اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sakura sama
09-12-2022 - 01:25 pm
السلام عليكم ورحمة الله وبركاته
حبيت اسوي تقرير مبسط عن رحلتي العائلية الى جزيرة بالي
مع انه راح عليها 7 شهور تقريبا
لكن مع اقتراب الصيف الله يوصلنا ذاك اليوم بالعافيه على الجميع
بنزل التقرير هذا لعلي افيد فيه مسلم يدعي لي ^_^
بسم الله اولا
مدة الرحلة : 8 ايام
عدد افراد الرحله : 10 (4اطفال , 6كبار)
الخطوط الناقله : طيران اسيآ
تكلفة التذاكر تقريبا : 7500 تقريبا
السكن
1- swiss-belhotel الليله ب509 غرفتين وصاله و مطبخ صغير وحمامين الله يكرمكم
http://www.swiss-belhotelbayview.com
2- فله في ابود 3 ليالي ب 5000
http://www.flipkey.com/ubud-villa-rentals/p195242/
3- فله قريب قريب شاطي سيميناك (اجيبها قريب ان شاء الله)
طبعا حنا جايين من كوالالمبور كانت رحلتنا يوم الجمعه 2492010
الساعه 6 العصر
هذي لقطه من مطار كوالا ومبين فيها طيارة اسيا
وهذي داخل الطياره مدري وشوله الرذاذ
طيران حلو وماعيده دقيقه واسعاره جدن مميزه
عيبهم واجباتهم و متوفره وبفلوس رمزيه
وصلنا الساعة 9 استغرقت الرحله 3 ساعات
كان المطار هدي جدا ولا فيه عرب ابد
خدمتهم في المطار مو حلوه
طبعا الفيزا طلعناها من المطار اول ماوصلنا كل شخص 25 دولار تقريبا
بعدين رحنا نخلص اجراءات الدخول
فقالنا موضف الجوازات مافيه قفت ؟!
عيني عينك يبي بخشيش عطيناه تقريبا 10 دولار زعل يقول شويه قلنا مامعنا غيرها احمد ربك
مشانا ونفسه شينه معترض على البخشيش
المهم خلصنا وطلعنا من المطار كانت الساعه 10 وربع تقريبا عند بوابة المطار لقينا مواظفين الفندق ماسكين لوحه باسم الحجز وينتظرونا
جيبين لنا سيارتين فان سزوكي صغير
ركبنا وتوكلنا على الله للفنق كان الشوارع هاديه جدن وضيقه ومظلمه جزيره مخيفه نوع ما بالليل
وصلنا الفندق الساعه 11 ورحنا ع الغرف هذي صور من الفندق حليو ماعليه
هذي الصاله واعذرونا على الحوسه
الغرفه
الجزء الثاني من الصاله مبين فيها المطبخ وطوالة الطعام
المسبح
عيبهم فطورهم مره عادي >_


رحلتي الى اندونيسيا
التعليقات (8)
سلطان500
سلطان500
اول شي يعطيك العافيه لكتابتك للتقرير وان شاءالله يكون تقرير ممتع
عندي ملاحظة على الخط ياليت تكبره شوي لاني تعبت وانا اقراه
حبيت اعرف معلومه عن الثمرة الي كتبت انها اخطر ثمرة ايش السبب الي يخليها اخطر ثمره
بالنسبه لطيران اسيا هل تقلع من الرياض او لا
واخيرا
اتمنا منك ماتطول علينا في كتابت التقرير باين بيصير ابداع

مستر طارق
مستر طارق
يعطيك العافيه
وسؤالي مثل سلطان ليه اخطر ثمره ؟ ثمره ايش هي ؟!

Mr N
Mr N
متابعين معاكم
وياليت سلبيات وايجابيات وصور فيلا ابود ( مستعجل )ههه
وياليت تعطيني رايك في افضل منطقة مريحة للعائلة
ابود او سيمنياك او غيرها

الورد الطايفي
الورد الطايفي
يعطيك الله العافيه على التقرير توضيح اكثر عن التذاكر!!!!!!!

لوفي المنتهي
لوفي المنتهي
ماشاء الله عليكي بدايتك جميله وانا من المتابعين

زهرة التوليب
زهرة التوليب
الله يعطيك العافية ..

السنعوسي99
السنعوسي99
يعطيك العافية وماقصرت على التقرير

sakura sama
sakura sama
اول شي يعطيك العافيه لكتابتك للتقرير وان شاءالله يكون تقرير ممتع
عندي ملاحظة على الخط ياليت تكبره شوي لاني تعبت وانا اقراه
حبيت اعرف معلومه عن الثمرة الي كتبت انها اخطر ثمرة ايش السبب الي يخليها اخطر ثمره
بالنسبه لطيران اسيا هل تقلع من الرياض او لا
الله يعافيك
ان شاء الله راح اكبره
ههه
توقعت تعرفونها النبته هي كاكاو اخطر شي بالنسبه لي
لا للاسف اسيا مايطلع من الرياض ولا الخليج
يعطيك العافيه
وسؤالي مثل سلطان ليه اخطر ثمره ؟ ثمره ايش هي ؟!
الله يعافيك
تمت الاجابه
اقصد الكاكاو
وياليت سلبيات وايجابيات وصور فيلا ابود ( مستعجل )ههه
وياليت تعطيني رايك في افضل منطقة مريحة للعائلة
ابود او سيمنياك او غيرها
ان شاء الله باكتبهم بس اخر التقرير ان شاء الله
الفله جايه في الطريق
والله اشوف بالي مناسبه للعوائل و مو عيبها انها ماتصلح للعوائل لا فيها عيوب غير
بس ماشفت شي من كلام الناس انها ماتصلح ومدري ايش
طبعا ابود وسط الجبال منطقه جميله مرره وطبيعه خلابه ومناسبه جدا للعوائل
وسيميناك على البحر و برضو حلوه و الفلل اللي فيها حلوه مره
يقولون ان كوتا مايصلح للعوائل ولا ادري عنه صراحة مارحنا له


خصم يصل إلى 25%