البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ولدعنيزه
08-12-2022 - 09:33 am
  1. السلام عليكم ورحمة الله وبركاته

  2. ماخذت منا الاجرائات اكثر من 20 دقيقه


--------------------------------------------------------------------------------

السلام عليكم ورحمة الله وبركاته

الأربعاء الي راح زرت مملكة البحرين دار الزين بعد عودة الامن والأمان ,,
وصلت الجسر الساعه 10 مساء وكان جدا جدا خفيف بعد دفع الرسوم 20 ريال تابعت المسير وكان الطريق شبه فاضي حتى وصلت الجوازات وكانت الكباين كلها مفتوحه وفيه حركه بس خفيفه مره قالت لي زوجتي تذكر اخر مره لما جينا وجلسنا اكثر من ساعتين من الزحمه ؟؟؟ والله فرق ..
المهم وصلنا حدود البحرين وكانو كالعاده مره بشوشين ويرحبون فينا مثل العاده وباركت لهم بعودة الامن للغاليه البحرين
وكانو بقمة الاخلاق وتغير الجانب البحريني اشوف فيه تغيرات مثل مطعم ماكدوناز وغيره

ماخذت منا الاجرائات اكثر من 20 دقيقه

بعد ماخلصنا وحنا على الجسر ماشين كل شي طبيعي ولا فيه اي شي غريب ولما مشينا على الدوار الي يوصل للمنامه نشوف بعض الدوريات وبعض المدرعات لدرع الجزيره ,,
وصلنا الفندق الدبلومات وانا داخل المنطقه كان فيه تفتيش وسألني العسكري وين رايح قلت لفندق الدبلومات وكان ابني جالس على حجري وانا اسوق قال ترا خطر وقام وبوس ولدي ووصف لي الفندق وقالي ترا الوضع امان واستمتعوا بالبحرين بس احذرو القرئ والاماكن المشبوهه
المهم وصلنا الفندق وكانت الحركه فيه خفيفه ودخلنا غرفتنا ورحت لوحدي لشارع المعارض كان فيه حركه بس مو مره مثل اول ورحت السوبر ماركت جبت ماء وعصيرات ومجلات وبعدها رحت لماكدونادز جبت عشا ورجعت للفندق وكانت الحركه طبيعيه ولا فيه شي غريب ..
يوم الخميس الظهر رحنا للسيتي سنتر وكان مو زحمه بس فيه حركه وفيه بعض العائلات السعوديه وتسوقنا وشربنا كفي في ستار بوقس وكان فيه مقابلت مع الناس اعتقد فيه مناسبه وطنيه بس الصراحه انا ما عرفت ايش هي بس اشوف اعلام البحرين مع الناس والاطفال راسمين علم البحرين في وجيههم ..
وبعدها طلعنا لمجمع السيف وكان اقل من العاده وكان فيه احتفالات للبحرين وناس جالسه تبصم في اصبعها على لوح انا مو عارف ايش وساحت المطاعم خفيفه مرره وبسهوله تحصل لك طاوله وحضرنا فيلم عادل امام وكان فيه شخصيات كرتونيه مثل ام خماس وغيرها قاعدين يدورون وخليت ام خماس تشيل ولدي وصورتهم مع بعض ,,
وبعدها رجعنا للفندق نصلي ونريح وناخذ لنا دش ونمنا شوي بعد الطلعه والتسوق
صحينا ممكن الساعه 1 قلت للمدام مدام اننا نشيطين ايش رايك نرجع للشرقيه وفعلا جهزنا اغراضنا ولما طلعنا من الفندق وعند طريق الملط فيصل حصلنا الطريق مغلق وقال لنا العسكري سوي يو تيرن وخامس اشاره امسك معها يمين وروح سيدا تاصل الجسر ,,
ولما وصلنا كانو البحرين يسألوننا عسى استانستو وعسى راح تزوروننا مره ثانيه ,,
ونحمد الله على الامن والامان وترا كل شي امان والله الحمد
ولا فيه اي مضايقات بالعكس البحرين مثل قبل الله يديم على جميع دول الخليج والدول العربيه والاسلاميه الأمن والامان
واسف على الاطاله وشكرا لمروركم وساحونا على القصور ,,


التعليقات (8)
T.R.A.N.Z.I.T
T.R.A.N.Z.I.T
ربي ستر عليك انت وعيالك
اهم شي ان الوضع تحت السيطره

Discover Bahrain
Discover Bahrain
يا هلا وغلا أخوي ولد عنيزة .. أسفرت وأنورت بصراحة .. وحشتونا ..
شهادتك كنا نحتاجها خاصة أن كثير من الناس لا زالوا يحاولون يضربون في أمن البحرين مع أن الواقع يقول أن الأمن مستتب بشكل تام منذ شهر تقريباً .. ومظاهر الحياة العسكرية اللي شفتها راح تستمر حتى تاريخ 16-6 يعني حتى انتهاء فترة الطوارئ .. وحبيت أوضح لك نقطة بالنسبة لدرع الجزيرة فهم موجودين في البحرين ولله الحمد ولكن مو الطرق العامة موجودين عند بعض المنشآت الحساسة .. اللي شفتهم عند المرفأ المالي هذيلا مدرعات الحرس الوطني ..
وحياكم الله ونتمنى ما تقطعونا ..

MeTaB2010
MeTaB2010
الحمد لله ع السلامة و رحلة سعيدة

سعيد الحمادي
سعيد الحمادي
الحمد لله عالسلامة
الخميس الجاي باكون هناك إن شاء الله
راح اعمل لكم تقرير عن زيارتي لمدة أسبوع.
الله ييسر الأمور ويديم الأمن والأمان

فيصل
فيصل
لا هنت علي التقرير والديره امان

(البندري)
(البندري)
الله يعطيك العافيه
ويديم الامن والامان يارب

مسافره وراجعه
مسافره وراجعه
مشكور
ولد عنيزه
البحرين حلوه وخصوصان ها اليومين

الأفـق
الأفـق
الحمد لله على السلامه


خصم يصل إلى 25%