وصل بحمد الله وسلامته الابن الأول واحتفالا به قررنا السفر إلى باريس وبدأ الكر والفر والبحث في المنتديات على كل مقال يشمل فرنسا وباريس وسياحة والإستفاده من خبرات المسافرين.
بدأنا بحجز الفندق وماتعبنا كثير لأننا أعضاء في ماريوت فمجرد مكالمة تليفون حددنا معاهم التاريخ ولمدة أسبوع اقامه في Marriott's Village d'lle-de-France مع حجز المنتجع حصلنا على نقاط حجزنا بواسطتها خطوط الطيران لشخصين وربع (( يعني النونو)).
بالإضافة لخمس ليالي إقامه في فندق ماريوت خمس نجوم وين مانحدد. وخصم 25% على إيجار سيارة
وقبل ثلاث أسابيع من السفر عملنا تأشيرة الشينقن. طبعنا الأوراق وعبيناها من البيت بس هم طالبين نسختين ويوم وديناها ماكانوا يحتاجون إلا وحده لكل شخص.
وكمان طالبين صور لأختام السفرات السابقة ولا أخذوها. وطالبين تأمين سفر عملناه في التعاونية 455 لشخصين وما حسبوا الطفل. سفرتنا كانت 10 أيام لكن التأمين كان مدته شهرين أقل شي كشرط أساسي.
اتصلنا عليهم وأعطونا العنوان في جده طريق المدينه النازل تقاطع طريق الملك عبدالله من الإشاره يمين وأول لفه يمين ورحنا لهم من الساعة 11 صباحا وما خلصنا إلا الساعة 3 يعني 4 ساعات متواصلة. يعني إلا يبغى يخلص يروح بدري أول مايفتحوا أو يدفع 150 للشخص ويمشوه بدري ك VIP.
قيمة التأشيرة 300 للشخص والصغار ماعليهم بس ما أعرف كم العمر اللي محددينه بس مكتوب في موقعهم و80 ريال خدمتهم. وأعطونا موعد بعد أسبوعين لاستلامها من السفارة لكن رحنا الظهر وما سلمونا هيه إلا بعد طلوع الروح. فنصيحة روحوا بدري من الساعة 9 ص واطلبوهم وبعد الظهر يسلمون طلبات الصباح.
كانت الرحلة في أول أسبوع في أبريل.
راح اذكر لكم جميع التفاصيل والنصايح بالتفصيل قدر الإمكان وتفاصيل المكان وإذا أحد يحب يستأجر فيه أو يشترك
على الإيميل --
- - ممنوع وضع الايميل فيصل 2006
تسلم على هذي المعلومات بالنسبة لي أنا أيضاً عضو في ماريوت ولقد حجزت خمسة أيام بالنقاط التي لدي بالنسبة لي سفرتي ستكون في 2011/6/12 ولمدة 26 يوم .بالنسبة للسيارة من أي شركة استأجرت ني ناوي أستأجر سيارة ني ناوي أذهب في جولة أوروبية بعد باريس. منتظرين منك تفاصيل رحلتك.