استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
محمد محتار احمد
16-12-2022 - 12:01 am
السلام عليكم يا شباب اخوكم محمد من مصر اول مره فى الموقع معاكو واتمنى الافاده
انا عاوز اسافر استراليا ادرس ودى حقيقه والله
انا كنت بشتغل فى دوله عربيه فى مواقع بترول وعندى خبره كبيره اوى فى شغل الميكانيكه
ويمكن انا خبرتى احسن من المهندسين الى شغلين معايا فى الشركه وطبعا فرق ما بينى وبينهم
الشهاده وطبعا ده والله مش حاجه وحشه من ناحيتهم بس انا نفسى اطور نفسى
انا درس دبلوم صناعى وبعدين درست كمبيوتر وسافرت دوله عربيه اشتغل هناك وانا هناك
كنت بدرس كمان فى مصر جامعه مفتوحه بنزل امتحن وارجع تانى انا حابب اطور من نفسى بس المشكله انا مش كملت فى
الجامعه المفتوحه علشان ظروف شغلى طبعا دلوقتى انا محتار ادرس ايه اكلم فى ايه
انا بس حابب ادرس حجات كتير فى استراليا يمكن اولهم انجلبش لانى بتكلم كويس لكن مش بعرف اقرى
ولا اكتب انجلش ضعيف يعنى بس بتكلم كويس اوى اوى والحمد لله
انا اسف علشان بطول عليكو
بس حابب حد يساعدنى ويقولى هوه شايف ايه فى مجال العمل قريب من اى حاجه فيها هندسه
كورسات تعادل من الدول العربيه مثلا او ايه الدراسه الى يرشحها ليه طبعا لانى معايا دبلوم مش اقدر ادرس مره وحده هندسه فا اهل الخبره الدبلوم الصناعى يدرس ايه فى الجامعات دى
وبعد كده هتقل عليه انه يجبلى جامعه ادرس فيها ويكسب ثواب بقى يقدملى فيها او يقولى الطريقه وانا اقدم وشكرا ليكو والله المساعده دى راح تصلح من حالتى النفسيه اوى اوى وشكرا ل احبابى الجداد فى الموقع الجميل ده


الدراسة في استراليا
التعليقات (4)
Stranger Man
Stranger Man
المفروض اخي انك من الان تدرس في معهد لغة انجليزية في البلد الي تقيم فيه
وبما انك تُجيد المحادثة , ف راح تتقن اللغة في وقت سريع
وبعدها تشوف الجامعات الاسترالية عن طريق مواقعها بالانترنت وتراسلهم على اساس يعادلون لك شهادتك ويفيدونك اكثر
مننا
تحياتي

محمد محتار احمد
محمد محتار احمد
شكرا على رد حضرتك ومرسى اوى يعنى انا ادرس لغه الاول فى مصر وولا ابردو اقدم فى البدايه انى ادرس فى استراليا لغه وبعدين اشوف المعهد بس عاوز اعرف الاول هوه انا لازم يتحدد اقامتى على حسب الكورس الى هخده ولا ممكن اروح مثلا ادرس لغه يكون فى حاجه تانيه اقدر اطول وادرس تانى؟ معلش انا اسف على الاسئله يا اخوانى وشكرا خاص لى الاخ https://artravelers.com

Stranger Man
Stranger Man
ادرس لغة في مصر وبعد ماتجتاز الايلس ان شاء قدم

abo nour
abo nour
يا اهلا بيك معانا يا ابو حميد وانا كمان من مصر وان شاه الله ربنا يوفقك وهحاول اجاوبك على اسالتك.
أولا: مصر حاليا مصنفه مستوى ثالث من قبل استراليا وعشان كده لازم تدرس english فى مصر وتحديدا ielts ودا اختبار لازم تجيب فيه 5.5 او 6 من 9 عشان يدوك فيزا دراسه.وده الافضل ثم بعد كده تقدر تدرس حاجه قريبه من مجالك حسب اختيارك.
فى استراليا حاجه زى المعاهد الفنيه عندنا فى مصر اسمها التعليم والتدريب المهنى مع الاختلاف الشاسع ومدتها حوالى من سنه الى سنتين دى مناسبه ليك بس التخصص الدراسى دا يرجع ليك وبيدوك تاشيرة على حسب مدة الدراسه.ولا انصحك انك تقدم على دراسه لغه فقط عشان دا غير مقنع للسفاره هنا فى مصر بالذات من وقت ما نزلوا مصر من مستوى 2 الى3 من حوالى 3 سنوات.
الرابط دا فى معلومات مهمه عن الدراسه فى http://www.studyinaustralia.gov.au/استراليا
وانا فى خدمتك وتحت امرك فى اى استفسار.


خصم يصل إلى 25%