معليش نسيت نقطه هل ياخذون مبلغ تامين للسكن؟؟

(البندري)
هلا وغلا فيكم اختي وتنورون قطر
اختيار موفق للفنادق منتجع شرق خيالي وفندق دبليو حلو.

• الطريق من بعد الاحساء مايضيع نهائي كله سيده

دبليو وشرق على نفس الطريق ثنينهم بالكورنيش شرق بنهايتة ودبليو باوله
بس حبت اقولج انه اغلب المطاعم والمقاهي تسكر 10 الى 12
والمجمعات من 9 ونص الى عشر
مطعم ومقهى جراند جود يسكر 2ونص بليل
مطعم ومقهى الباشة يسكر 2ونص
مطعم ومقهى بيوتي كافية نفس الشيء
وتقريبا اغلب المقاهي والمطاعم فيها شاشات
واتمنى تطلعين فوق على تقاريي وتشوفين شنو انسب لج
وانصج تزورين الؤلؤة قطر والحي الثقافي لانهم جنب بعض
وسوق واقف لان بالكورنيش قريب من دبليو ومن شرق وبعد ممكن هناك يتابع المباريات
واقامة سعيده

fahad-qtr
قطر منوره باهلها
الله يعطيك العافيه هذا العشم بااهل قطر
اي احد حاب يضيف اي اضافات اتقبلها مطاعم كافيات مميزه ولو جدول مرتب مااقول لا
سمعت فيه كوفي حق شوكليت مااعرف اسمه فوندو شوكولا حاجه زي كذا

هلا ومرحبا بج أختي،،
ما يحتاج أضيف على أخوي فهد لانه كفى ووفى،،

يعطيكم الغالين الحممدلله وصلنا بالسلامة فديت قطر وأهلها فندق دبليو راىع بكل ماتعنيه الكلمه طاعنا بعد العصر قرينا بالكورنيش والآن فسوق واقف نشوف مباراه الهلال والجزيرة الاماراتي
وحده مدحت لي مطعم سكرباشا وين احصله واوقاته ومطعم ناندوز وين
عوافي

(البندري)
الله يعافيج اختي ونورة قطر
سكر باشا اول مره اسمع عنا ان شاءالله يفديونج الشباب فيه
أما مطعم ناندوز في فرعين فرع في مجمع الستي سنتر وفرع في طريق سلوى

صباح الخير
سكر باشا في الحي الثقافي (كتارا)
عن الرحلات البحرية ممكن تشوفون المراكب اللي مجابلو الديوان الاميري (اول الكورنيش) في بعضهمم للايجار ..وللنزهات البسيطة توجد المراكب اللي في الكورنيش نص ساعة او ساعة حوالين الكورنيش
شوكليت كافيه في اللؤلؤة ..وبامكانكم تجربة الكرك (شاي حليب) وشباتي (خبز هندي) بمطعم كرك وشباتي في الحي الثقافي
سلام

وتقدرين تروحين مجمع الستي سنتر القريب من فندق دبليو والشرق ومجمع فيلاجيو الي يبعد ربع ساعة عن الفندق

(البندري)
أسمة شوكلت بار بتحصلينة بلؤلؤة قطر