كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ذياب محمد
27-11-2022 - 03:06 am
  1. رابعا: فيه باص جميل جدا اسمه

  2. Bus on bus off


السلام عليكم...
اخواني واخواتي,, ياما افادني هذا المنتدى في جمع استفسارات قبل سفري الى كوالالمبور,, فأحببت ان ارد الدين بعد سفري بعدة نقاط
اولا: بالنسبه لملاهي جنتنغ .. رسوم الدخول للملاهي هو 65 رنجت تقريبا مقارنتاً بسعرها لما شفت مشاركة احد الاعضاء,,,, والجو ليس بارد بذيك البروده حيث اني لبست ملابس ثقيلة. فأنصح بملابس عادية
ثانيا: انصح بشدة السكن في فندق رويال شولان .. ببساطه انا سكنت في فنادق كثيره واصنفة الاول في جميع الدول الي زرتها... وانصح بمكتب ####### لقيت الفرق بين الديلوكس والسبوريور فقط 20 ريال ,, لكن بصراحة انا طلبت من الفندق انه يوروني كلا الغرفتين وبصراحه مافيه فرق
ثالثا: انصح بوضع خطة او برنامج يومي كخطوط عريضه قابلة للتغير. بحيث انك اذا وصلت بالسلامه تقدر تغير الخطه بسلاسه دون ملل

رابعا: فيه باص جميل جدا اسمه

Bus on bus off

هذا يلف تقريبا جميع المناطق بتذكرة 38 رنجت للشخص,, من الاماكن الي يمرها حديقة الطيور والزهور والفراشا ت (متقاربه جدا) ويمر على السوق الصيني والمناه والبرجين وسوق سوريا والعديد ولكن لا يمر على حديقه نيقارا زوو وفيه خريطو للاماكن الي يمر عليها الباص انصح بشده بمشاهدتة ووضع جدول يومي له خصياصا
ولكن فيه عيب .... لا تحط اماكن كثيره جدا لان الباص يمر كل نص ساعه وتخيل ان الباص توه رايح وفاتك راح تقعد نص ساعه علشان يجي الباص وانا اشوف فيها مضيعة للوقت
الحل.... وانت متجه لمحطة الباص, اتصل عليهم واسألهم متى بيجي ؟ اذا انه مطول وانت طفشت من النقطة الي انت فيها خذ تكسي او تسلى في نفس المكان الين ما يجي الباص
خامساً: السوق الصيني .. بصراحة السوق هذا مجنون لولا خوفي من زيادة في الوزن كان شريت السوق كله .. تخيلوا شنط ماركات بربري وجوتشي ولويس فيتون على 50 رنجت !!!
والله رخيص جبت لحارتنا كلهم هدايا والله الله بالمكاسر لقيت شنطه ب320 ورخصها لي الين 60 .. بالنسبه للبنات الي ما يعرفون يكاسرون .. نصحية هذا السوق افضل مكان للتدرب على المكاسر ...
سادسا: فيه نقطه لو تسمحون لي .ليش مانجرب مطاعم هنديه ؟؟ فيه مطعم في سوق بافليون اسمه
Spice of India
لذيذ جدا .. والي طلبناه بالضبط اساميهم العامة 1- بتر شكن 2- برياني رز 3- خبر
مع 2 بارد ب73 رنجت واذا ما شبعت اطلب تادوري شكن وان شاء الله بتدعون لي.
اقصد بالاسمي العامه : كل مطعم يصرف لهذ الاصناف اسامي خاصه له
يعني بشكل عام له اسم واحد .. يعني البرجر في هرفي له اسم وفي ماك له اسم ثاني بس هو نفسه برجر والاختلاف بالطعم
سابعا: سعر الصرف الان في كوالالمبور 1 يال= 0.79 رنجت اتوقع الصرف في السعوديه افضل
ثامنا: ولله الحمد تشرفنا بالسلام على الشيخ الدكتور عبدالرحمن السديس في الفندق
تاسعا : لاتنسون تجيبون معكم فيش لان كل الفنادق افايشهم الى على الجدار على شكل 3 رؤوس (رئوس) علشان تقدر تشحن الابتوب والجوال
عاشرا: فيه وجبه اتمنى كل واحد يذوقها الا وهي جوزي من مطعم خيمة الصحراء
واخيرا اعذروني على الاطالة والي بيرد علشان يشكرني ... لايرد.. الشكر موصول لهذا المنتدى
اكرر شكرا لجميع الاعضاء الي ردوا على استفساراتي
بالتوفيق.....


التعليقات (8)
روز 2010
روز 2010
بيض الله وجهك ماقصرت على النصائح
وفعلا
السوق الصيني ياليت من يشيل الي فيه كله
وانا اشطر منك قالولي بثلاث ميه قلت ب 40 رنقت ورضو
عاد من دخلت السوق الصيني وانا ماسكه على اربعين ومشت معي
وطحت فيها
ههه
لدرجه شفت شال ب25 قلت اربعين ههه
قال اوكيه وعقب انتبهت اني مضيعه
اما المطعم
الي ذكرت انا كلت عندهم برياني سبايسي في سوق سوريا
بصراحه
روعه
واتوقع لهم اكثر من فرع
يعطيك العافيه ولاهنت على الطرح

foxx109
foxx109
اهلا بك يالغالي ..
اشكرك لى هذه النصائح الجميلة والمفيدة ,,
يوجد بعض الملاحظات البسيطه ياالغالي .. وقد تم تعديلها ..
(1) ذكرك اسم مكتب سياحي وهذا مخالف للشروط
(2) يجب عليك انتقاء بعض الالفاظ الجميلة فيما يخص العمالة الاجنبية
(3) الافضل عدم ذكر عضو بعينة (لا مدح ولا ذم)
وعلى العموم نحن في انتظار تقرير على احرؤ من جمر ...
محبك الفوكس

ذياب محمد
ذياب محمد
هلا والله
شكرا لك روز 2010
iواعذرنا يا مشرفنا العزيز حبيت بس انصح حبايبنا ... وبالنسبة للمكاتب ... انا اشوف مواضيع تتكلم عن مكاتب ومواقع ..!!
ما علينا...!!! طيب وش بيصير على موضوعي .؟ بيتكنسل والا ايش .؟
لان اشوف المشاهدة على شكل - شرطه . ما المعنى..؟
حبيبنا .. والله اني كاتب الموضوع في ماليزيا بنفس فندق البورت دكسون
International legend water homes
يعني مشها هالمره

ابو ثامر 2011
ابو ثامر 2011
اول الحمدلله ع السلامه ثاني اخووك مايعرف شي بالانقليزي غير مشي حالك بس اخووي داخل المطعم
طلع منو يقول مايعرف وش يطلب عشان كذا يالله قولي وش طلبت عشان اطلب مثلك

ماجد الفهد
ماجد الفهد
مشكور كثير يا غالي على نصائحك القيّمة ...
إن سمحت لي أحب اعلّق على بعض النقاط طال عمرك
1. تقدر تروح لجنتنق بتذكرة 41 رنقت فقط تشمل النقل والتلفريك وتذاكر الألعاب
مشاركة أخونا لورد
مرحبا جميعا
انا امس رجعت من ماليزيا ورحت الى جنتنج عن طريق باصات (جو جنتنج) go genting
بمبلغ 41 رينجنت شامل تذكرة ذهاب وعودة الباص وتذكرة التلفريك (skyway) صعود ونزول و تذكرة دخول الالعاب الخارجية
outdoor thame park
الباص مريح وللمعلومية كان معي رضيع وطفل 4 سنوات ...
مسافة الطريق تقريبا 45 دقيقة الى ساعة
وللحجز اذا كنت ساكن في شارع العرب يوجد لهم مكتب ومحطة باصات يسموها باساريات (pasarkyat ) في شارع امبي وهو قريب جدا من شارع العرب بالسيارة تقريبا 5الى 10 دقائق
وانصح بالحجز قبل الرحلة بيوم او يومين عشان تلاقي الوقت المناسب ( اعتقد افضل وقت للذهاب 9 الى 9:30 والعودة 4:30 الى 5:30 )
ولاتنسى ترى انك تجي قبل الرحلة بعشر دقايق على الاقل لانهم يتحركوا يالوقت دون تاخير
2. شولان ... لا يعلى عليه راقي وسعره جميل جدا ...
3. للتصحيح ... رحلة الباص المفتوح تسمّى ...
Hop On Hop Off
للمزيد حول هذه الجولة ...
https://artravelers.com/p/re/410831
واللي يزور كوالا ... لا يفوت هالجولة ....
مفيدة وحلوة وسعرها رائع جدا ...
ويفضل لو إختار الواحد وقت مناسب ... جو غائم مثلا ...
4. السوق الصيني
5. بالنسبة للصرف ... ذكرت رأيي بصراحة في موضوعي اللي في التوقيع ...
6. وفقت ما شاء الله عليك في مقابلة الشيخ عبدالرحمن ... تستاهل
7. بالنسبة للمطاعم ... لا تشكل عائق كبير لدي ... أحب أجرب كل شيء ...
وخصوصا الأشياء المطاطية

حلمي بعيد
حلمي بعيد
السلام عليكم والله استفدت اشياء كثيرة من الموضوع سؤالي أنا رحلتي بعد يومين لماليزيا الصرافة من السعودية افضل او من ماليزيا وش تنصحوني فية اذا كان بماليزيا الافضل الريال او الدولار اول مرة اروح أنا وعيالي على (وجههة) انتظر ردكم احر من الجمر الله لايهينكم

ماجد الفهد
ماجد الفهد
حلمي بعيد
وعليكم السلامة ورحمة الله وبركاته ...
أهم شيء خلي معاك كاش سعودي كإحتياط ... 5000 ريال على الأقل من أمهات خمس
والباقي هنا https://artravelers.com/p/re/526638
بالتوفيق وربي يهنيك ويسعدك في رحلتك

من يقول ؟!
من يقول ؟!
المطعم الهندي بأي دور في البافلون ؟؟؟
جاري تجربت جوزي بالخيمه الصحرى
والف شكرا ع النصائح


خصم يصل إلى 25%