قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
The.Cancerian
03-11-2022 - 08:55 pm
السلام عليكم
احتمال اسافر للدوحة 5 ايام لاول مرة ، ابي اسامي فنادق مو الا تكون 5 نجوم بس المهم تكون جيدة بالخدمة وطبعا من ناحية النظافة ايضا


التعليقات (8)
أبوطارق
أبوطارق

the ro0ok
the ro0ok
أخوي ممكن تحدد السعر
وممكن تقولي اذا المكان كان مهم بالنسبه لك ولا لا
وممكن تحدد يكون جمب وشو يعني في قطر في ثلاث مناطق
الاولى الي هي الدفه كلها ابراج كانك في نيويورك
الثانيه منطقه حيويه جمب سوق واقف
الثالثه السد كلها مطاعم ها وش قلت
ولاتنسى تحدد السعر

عبدالله منصوري
عبدالله منصوري
صباحك ومساك كله خير،،
اخووي يا مرحبا بك في بلدك الثاني قطر،،
شوف لو كنت تدور الفخامة والهدوء والدلع والكشخه فاقولك روح ناحية الخليج الغربي والمنطقة الدبلوماسية والدفنه حيث تحصل كل الفنادق الفخمة الي مش خمسة نجوم ممكن سبعة نجوم بعد، لكن اسعارها فوق تبدأ من 850 وانت رايح، وهل الفنادق هي (الشيراتون، الانتر كونتنتال، الريتز كارلتون، الفورسيزون، أجنحة موفنبيك..الخ)،،
بالنسبة للفنادق الاربع النجوم وفي المستوى وحلوه ورايقه وراقيه بعد موجوده الله يسلمك فعندك منها الموجود خلف متحف قطر الوطني وهي قريبة من سوق واقف والمتحف الاسلامي والكورنيش وكلها عبارة عن دقائق مشي وخدمتها جيدة هل الفنادق (فندق السيف "الجديد مش القديم"، فندق موفنبيك "القديم ومش الجديد"، فندق مروب "الجديد مش القديم")
وياخوي ممكن انك تشوف الفنادق على موقع بوكينج وتعطينا اساميهم ونشوف لك اذا اوكي او لا وبهل الطريقة نكون افدناك،،
السموحة على الاطالة طال عمرك وأي خدمة ثانية نحنا تحت امرك،،

كشك ملك
كشك ملك
عندك فندق سوق واقف حلو ونظيف جنب سوق واقف بالضبط
العيب الوحيد فيه انو ما فيه مواقف سيارات خاصه بالفندق
ووقوفك تحت الفندق بفلوس كون المواقف تابعه للسوق

عـ الكلام ـذب
عـ الكلام ـذب
شف عاد
انت شكلك تشبهني وتحب اللي احبه
فندق البستان انا الان في تاريخ 8 / 5 / 1432
وانا موجود الى يومين كمان والفندق روعة ونظيف ورخيص وبس

isaad
isaad
فندق كورب corp حلو وسعره مناسب ونظيف ومع الأفطار جناح غرفتين
نوم وحمامين ب600 ريال

fahad-qtr
fahad-qtr
www.booking.com
يقدم لك اسعار مناسبة جدا وكل الفنادق % ستار ممتازه
بس مانصحك بفندق البستان
عندك الموفنبك تاور والدبليو والفورسيزن ورتاج الريان تور وهلودي فيلا ممتازين
واتمنى لك اقامه سعيده واي شي احنا حاضرين لك

كآرديآل
كآرديآل
ع الكلام ذب
اخوي لو سمحت وين موقع الفندق وكم سعر الليلة لاني رايح بعد أسبوعين ان شاء الله ..


خصم يصل إلى 25%