الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
12-12-2022 - 09:58 pm
السلام عليكم رواد بوابة الكويت ....
ورواد منتدى العرب المسافرون جميع...
حبيت ابدي اول موضوع لي بالمنتدى في بوابة ديرتي الكويت ..
مطعم saso سمعت عنه من الاهل وهو مطعم عالمي ...
اتفقنا على الذهاب له في فرع المهبوله على الشريط الساحلي في ابراج غاليه وعاليه .....كان المطعم فاضي وفيه عدد قليل من الطاولات يعني يمكن ما يعدون 12 طاولة وقريبين من بعض ...
المهم انا نسيت اصور المطعم من بره صورته من بعيد ما ضبطت الصورة لان ما في اضاءه كافيه ولما وصلت قريب بصور الا اشوف شخص غير طبيعي ...
المطاعم في المبنى مرتفعين يعني درج وممر بين سطرة المطاعم والساحه يعني تقريبا ارتفاع 3 امتار ..الشخص الغريب كان يقط نفسه من فوق على الحجر على الارض انا اول مرة حسبت انه وقع قعدت اقول ..اسم الله عليك.. واخترعنا.. الا الريال قام ورد سوى نفس الحركة مرة ..مرتين ..ثلاث مرات ..ولا كل مرة يصرخ.. آي ..آخ ..طيب ليش العذاب .
المهم دخلنا المطعم هادئ وقدموا لنا المنيو وللحين الريال بره يقط نفسه
نشوف الصور
اسم المطعم على المناديل الورقيه
وهذه طاولة من المطعم وشايفين الاضاءة خفيفة
الاضاءة عند طاولتنا
وهني اللي مهما يذمون فيه يبقى المشروب المفضل لنا
وهني المقبلات بداناها بالبافلوز لوليبوب
وهي عبارة عن جوانح الدجاج بصلصة البافلو الحارة تقدم مع صلصة الرانش
لذيذة
هلبينو بوبرز
جبنة الفيلدافيا المحضرة مع الهلبينو والبطاطس المهروسة ومحشيه بالمشروم .....حليوة ...
فاير هاوس فرايز
بطاطس مقليه مغطاة باللحم المفروم وجبنه البارميزان وقطع البيكون والبصل المقلي وصلصة الساوركريم ويقدم مع صلصلة الجيبوتلي.......لذيذ جدا...
ميني بيرجر متنوع الصلصات ....بناتي يقولون لذيذ..هذا اخذنا طلبين
ميني برجر متنوع الصلصات ..وبطاطس مهروسه ..لذيذة راي بنتي الصغيرة
معكرون بالمشروم والصدور الدجاج مع صلصة الكريمة اللذيذة ...
طبعا هو طبقي بس من كبره صارت فيه مشاركات جيدة ..
وهذه بقايا من بقاياه
المطعم بشكل عام هادي وسعره وسط طلع حسابنا حوالي 25 دينار
ان شاءالله يعجبكم تقريري الاولي ....واذا شفت تشجيع استعدوا للتقارير الخطيرة . وسلامتكم


رحلتي الى الكويت
التعليقات (9)
fahadad
fahadad
تسلم على التقرير المشهي وخاصه الميني برقر تحتاج لفم يفترسها
هني وعافيه وكان ودي تحط اسعار الفندق ليعم العلم
يعطيك العافيه

ملكه مسافره
ملكه مسافره
السلام عليكم ،،،، خوش تقرير مطعم ساسو كذا مره أمر عليه بس الحين بمر وأجربه بعد هالتقرير ..عليكم بالعافيه

توبليرون
توبليرون
اخي فهاد ...اسعدني مرورك الكريم .. ساسو مطعم فقط بابراج عاليه وغاليه السكنيه .....والميني برجر طعم الصلصات جدا لذيذ...الهنا بتشريفكم للموضوع ..
اختك ام يوسف

توبليرون
توبليرون
وعليكم السلام ورحمة الله وبركاته اختي العزيزة.ملكة مسافرة شرفني تواجدك في موضوعي وخلينا نتواعد ونروح له بس ها اول مرة على حسابكم ....
شكرا للمرور

fahadad
fahadad
مدري من وين جبت الفندق
اقصد المطعم بس من الجوع لخطبت

توبليرون
توبليرون
اخي فهاد ..جان انت وطريقك للمطعم خوش قعدات هناك ....الشريط الساحلي في المهبوله وايد مطاعم حلوة فيه

ابوحمد.
ابوحمد.
الله يعطيك العافيه ماقصرت وننتظر الخطير

The universal
The universal
ماشاء الله .. تقارير اكل على هالفجريه ..
اشوا اني شبعاانه والا كان ........طوط..
عواافي عليكم .. والله يخلي لك البنوته ياارب ..
يعطيك العاافيه .. وبانتظاار الخطير

توبليرون
توبليرون
مستر كويت..يجازيك خير على المرور.. وعلى الخطيرة ان شاءالله تأمرون أمر ....بس مو الحين


خصم يصل إلى 25%