنا المشكلة ؟؟؟
كيف يتم استخراج الشنجن ؟؟؟
السفارة تقول احجز موعد عن طريق الويب سايت !!!
والويب سايت يقول ماعندنا مواعيد ماادري مهنق ماادري خربان ماادري وش قصته !!
الشباب يقولون رح للمكاتب السياحية يطلعونها لك !
رحنا للطيار قال لازم تحجز تذاكرك من عندي عشان اطلعها لك
قالوا رح للصرح ،، رحنا للصرح قال آسفين ممنوعين من استخراج التأشيرات !!
اتصلت على السفارة مرة تلو الأخرى ..
رد علي شخص بغيض لايفقه من الادب وحسن التعامل شيء ماغير ينافخ ويزاعق !!
واخرتها بكل ثقل دم يقول (( ايش أسوي لك ؟ دبر نفسك ))
ماادري هل التعقيدات هذي مغزاها ثنينا عن قرار السفر إلى ايطاليا ؟؟
ايش المقصود بالضبط ؟؟ طيب امنعوا السفر لايطاليا وريحونا ..!
المشكلة اني ماني من الرياض والا كان سيرت على السفارة واشغلتهم لين حصلت حل
وهذا الي راح اسويه بكرا بأذن الله ،، بضرب مشوار 300 كلم والله يستر !!
يارب سترك ..
رحلتي في 23 يونيو لميلانو ...
والاعصاب والمعنويات مش ولابد لأني من اسبوعين مبتلش بسالفة الشنقن !!
مع كامل اسفي على عنوان الموضوع ولكن من حر مااوجس


التعليقات (8)
cenuor
cenuor
عطها مكتب وفك نفسك او طلعها من اي سفاره

mwsu3h
mwsu3h
عليكم السلام
لاتزعل ولا تحبط نفسك ولا تحط عنوان يخرعنا
المواعيد مقفلة الى بكرا لكن ما تدري ليش والغالب بيكون عندهم ترتيبات جديدة وسيتم اعادة الجدول غدا , ومع العلم القنصليات التابعة لها تعمل في جميع مدن المملكة ومواعيدها قائمة .

tekat ok
tekat ok
روح لمكتب ركسونا يطلعها لك حتى ولو التذاكر مو من عنده باسبوع

المسافر عربي
المسافر عربي
لا تتعدا مكتب ريكسون

llvlloto
llvlloto
مودي أوراق زوجتي للصرح قبل أسبوعين
وبكرة بروح أستلم الجواز
غريبة والله
من قالك انه ممنوع

ابو طلال*
ابو طلال*
اخوي الغالى لاتشيل هم
ادخل على الخاص ارسل رقم جوالك وان شاء الله
بكرة اتصل فيك وتضبط تاشيرتك

ABU-MANSUR
ABU-MANSUR
شكراً لكم جميعاً
ياليت تعطوني عنوان ريكسون لاني ماشي للرياض
ابوطلال ارسلت لك على الخاص ياليت ترد علي بأسرع وقت الله يجزاك خير

مسافر غير عادي
مسافر غير عادي
الله يعينك ويسهلها لك وعطنا الأخبار وش يصير معك عشان يجينا الدور
الله يوفقك


خصم يصل إلى 25%