- رابعا: فيه باص جميل جدا اسمه
- Bus on bus off
السلام عليكم...
اخواني واخواتي,, ياما افادني هذا المنتدى في جمع استفسارات قبل سفري الى كوالالمبور,, فأحببت ان ارد الدين بعد سفري بعدة نقاط
اولا: بالنسبه لملاهي جنتنغ .. رسوم الدخول للملاهي هو 65 رنجت تقريبا مقارنتاً بسعرها لما شفت مشاركة احد الاعضاء,,,, والجو ليس بارد بذيك البروده حيث اني لبست ملابس ثقيلة. فأنصح بملابس عادية
ثانيا: انصح بشدة السكن في فندق رويال شولان .. ببساطه انا سكنت في فنادق كثيره واصنفة الاول في جميع الدول الي زرتها... وانصح بمكتب ####### لقيت الفرق بين الديلوكس والسبوريور فقط 20 ريال ,, لكن بصراحة انا طلبت من الفندق انه يوروني كلا الغرفتين وبصراحه مافيه فرق
ثالثا: انصح بوضع خطة او برنامج يومي كخطوط عريضه قابلة للتغير. بحيث انك اذا وصلت بالسلامه تقدر تغير الخطه بسلاسه دون ملل
رابعا: فيه باص جميل جدا اسمه
Bus on bus off
هذا يلف تقريبا جميع المناطق بتذكرة 38 رنجت للشخص,, من الاماكن الي يمرها حديقة الطيور والزهور والفراشا ت (متقاربه جدا) ويمر على السوق الصيني والمناه والبرجين وسوق سوريا والعديد ولكن لا يمر على حديقه نيقارا زوو وفيه خريطو للاماكن الي يمر عليها الباص انصح بشده بمشاهدتة ووضع جدول يومي له خصياصا
ولكن فيه عيب .... لا تحط اماكن كثيره جدا لان الباص يمر كل نص ساعه وتخيل ان الباص توه رايح وفاتك راح تقعد نص ساعه علشان يجي الباص وانا اشوف فيها مضيعة للوقت
الحل.... وانت متجه لمحطة الباص, اتصل عليهم واسألهم متى بيجي ؟ اذا انه مطول وانت طفشت من النقطة الي انت فيها خذ تكسي او تسلى في نفس المكان الين ما يجي الباص
خامساً: السوق الصيني .. بصراحة السوق هذا مجنون لولا خوفي من زيادة في الوزن كان شريت السوق كله .. تخيلوا شنط ماركات بربري وجوتشي ولويس فيتون على 50 رنجت !!!
والله رخيص جبت لحارتنا كلهم هدايا والله الله بالمكاسر لقيت شنطه ب320 ورخصها لي الين 60 .. بالنسبه للبنات الي ما يعرفون يكاسرون .. نصحية هذا السوق افضل مكان للتدرب على المكاسر ...
سادسا: فيه نقطه لو تسمحون لي .ليش مانجرب مطاعم هنديه ؟؟ فيه مطعم في سوق بافليون اسمه
Spice of India
لذيذ جدا .. والي طلبناه بالضبط اساميهم العامة 1- بتر شكن 2- برياني رز 3- خبر
مع 2 بارد ب73 رنجت واذا ما شبعت اطلب تادوري شكن وان شاء الله بتدعون لي.
اقصد بالاسمي العامه : كل مطعم يصرف لهذ الاصناف اسامي خاصه له
يعني بشكل عام له اسم واحد .. يعني البرجر في هرفي له اسم وفي ماك له اسم ثاني بس هو نفسه برجر والاختلاف بالطعم
سابعا: سعر الصرف الان في كوالالمبور 1 يال= 0.79 رنجت اتوقع الصرف في السعوديه افضل
ثامنا: ولله الحمد تشرفنا بالسلام على الشيخ الدكتور عبدالرحمن السديس في الفندق
تاسعا : لاتنسون تجيبون معكم فيش لان كل الفنادق افايشهم الى على الجدار على شكل 3 رؤوس (رئوس) علشان تقدر تشحن الابتوب والجوال
عاشرا: فيه وجبه اتمنى كل واحد يذوقها الا وهي جوزي من مطعم خيمة الصحراء
واخيرا اعذروني على الاطالة والي بيرد علشان يشكرني ... لايرد.. الشكر موصول لهذا المنتدى
اكرر شكرا لجميع الاعضاء الي ردوا على استفساراتي
بالتوفيق.....
وفعلا
السوق الصيني ياليت من يشيل الي فيه كله
وانا اشطر منك قالولي بثلاث ميه قلت ب 40 رنقت ورضو
عاد من دخلت السوق الصيني وانا ماسكه على اربعين ومشت معي
وطحت فيها
ههه
لدرجه شفت شال ب25 قلت اربعين ههه
قال اوكيه وعقب انتبهت اني مضيعه
اما المطعم
الي ذكرت انا كلت عندهم برياني سبايسي في سوق سوريا
بصراحه
روعه
واتوقع لهم اكثر من فرع
يعطيك العافيه ولاهنت على الطرح