بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



سارووونه سارووونه
سعسعة سارووونه بهونغ كونغ 2011 ...
16-12-2014 - 11:48 pm







ياهلا وغلا بالجمييييييييع ..


نكمل معكم التقرير > مضيعه ..

.
.


البارح كانت لي زياره لهونغ كونغ ..زياره خطافيه ام خمس ساعات بس



الهدف منها فقط ( الغداء بمطعم هندي )
عاد ياكثر ابو هنود بهونغ كونغ

.
.

وطبعا مانسيتكم وأخذت لكم كم صوره ..

لشارع ناثان ..وأهم الفنادق ..والاسواق ..وشاطئ كولون وميدان الساعه ...

والاهم من هذا كله صور المطعم الهندي
اجل وشو له طاقيين كل هالمشوار

.
.

الرحله كانت من مدينة كوانزو الى هونغ كونغ عبر القطار بقيمة 190 للشخص ..

مدة الرحله ... ساعتيين ...


هذي بعض الصور من الطريق ...والجو وقتها كان خياااااالي ..












مرينا على مدينة شنزن ..








بعد ساعتيين وصلنا محطة القطارات بـ ( منطقة كولون) أخذنا تاكسي من المحطه ورحنا لشارع ناثان ..








هذي بعض الفنادق الموجوده بهالشارع ..

الشيراتون ..




امبيرل هوتيل ..




هوليدي ان ..



هالفندق مقابل الشاطئ ..والمتحف ..




هذا المتحف الموجود بشاطئ كولون ..




فيه بعد مولات كثيره بهالشارع ..منها ..

اي سكوير شوبينق مول ..




لوي فيتون
< حبيب الشعب




برادا




هنا بتلقوون كل الماركات العالميه ..بالاضافه للمطاعم العالميه ..







توجهنا لشاطئ كولون وكان زحمه بالمره بسبب الويكيند ..









ميدان الساعه ..




من جهه ثانيه ..



ومن فوق




اول ماوصلنا لميدان الساعه شفنا تجمع كبير بالمره
.. ورحنا نشوف وش السالفه > ياشين اللقافه



شوفو وش شفنا


.
.
.





المشاركات

سارووونه سارووونه
سعسعة سارووونه بهونغ كونغ 2011 ...


.
.





العالم كلها صافه طابور
...





قاعديين يصلوون ..!!


اللهم لك الحمد والشكر على نعمة الاسلام


.
.


بعد ماشبعنا تصوير ومحشات


رحنا لشاطئ كولون ..والجو كان عجيييييييب ...













وهااات ياتصوير ...




ماينلامون والله ..خضراء وماء ووجه حسن ... > وش يبون بعد!! فيس منقهر

.
.

المهم داهمنا الجوع والوقت بعد ..بتعرفون سالفة الوقت بعديين لا تستعجلون على رزقكم


كانت الخطه هي الغداء بمطعم هندي ..والخيارات كانت متعدده ...

رحنا أول شي لمطعم مغل ...ماعجبنا أبد ..وصخ ..ويسد النفس ..


المطعم موجود بشقه داخل عماره
..ومايفتحون الشقه الا اذا صادولهم صيده..



هنا الهندي يدق الجرس عشان يفتحون الشقه مدري المطعم ..


وبصراحه نغزني قلبي وماارتحت له ابد بالذات يوم شفت المطعم من جوا..

تقل .. ... ماودي اقول اخاف ماتكملون التقرير


.
.

فطلعنا وتوجهنا لمطعم ثاني اسمه ...

koh-i-noor


هذي لوحة المطعم ..




هو بالشوارع الفرعيه لشارع ناثان ..بالضبط الدخله الي عند محل رولكس ..
> وش رايكم بالوصف

.
.

هالمول K 11 مقابل المطعم الهندي بالضبط ..







المطعم بسيط جدا ولكنه نظيف جدا ..والاهم الاكل لذيذ جدا جدا ..

والاسعار جيده مقارنه باأسعار مطاعم هونغ كونغ ...

.
.

أخليكم مع الصور ..





المطعم من الداخل ..




وهذي الاطلاله ..على الشوبينق مول المقابل له ..



طلباتنا ...




عجبتني هالحركه ...




برياني لحم ...ألذ برياني لحم أكلته بحياتي ... من كثر ماعجبنا طلبنا ثاني بعد ..

وطلبنا شيكن تكا مسالا (لذيذه)...وسلطة خيار بالزبادي بالاضافه لخبز النان والفلفل ..

ولا تهون سمبوسة الخضار
..اتعب وانا اقول لذيذه ..




هذي فاتورتنا .. كانت هالغدوه على حسابي بس يوم شفت الفاتوره هونت





وهذا عنوان المطعم ...لا يفووتكم ..




أنصح فيه وبقوووه ...

بعد الغدا تمشينا شوي بشارع ناثان ..ورجعنا لمحطة القطارات ..لانه أخر رحله لكوانزو الساعه 7 ونص قهر والله ..

بس الحمد لله .... العوض ولا القطيعه زي مايقولون ..


وبكذا رجعنا أدراجنا ..مدري كوانزو


وبكذا تنتهي سعسعتي بهونغ كونغ ...

ان شاء الله أكون قدمت المفيد والجديد ...

تحياتي لكم ..




حياة_التميز حياة_التميز
سعسعة سارووونه بهونغ كونغ 2011 ...


يعطيكي الف عافية اختي الكريمة و فعلا مغل بهونج كونج جدا سيء و طلبت منه طلبات كثيرة لاني كنت عازم زميل عزيز لكن ما اكلت شي رغم ان الاخ انبسط جدا جدا في الاكل

خيارات موفقة للبرياني لحم و التكا مسالا ( اسمها رسميا بالهندي هو مخاني دجاج makhani chicken

دمتي بود سالمة


ابوحمد. ابوحمد.
سعسعة سارووونه بهونغ كونغ 2011 ...


والله فله تمشيه وغداء عليكم بالعافيه مطرح مايسري يمري


وبعدين معاج للحين اشوف الظلم كل شي جنبج وولدنا دوبه ياكل شوي




لون قميص ابوالشباب كذا والا عاكس عليه لون فرشة الطاوله


The universal The universal
سعسعة سارووونه بهونغ كونغ 2011 ...


سديقتي من واااري هاه ..!!
ماشاء الله .. الحمدلله عالسلااااااااااامة ..

والله اجوااء جميــــــــــــــــلة ماشاء الله .. تتهنو ياااارب ..

والاكل يمي يمي .. عواافي عليكم ..

بس ليه مااكلتو حلا . !!
ترا الحلا يدفع البلا

ولوسمحتي شنطة لوي فيتون على دربك

ويعطيك ألف عافيه .. وتسلم يدينك .. دعواتي لك بالتوفيق ..


سارووونه سارووونه
سعسعة سارووونه بهونغ كونغ 2011 ...


المشاركة الأصلية كتبت بواسطة حياة_التميز
يعطيكي الف عافية اختي الكريمة و فعلا مغل بهونج كونج جدا سيء و طلبت منه طلبات كثيرة لاني كنت عازم زميل عزيز لكن ما اكلت شي رغم ان الاخ انبسط جدا جدا في الاكل

خيارات موفقة للبرياني لحم و التكا مسالا ( اسمها رسميا بالهندي هو مخاني دجاج makhani chicken

دمتي بود سالمة
الله يعافيك أخوي حياة التميز ..وحياك بسعسعتي
بالنسبه لمغل زرته العام والله انه كان أشوا من اللي شفته البارح ...حشى ولا عزبة بنقالي خخخخخ
وشكرا على عالمعلومه ...من بكرا بقول مخاني دجاج ..
ألف شكر لمرورك ياباش مهندس نادر ...


المشاركة الأصلية كتبت بواسطة mr.q8
والله فله تمشيه وغداء عليكم بالعافيه مطرح مايسري يمري


وبعدين معاج للحين اشوف الظلم كل شي جنبج وولدنا دوبه ياكل شوي




لون قميص ابوالشباب كذا والا عاكس عليه لون فرشة الطاوله
هههههههههههههههه
حرام عليك والله كل شي قدامه ..وانا ماغير صحن السلطه والفلفل عندي بس

يقالي الحيين ماسحبت من عنده البرياني ولا ذقت المسالا

الله يحييك أخوي كويتي ..وثاني مره لا تدقق واجد


سارووونه سارووونه
سعسعة سارووونه بهونغ كونغ 2011 ...


المشاركة الأصلية كتبت بواسطة The universal
سديقتي من واااري هاه ..!!
ماشاء الله .. الحمدلله عالسلااااااااااامة ..

والله اجوااء جميــــــــــــــــلة ماشاء الله .. تتهنو ياااارب ..

والاكل يمي يمي .. عواافي عليكم ..

بس ليه مااكلتو حلا . !!
ترا الحلا يدفع البلا

ولوسمحتي شنطة لوي فيتون على دربك

ويعطيك ألف عافيه .. وتسلم يدينك .. دعواتي لك بالتوفيق ..
هلا والله ومليوون غلا ..حياالله العالميه ...
الله يسلمك ياعسل ..ايه شفتي كيف الجو ..من النذاله بغيت ارسلها وسايط لاهلي

الله مير يعافيك ..بصراحه غدوتن طيبه ..

بعديين الحلا ماياكل حلا والا وش رايتس
وماتغلى عليك شنطة اللوي .. شكلك بتخلييني ماعاد اطب هونغ كونغ بسبتها

الله يعافيك ..وياملحك وانتي م-ؤ-د-ب-ه
وش ماكله اليوم

ألف شكر لمرورك حبيبتي ..دوووم منورتني ...



حياة_التميز حياة_التميز
سعسعة سارووونه بهونغ كونغ 2011 ...


والله تقريرك رجعني لايام جميلة جدا هناك تسلمين اختي و ربي يسبطكم يا رب


بخصوص الشنط على فكرة اعلى جودة بهونج كونج تحصلينها جنب الهاربر سيتي مول من جهة المرفأ حق السفن المدخل الكبير عند ماكدونالدز هناك في الادوار العلوية في العمارة الي شكلها ما ادري كيف جاي كانك في فيلم يخوف المهم حصلت بضاعة من عند باكستانيين و هنود هناك كانت على جودة جدا جدا عاليىة ما حصلتها في كل سفرياتي من شنط و ساعات تخيلي حتى الان كل الساعات و بعد مرور 3 سنوات حتى الان كلها شغالة مثل الالف ما شاء الله و بحالة جيدة لدرجة اني دخلت محل tag heuer الاصلي بمجمع هناك و ما قدر الرجال يميز بين التقليد الي عندي و الاصلي في المحل شي بجد يمخول


دمتو بود سالمين يا رب و قريب شهر عسلي راح يكون جزء منه هناك من كثر ما اشتقت لهونج كونج


سارووونه سارووونه
سعسعة سارووونه بهونغ كونغ 2011 ...


المشاركة الأصلية كتبت بواسطة حياة_التميز
والله تقريرك رجعني لايام جميلة جدا هناك تسلمين اختي و ربي يسبطكم يا رب


بخصوص الشنط على فكرة اعلى جودة بهونج كونج تحصلينها جنب الهاربر سيتي مول من جهة المرفأ حق السفن المدخل الكبير عند ماكدونالدز هناك في الادوار العلوية في العمارة الي شكلها ما ادري كيف جاي كانك في فيلم يخوف المهم حصلت بضاعة من عند باكستانيين و هنود هناك كانت على جودة جدا جدا عاليىة ما حصلتها في كل سفرياتي من شنط و ساعات تخيلي حتى الان كل الساعات و بعد مرور 3 سنوات حتى الان كلها شغالة مثل الالف ما شاء الله و بحالة جيدة لدرجة اني دخلت محل tag heuer الاصلي بمجمع هناك و ما قدر الرجال يميز بين التقليد الي عندي و الاصلي في المحل شي بجد يمخول


دمتو بود سالمين يا رب و قريب شهر عسلي راح يكون جزء منه هناك من كثر ما اشتقت لهونج كونج
ياهلا فيك مره ثانيه اخوي حياة التميز ...شكلي قلبت عليك المواجع !!
ومشكور على هالمعلومات القيمه ...وبالفعل الهنود والباكستانيه قاعديين بس يتصيدوون بهالعالم ياساعات ياشنط ..
وانت وحظك ..احيان تلقى اشياء جودتها عاليه واحيان لا ..
ربي يوفقك بحياتك الزوجيه ان شاء الله ....ويتمم لك على خير يارب ...( لاتنسى تعزمنا ) خخخخ
تحياتي لك ..


#saad #saad
سعسعة سارووونه بهونغ كونغ 2011 ...


الله على ايــــــــام


انا مااوثق في الهنود كل شي تسحيب لهالشقق خخخخ

انا حتى رد ماارد :)

يعطيك العافية ع الموضوع اخت سارونة وبالعافية عليكم مطرح مايسري يمري

والله يتمم للاخ نادر على خير



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

سعسعة سارووونه بهونغ كونغ 2011 ...