برشلونه المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sera
14-12-2022 - 11:53 am
في البداية ارحب بجميع الاعضاء واتمنى يكون تقريري عن رحلتي لبرشلونة مفيد للجميع
وللعلم هذي اول مرة لي اكتب فيها عن رحلتي واتمنى اني انجح فيه


رحلتي الى اسبانيا
التعليقات (9)
sera
sera
sera
قررنا السفر في شهر فبراير وكانت الفيزا جاهزة لانا كنا مسافرين فرنسا في الصيف الماضي
وطبعا الهم الاول كان ترتيب التذاكر وعلى اي خطوط ؟
بعد البحث في المنتدى الرائع والاستفادة من تجارب السابقين وقع الاختيار على الخطوط القطرية
والصراحة انصدمنا من السعر كانت التذكرة غالية شوي بس كنا حابين نسافر بخطوط مرتبة وحلوة
التذكرة كانت تقريبا ب3600 ريال للشخص وكانت الرحلة الدمام - الدوحة - برشلونة والعودة برشلونة - الدوحة - الدمام
يعني معقولة الرحلة ما فيها تبديلات كثيرة

sera
sera
sera
السفر كان يوم 8 ابريل وكنت متحمسة للبلد حابة اشوفها واتابع حالة الطقس كل يوم
المهم مع الفرحة بالروحة جهزنا حالنا انا والعيال وابو العيال ولمطار الدمام الساعة 2 ليلا والاقلاع الساعة 5فجرا للدوحة
والحمد للة بدلنا الطيارة في الدوحة بسرعة وبدات الرحلة الطويلة لبرشلونة
مدة الرحلة تقريبا سبع ساعات بس كانت ممتعة شاهدنا بعض الافلام والبعض نام ووصلنا الظهر
اخذنا تاكسي وانتقلنا للفندق مباشرة وكان حجزنا له عن طريق مكتب سياحي مجرب ومضمون لكن احيانا يواجه الانسان بعض الصعاب علشان يتعلم
اكيد بتتساءلون ايش واجهنا ؟
وصلنا الاوتيل وكان 3 نجوم وقال صاحب المكتب اوتيل مرتب وقريب من شارع الرامبلا قلنا اوكيه
كانت الصدمةان الاوتيل قديم جدا وكان غير مرحب فينا لانا عرب ومتحجبات
وقالو لنا الدور الي فيه غرفكم غير جاهز وفيه صيانة وراح نوديكم لفندق ثاني و4 نجوم وبكرة اذا جهز ت الغرف ترجعون
المهم انا ما ارتحت من استقبالهم قلت لزوجي خلنا نشوف الغرف لان الاستقبال كان قديم والكنب وسخ والاوتيل ضيق
رحنا مع الموظف وكان وده نشوف ونهج
صار له الي يبي انصدمت بالغرفة ضيقة وقديمة وبصراحة اوتيل مشبوه
اكتشفنا بالاخير انه اوتيل يسمح بالشواذ فيه يعني القايز
طبعا انا ارتعت وقلت لزوجي مستحيل اجلس فيه كلم صاحب المكتب السياحي في السعودية يغيره لنا وكان يوم الجمعة والامور كلها تعقدت
انتقلنا للفندق الثاني وما رضى يسلمنا الغرف الا لما يجيه ايميل من مكتبهم في برشلونة يعني مسالة تلكيك
انا من واقع تجاربي واستخدامي لموقع الحجز بوكنج دخلت النت من اللوبي وحجزت ليلة في فندق 4 نجوم لين تنحل
وبعدين حجزنا في ثاني 6 ليالي
تم الحجز واخذنا بعضنا ورحنا للفندق وكان في منطقة حلوة على البورت يعني الساحل ويطل على البحر وجديد وحلو
استلمنا الغرف وحاتنا ما يعلم فيها الا الله المهم مرت على خير بس ما انحل الوضع لغينا حجزنا في الاول وتفاجانا ان زوجي جاته مكالمة من الاوتيل الثاني يقولون حجزنا بينلغي اذا ما جينا ناكدة عندهم
احنا طبعا صدقنا السالفة ودينا العيال المول القريب من الفندق يتغدون وطيران اخذنا تاكسي للفندق الثاني
اكتشفنا انها مسالة معاينة يبون يشوفونا وبعدين يحكمون علينا نسكن ولا لا؟
اول ما جينا شافنا صاحب الريسبشن وقال انتو تدرون الفندق يصلح للعيال ولا لا ؟
وده نشوف الي على الجدار بس ما فينا فايده قلنا ودنا الغرفة نشوفها
قال يالله واول ما دخلنا تلخبط الرجال من الصور الي على الجدار
شي ما ينقال واخيرا قال لنا الفندق للشواذ وممكن العيال يشوفون ما لا يحمد عقباه
المهم الرجال كان طيب وقال انا باساعدكم واحجز لكم بمكان ثاني
انا فكرت وقلت نكمل حجزنا بالاوتيل الي على البحر وفتحت البوكنج وكملت الحجز لست ليالي اخرى و انتهينا من هم السكن
انا من كل هالحوسة ابي بس انبهكم اذا فكرتو تروحون لاي بلد اوروبي اسالو عن الفندق لا يكون للشواذ لانه موب زين للعيال ولنا بعد هذي كانت النقطة السلبية في الرحلة كلها بس الحمد لله انحلت
اما باقي الرحلة فكان ممتع للغاية وبلد جميلة جدا وتستاهل العنوة
هذا الجزء الاول من التقرير وان شاء الجاي احسن

برشلوني كتلوني
برشلوني كتلوني
متابعين معاك,,,ننتظر التقرير على احر من الجمر..انا كنت هناك من 6 الى 14 ابريل على رحلة الدمام الدوحة برشلونه الساعه 5 الفجر الذهاب..بس الحمدلله توفقنا بالسكن...الا ليش ما تذكرين اسماء هالفنادق التعيسه عشان ما احد يسكن فيها!!!
مجهود حلو ,,, ننتظر الباقي

حبيب الامس
حبيب الامس
اختي لوتكرمتي انا عندي استفسار
انا بروح الشهر الجاي بحول الله الي برشلونه بس الفيزا مطلعها من السفارة الفرنسية وعلى طول بروح برشلونه بنفس خط الرحلة حقتكم
ابي اسال هل فيه تعقيد في الجوازات واستفسارات ليه مطلع الفيزا من مكان ثاني؟
ياريت تخبرينا عن الشعر الاسباني في المطار وكيف تعاملهم مع المسلمين ومع السعوديين بالاخص؟
شكرا لك

sera
sera
شكرا لمتابعتكم بالنسبة للفنادق ابشرو وهذي اسماءها :
الفندق الاول 3نجوم السئ هو : grupotel gravia hotel
والثاني 4 نجوم ايضا سئ وسط البلد :Axel hotel Barcelona &urban spa
انا طبعا من حرصي على قراء المنتدى وعلشان ما يعانون زينا حبيت اذكرهم

sera
sera
حبيب الامس
بالنسبة للفيزا انا طلعتها لايطاليا وسافرت اول مرة فيها لفرنسا وعادي ابدا ما سالو عن شي
يعني ان شاء الله ما يكون عندكم مشكلة
وما فيه تعقيد بجوازاتهم بالعكس الامور ميسرة وسهلة كلها تختيم عادي ومطابقة مع صاحب الجواز ومطار منظم
والشعب الاسباني في برشلونة الي انا زرتها لاني بصراحة ما رحت الجنوب لكن الشعب الكاتلوني شعب محترم جدا ونظامي وتعاملهم ذوق للسائح وما واجهنا اي مضايقات بالعكس دايما مبتسمين ومرحبين واصلا ما يسالون انت سعودي اومن وين ؟ يعني ناس رايقة وفي حالها

sera
sera
  1. وهذي صورة له بالنهار


بعد ما استقرينا في السكن بدات عملية البحث عن السياحة في البلد الجميلة وانا طبعا من خلال بحثي قبل ما اسافر احب ابحث واستطلع عن البلد وقرات عن الباص السياحي في منتدان الرائع والحمد لله سالنا الاوتيل عن اقرب محطة وطلعت مقابلة الفندق كانت رقم 9 ومقابلة مول دياغونال مار
رحنا المحط وقطعنا تذاكر ليومين احسن واوفر ومع تذاكر الباص يعطونك كتيبات فيها خصم لبعض الاماكن السياحية زي غودي هاوس والتلفريك وبعض المطاعم وحديقة الحيوان واماكن كثيرة
بصراحة انبسطنا على الباص حلو ومريح والجلوس في الاعلى يخليك تشوف البلد من اعلى مع نسمات الهواء العليلة
طبعا استخدام الباص سهل اي مكان سياحي حاب تنزل فيه تنزل ولما تخلص ترجع لنفس المحطة ويرجع يشيلك واهم شي بسطني فيه مشرفة الباص تتكلم انجليزي يعني ما عندك مشكلة في التفاهم على اي شي
للباص محطات كثيرة بعضها مباني عمرانية او حدائق او اسواق وراح احط لكم بعض الصور لبعض المحطات
هذي اول محطة لنا بعد فندقنا كانت رقم 10 وتتوقف عند سوق غلوريا ومقابله المبنى المضئ الملون واسمه دياجونال برشلونة

وهذي صورة له بالنهار

عند محطة 15 يبدا اجمل شارع تسوق في برشلونة جراسيا ستريت حي راقي ومرتب وشارع واسع فيه من الجهتين بوتيكهات الماركات الغالية والمعروفة جميع الماركات في متناول يدك وناس اول ما تدخل البوتيك يشيلونك شيل عن الارض من حسن التعامل والاخلاق المهم بعد ما تمشينا في الشارع لفت انتباهنا مبنى غريب على جهة اليسار للفنان غودي وهو مهندس معماري شهير عندهم وايضا مبنى ثاني على اليمين وهو غودي هاوس وهذي الصور
وهذا غودي هاوس
اخذنا جولة في المنزل وكان عبارة عن بيت من اربع طوابق وجميع جدرانه وديكوراته من السيراميك والخشب والزجاج وكان غريب وحلو بعدها جعنا ورجعنا تغدينا في برجر كنج في بداية الرامبلا
استعدا دا لاستكمال الرحلة

نجم السياحه
نجم السياحه
بالعكس دايما مبتسمين ومرحبين
واصلا ما يسالون انت سعودي اومن وين ؟ يعني ناس رايقة وفي حالها .
كلام صحيح .
واصلي اختي بانتظارك .

sera
sera
طبعا ما نخلي التسوق وكان بخاطري عطر من شانيل بس ما يباع الا في البوتيك حقهم وقلت لما اروح اوروبا باشتريه وفعلا رحت المحل وشريت العطر وكانو قمة في التعامل

وهذي بعض البوتيكات

وفي زاوية الشارع سوق اسمه الانجلش كورت ستة طوابق وكل طابق لبضائع معينة حلو
بس بما اني احب انصح واجد وما ابغا احد يطيح في اخطائي فيه في اخر درو في المول مطاعم بعضها طلب اوردر وبعضها نظام خذ صينية وحط الي تبي وحاسب
بس انصحكم لا تدخلونها كلها ما تسوى ومكان مكتوم واكل موحلو المطاعم الي تحت في الرامبلا افضل هذا من تجربتي الرحلة القادمة باذن الله لشارع الرامبلا انتظروني


خصم يصل إلى 25%