اضف على ذالك هل الوقت من 1مايو 15 مايو في دوام من ناحية الموظفين والمدارس ولا لا لانا مانبي
نروح ويكون عندكم اجازه غير اجازتكم الاسبوعية

وعليكم السلام ورحمه الله وبركاته
بالنسبه لشرائح التلفون اخذ شرائح من الكويت اي شركه تختار براحتك في خطوط ابتداء من خمس دنانير ومعبئه بنفس السعر اريح لك
وبالنسبه للشقق والفنادق اخذ لفه على مواضيع الكويت وشوف بنفسك .
وماعندنا اجازات خلاص بس الويك اند

بالنسبه للاماكن السياحيه عندك الاكواريوم في منطقة السالميه بداية شارع الخليج العربي وابراج الكويت في شارع الخليج العربي ايضا و طبعا اكثر الاماكن السياحيه في نفس هذا الشارع سوق شرق والمارينا مول وشاطي المارينا مول ويوجد متحف ايضا وقرية يوم البحار التراثيه والقهوه الشعبيه والجزيرة الخضراء كلهم يقعون في شارع الخليج العربي وطبعا عندك بعد حديقة الشعب تعتبر مدينة ملاهي جميله واي سؤال انا حاضر

ماقصروا اخواني في الرد وحياكم الله في ديرتكم
ولو تبي شي معين في خاطرك ان شاء الله ما انقصر معاك
وبما انكم متزوجين حلوه لو تأجرون يخت وتمشون في البحر وهذا سايت تقدرون اتحدودون جم ساعه واليختت اللي تبونه ..
http://www.silsan.net/new/
وحياكم الله في ديرتكم

حياك الله بالكويت هذي الساعه المباركه
وان شاء الله ماتكون الاخير ة
موقع المركز العلمي
http://www.tsck.org.kw/arabic/detailPage.aspx?PageId=13
مجمع الافنيوز يبيلك يوم كامل
اذا انت من عشاق العيوش انصحك مطعم رايس بالافنيوز
ومطعم اشاز له فرعين بمارينامول والافنيوز
وفي مطعم رهيب بالافنيوز
مطعم ومقهى ومتجر الأطعمة «كارلوتشيوز» الإيطالي
مجمع 360 درجه فيه متحف الهرم الرابع ( أم كلثوم ) ...
أتمنى لك رحلة سعيدة

شوف هالرابط وان شاءالله يفيدك
http://www.kuwaithotels.info/show_appartments.aspx

بالنسبه لموبايلي
اذا ما خاب ظني اهني بالكويت اتحول الى الوطنيه للاتصالات
و
سوا "الاتصالات السعوديه" اتحول الى فيفا "نفس الشركه فيفا "الاتصالات الكويت = الاتصالات السعوديه stc"
الاوفر تشتري خط من الكويت
ب 6 او 7 دنانير و فيه رصيد 5 دنانير و ما يبون الا الجواز او البطاقه الشخصيه
من الوطنيه تلا قيهم بالمطار او ما توصل و اذا بتجون بالسياره
عندهم فروع كثيره اذا بتسكن ب دسمان او بنيد القار "فرعهم الرئيسي ب دسمان جنب دوار و قصر دسمان .. المبنى مميز لونه احمر"
و اذابالسالميه راح تسكن .. عندهم فرع ب مجمع شاهه شارع سالم المبارك
وايضا فرعهم مميز لافتتهم حمرا
الاماكن :
مولات : افينيوز , 360 , مارينا مول , سوق شرق , الكوت
اذا تحبون تروحون ابراج الكويت
المباركيه "شي ضروري و روحوا بعد المغرب تمشوا فيه و اشتروا صوغه للاهل درابيل و رهش و بقصم
و بعدين قعدوا باحد القهاوي "الشعبيه" طلبوا جاي فحم و فطير مشلتت و اذا تحبون مشاوي و حمص
او فطاير "معجنات"
مطاعم : 1- ميم كافيه موجود بالافينيوز "فيز ون" الدور الثاني او 360 الدور الارضي
2- نينو بالافينيو الدور الارضي "فيز ون"
شوكليت بار بالافينيو الدور الارضي "فيز ون" او مارينا كريسنت - مقابل مارينا مول جهة البحر
3- كرم "مطعم لبناني بالافينيوز الدور الاول - فيز تو - مطل لى النافوره
4- توتالي فيش بالافينيوز - فيز تو - مطل على النافوره
5- سراي بالافينيوز - فيز تو - مطل على النافوره
6- اذا تحبون ياباني و السوشي - ماكي في الافينيوز - فيز ون - الدور الاول
تقدرون تروحون سينما

أشكركم على ردودكم وعلى تنويركم لي على الاقل استفدت أشياء كثيره
ماستغنى منكم ان شاءالله
بس حبيت أسأل مازال الدخول للكويت بالبطاقه الشخصية

أركيرودون
حياك الله وتقدرون تدخولون بالبطاقه الشخصيه الذكيه ( الجديده)