البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
abosuli
16-11-2022 - 11:44 pm
اخي الكريم مشرف بوابة البحرين ,,,
السلام عليكم ورحمة الله وبركاته ,,,
ناوي اسافر للبحرين الثلاثاء القادم بس الاخت اللي كاتبه تقول ان الجوزات يمشون ناس وناس لا,,
فحبيت اخذ العلم الاكيد منك ,,
لاني جاي من القصيم والمسافة بعيدة جدا,,
فاياليت تفيدني او الاخوان ...


التعليقات (9)
MeTaB2010
MeTaB2010
يا رجال رح و ما جاك عندي جاري قبل يومين في البحرين هو و اهله
الاوضاع هناك ممتازة و الا عليك من قول فلان و علان

Discover Bahrain
Discover Bahrain
يا هلا والله ..
طبيعي يا الغالي دام أن حالة السلامة الوطنية ( الطوارئ ) مستمرة في البحرين حتى منتصف الشهر القادم فإن التشديد الأمني وخاصة عند النقاط الحدودية ..
بس دامك يا الغالي قادم للبحرين من ( القصيم ) وماسك خط ان شاء الله أكيد راح تدخل , واذا كان فيها سين وجيم هالشي طبيعي جاوب على كل الأسئلة حتى لو كان بعضها استفزازي وان شاء الله كلها دقايق وانت داخل البحرين ..
بصراحة التشديد عادة يكون على البيانات الموجودة في الجواز وإذا بيانتك سليمة وما تثير أي شبهة بإذن الواحد الأحد راح تدخل البحرين ولأي استفسار حاضرين لك ..
أوقات سعيدة ,

Travel addicted
Travel addicted
مافي مشكله اذا الله لا يقدر ما دخلوكم حياكم الله في شرقيتنا ...بس انشا الله يدخلونكم

فيصل
فيصل
بتدخل يا رجال بس شغل موترك ومر هظيم ولا ام صالح وطق لك كليجا وحط رجلك وبالله سلم لي علي شارع النهظه
الامور طيبه

lov7e_me
lov7e_me
فيه واحد حققوا معاه 3 ساعات ..
ما يسوى عليكم تنذل .. وتعب نفسك ..
اذا حبيت تغامر الله يعينك ..
او على حسب العسكري البحريني اذا عجبته بيدخلك ..
انا من مواليد الخبر ولا دخلوني ..
ممكن تدخل وممكن لا
50% لا50 % نعم
حط في بالك عشان ما تنصدم..

مشــــعل
مشــــعل
lov7e_me
واحد حققوا معاه 3 ساعات !!؟؟!!
لا يكون انتي شغالة مع الجوازات..
عموماً من موضوعك انتي اشوفك ناوية شبة ..
رح ابلغ عنك الادارة..
اخوي صاحب الموضوع..
تعال الله يسلمك ولا عليك من كلام الاخت..
كلامها غير صحيح بتاتاً..
و قليل جدا جدا سيارات ترجع..
انا الويك اند كل يوم اروح البحرين و ارجع في نفس اليوم..
بس سيارتين شفتهم رجعوهم..
البحرين صايرة امان..
و اهم شي لا تصدق كلام الاخت و تروح تنفخ في موظفي الجوازات..
فانت تمثل بلدك .. و لازم تمثلها باخلاق حسنة..
و اللي يقل ادبه..
ان شاء الله يحققوا معاه 3 ساعات و يسلموه للجوازات السعودية تأدبه..
بالتوفيق اخوي

abosuli
abosuli
lمشكور على كل من رد وشارك والله جزمتوني على المشية ...
لانه البحرين وحشتنا بصراحة .....
أخوي فيصل سلامك وصل واذا توصي على تمر او كليجا ترانا حاضرين...
أخوي travel addicted الله يسلمك ما يجي يقصور ...
اخوي metab مشكور على الرد...
أخوي المشرف ردك شفاني ..
أخوي مشعل كفوا

Travel addicted
Travel addicted
اخوي البارح احنا رايحين ..والاخت غريبه بصراحة لانو في موضوعها كاتبه دخلوها وهنا تقول ما دخلوني !!!!
المهم امس بالليل دخلنا ورجعنا الساعه يمكن 11 وانا للامانه حاطة عيني على اليوتيرن ما شفت رجعو ولا احد ...
بالتوفيق...

مشــــعل
مشــــعل
Travel addicted
ملاحظين معاي الاخت هذي كيف تلعب بالكلام.. اقول انها ناوية مشاكل !!
هذا كلامها في موضوعها https://artravelers.com/p/re/534208
نزلت بنفسي للموظف وعطاني نفس الكلام بنفس مش طيبة بعدين انا عصبت عليه
وقلت له بدخل البحرين يعني بدخل
الا اذا قلت لي السبب ما رضى يقول وكنت بتهاوش معه على قلة ادبه والله..
جاء صديقه بحريني ولد حلال قال معلية في كذاكذا .. لكن الشباب صغار بالسن ولا يعرفون من يمنعون ومين يدخلون
لكن بدخلكم هذه المرة !ويمكن المرة الجاية ما يدخلونكم عاد انتم تفهموا .. !
وشفت وراي وهم مرجعين سيارات كثيرة للسعودية .. ظاهرة غريبة ..يا تمنعونا كلنا يا دخلونا كلنا صح !
مشينا للبحرين وحنا مصدومين ومنكسر خاطرنا وفينا ردة فعل ودنا نرجع للبيت ..
وهذا كلامها هنا
انا من مواليد الخبر ولا دخلوني ..
انا من مواليد الخبر ولا دخلوني ..
نفسي افهم.. ماني قادر
:/


خصم يصل إلى 25%