اخي العزيز سلومي , اول شي حياك الله وان شااء الله تكون دوره ممتعه وتستفيد منها ..
بخصوص الفنادق ف قناه الجزيره ليست ببعيده واغلب الفنادق ال 5 و4 نجوم تعتبر قريبه 10 - 15 دقائق على حسب الفتره اللي انت متجه للقناه فيها .. وممكن تقول لنا الفتره اللي انت بتكون متواجد في الدوحه بها ..
واكثر النادق اخي تكون المرفقات ( المركز الصحي ) مجانيه للي ساكنين الفندق ( مثل الجاكوزي والسونا وبركة السباحه والجم ) اما بخصوص المساج ف سعره خاص ولا يشمل السكن ..
وانا بعطيك نصيحه خاطب قناه الجزيره واطلب منهم خصمهم الخاص للفنادق , لان يوجد خصم مميز عن طريقهم وانصح فيه بشده واذا كانوا يستطيعون الحجز لك به لانه يكون ل ضيوف القناه والعاملين بها ..
وثانيا الاكل , اذا انت سكنت في فندق 5 نجوم ف انصحك ان يكون غدائك وعشائك خارج الفندق , تستطيع ايجاده بسهوله من المطاعم المنتشره خارج قناه الجزيره ( هناك مطعم شعبي مقابل القناه ) او عن طريق المولات المنتشره في الدوحه والمسافه ليست بطويله للوصول أليهم 15 دقيقه لابعد مول وهو فيلاجيو ..
وثالثا انصحك بأن تستأجر سياره مع جارمن , وتكلفتها تقريبا 100 - 120 ريال للسيارات الصغيره ( الكورلا والسني والفك ) وتفويلت الوقود اتوقع 30 ريال وتستمر معك يومين تقريبا اذا كانت طلعاتك من الدوره الى اي مول والى الفندق الدوحه ليست بمدينه كبيره والطرق سهله تستطيع التنقل فيها ب كل راحه وهذا سيوفر عليك التنقل ب لموزين الفنادق الذي يمكن ياخذك في مشوار واحد الى الدوره ب 50 - 100 ريال , او استخدام التاكسي الازرق الذي عداده اول ماتركب يكون 10 ريال ونهايه المشوار يمكن يكون 20 - 25 ريال يعني 4 مشاوير تقريبا 100 - 120 ريال ..
هاي وجهت نظري وان شاء الله الاعضاء مب مقصرين معاك ..
واي استفسار انا حااضر ..

عزيزي السويدي كتبت فأبدع شكرا لك ولكن هل أنت متأكد أن قناة الجزيرة تعمل خصومات لضيوفها وكم تصل نسبة الخصم بتوقعاتك وبخصوص التاكسي الأزرق أتمنى شرح أكثر هل بامكاني أن أرفض تكاسي الفندق واركب اي تاكسي في الشارع
بالنسبة لسؤالك راح أكون متواجد في أول شهر 7 ميلادي 8 هجري

نعم متأكد 100% بخصوص الخصم وهو للضيوف ( مثل برامج الجزيره الاخباريه والرياضيه من محللين , او ضيوف للمؤتمرات الكثيره اللي تعملها الجزيره ) لكن لا اعلم ان كانوا يستطيعون استخدامه معك انت .. والخصم مغري جدا وعلى حسب الفندق اللي تريد الحجز به .. يختلف السعر من حين الى اخر .. وبعطيك مثال مره حجزت في فندق الفور سيزن وهو غني عن التعريف بمبلغ 750 ريال قطري ومره سويت ب 1200 ريال قطري ..
التاكسي الازرق تحصله خارج المولات واحيانا في الشارع , مشكلته الرئيسيه هو قله التكاسي وتواجدها في مناطق معينه فقط وذلك ويمكن الفندق اللي انت حاجز فيه لا يوجد به تكاسي ويفرضون عليك الليموزين الخاص بالفندق واللي بعض الاحيان يكون مكلف ..
انصحك بان تستاجر سياره في هذه الفتره وتترك عنك التكاسي واللموزين ..