جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ALSAAMR2002
28-11-2022 - 12:08 am
  1. مسيرة الرحلة من الدمام الى جاكرتا


مسيرة الرحلة من الدمام الى جاكرتا

طبعا كعادة الخطوط السعودية وسمه من سماتها تأخرت الطائرة عن الاقلاع في الوقت المحدد قلنا يالله وش نسوي يمكن يعوضنا السواق اقصد كابتن الطائرة عن الوقت اللي ضاع في المطار لكن حتى كابتن الطائرة خايف من الرادار الجوي يصيده ويعطونه مخالفة مع اني ضمنت له لو عطوه مخالفة انا بشيلها من الكمبيوتر حق المرور الجوي لكن طلع خواف تصدقون بقيت ادفه واسوق الطيارة بدالة لكن خفت على المسافرين من زود السرعة تنطعج جباهم المهم وصلنا بحمد الله ورعايته الى مطار جاكرتا واول واحد نزل من الطيارة انا وخويي وعلى طول هواء للجوزات وادور واحد وجهه سمح عشان يخلصنا بسرعة ولا يطلب هدية المهم وانا ادور واقز ذيك البنت في كشك الجوازات وانصاها على طول وقلت لها انا عند الله ثم عندك قلت وصلت ولا تشيل هم واعطيها الجواز وعلى طول خلصتني واشوف خوي لاصق عند واحد ثاني من موظفي الجوازات ويطلع من هالفلوس ويعطيه المهم خلصه بعد ماشاف الدراهم وجاني قلت له وشف فيك ليش عطيته فلوس قال ما رضي يفكني لين عطيته المقسوم وبعد كذا توجهنا لصالة العفش وحنا ماشين الا هالماسات اللي على اليمين اللي يقول تبغون فندق واللي يعرض علينا بطول ماء بس لونه متغير شي لونه اصفر وشي لونه احمر


رحلتي الى اندونيسيا
التعليقات (9)
ابو مضاوى
ابو مضاوى
انا اشهد انها عمة الدنيا
كمل كمل كمل تربت يداك جاتنى الصيحه يوم سمعت طاريها

القنيط
القنيط

طيب وبعدين وش صار خلو عنكم التعليق،،عطونا سوالفكم دفعه وحده،،

Awal_7abib
Awal_7abib
الحمد لله على سلامتك يخوي أيو ... وان شاء الله تكونو انبسطتو وغيرتو جو بعمة الدنيا...
طبعا زعلان عليك انا انت وخويك .................... لإنكم تبخششون ....... تكفون لا تعطونهم شي .
والمطلوب الآتي:-
1) كم سعر شقق اللسون اللي اخذتوها.
2) وشي المدن اللي زرتوها
3) نبي سرد تفاصيل الرحلة كاملةً - بدون أقساط مثل ابو مضاوي
4) صور رحلتكم إن وجد .. (أكيد وجد طبعا)
تحياتي لك،،،

ALSAAMR2002
ALSAAMR2002

هلا وغلا والله وابشروا باللي تبون بس خلوني ارتب الموضوع بشكل كامل وانزله لكم اليوم او على ابعد تقدير بكرة ان شاء الله ولا يهمكم انتم تامرون امر
ابو مضاوي تقول فيها انا من ركبت الطيارة لين وصلت وان اصيح
هلا بسيد القنانيط كلهم ابشر باللي يرضيك
اخوي Awal_7abib
والله معاك حق تزعل ولكن وعد المرة الجاية ان الله اعطانا عمر ان شاء الله لو يزحف ما يشوف ربيه
سعر شقق ألسون غرفتين بعد المكاسر مع الماس حق الفندق وتعريفه باننا زبائن للفندق وتأكد من الكمبيوتر عطانا اليوم 605000 ربيه تقريبا لمدة اربعة ايام تدفع كاش مرة واحدة يعني لو جلست في الفندق لمدة اقل من المتفق عليها والمدفوع ثمنها ما يرجع لك شي وارخص من السعر اللي اخذناه المرة الاولى من مكتب الاخ خليل جلال بحوالي ثلاثين او اربعين الف ربيه
المدن اللي زرناها ساسردها مع بقي الحلقات دفعة واحد احتراما لطلبك وطلب الاخوة الكرام
بالنسبة للصور عد واغلط وان شاء الله بعد تهيئتها وتصغير حجمها بنزلها في مكتبة الصور او في اي مكان تحبون وياليت اذا تعرف برنامج لتصغير حجم الصورة مع المحافظة على جودتها تفيدني فيه

Awal_7abib
Awal_7abib
اوكي يالغالي ........ واحنا بالانتظار...
والبرنامج اتوقع الفوتوشوب احسن شي... بس اهم الشي الصور تنزل

سبنتااار
سبنتااار
ايوه قلبي .. قلبي عليك التاع

saya cakep
saya cakep
الحمد لله على السلامة
أنورت السعودية برجعتكم

ALSAAMR2002
ALSAAMR2002
هلا وغلا اخوي Awal_7abib
ومشكور والفوتو شب عندي وان شاء الله ببداء من الليله اضبط الصور
هلا ومرحبا الف اخوي سبنتار
جعل قلبك للعافية يالغالي
يا هلا بك والله اخوي saya cakep
ومشكور على ردك الطيب والسعودية منورة بك وباهلها

msfar
msfar
يامرحبا والله فيك..........................
عطنا أنطباعاتك..........عن جاكرتا وأحوالها وأهلها والسياح الخليجيين وش كثرهم هناك..........عسى ما أفسدوا علينا الأسعار مثل عادتهم((الخليجيين وخاصه السعوديين مايجون في محل إلا ويرفعون الأسعار من زود الكرم))
تحياتي لكم
مسفار.........الحب


خصم يصل إلى 25%