قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المدني1982
03-11-2022 - 04:55 pm
السلام عليكم :-
بالله ياشباب هذي اول مره ازور قطر ولااعرف اي شي فيها بس النتدى ماقصر جاوبلي عن 80% من الاسئله
بس بقالي كذا سوال
  • هل اقدر استخدم العمله السعوديه في قطر ولالازم احول عمله (يعني زي دبي والبحرين)
  • كم كيلوا من المنفذ الين الدوحه
  • واول ماادش(على بالي مسوي قطري)الدوحه اي شارع اروحله (يعني اسيرله) ويكون فيه شقق مفروشه

والف شكر لكم وللقائمين على المنتدى


التعليقات (9)
سلف الامة
سلف الامة
السلام عليكم ورحمة الله وبركاته
بالنسبه للعمله معظم الاماكن ترفض اخذ العمله السعوديه يعني اصرف عمله قطريه احسن
والمسافه من الحدود الى الدوحة 90 كيلو متو
اماكن الشقق الفندقيه
عندك خلف متحف قطر الوطني في بداية الكورنيش فنادق كلها 4 و 3 نجوم وشقق فندقيه كذلك
عندق في منطقة المنصوره خلف سينما الخليج شقق فندقيه
عندك في منطقة الابراج في نهاية الكورنيش شقق فندقيه راقيه مثل كمبنسكي وسمرست
عندك في منطقه المنصوره شقق فندقيه وافضلها في هذه المنطقه فندق هوليدي لافيلا
عندك مقابل السنتر شقق فندقيه والوصول لها سهل جدا وانت جاي على الطريق السريع من سلوى الى الدوحة كله امش سيده بعد فندق رمادا بيجيلك دوار على يسارك شقق فندقيه
وحياكم الله في قطر

حماده الرياض
حماده الرياض
حياك اخوي وراح اجاوبك نيابة عن الاخوان القطريين لاني الاسبوع الماضي كنت هناك

المدني1982
المدني1982
الله يجزاكم كل خير يااخوان
وبالنسبه لساهر ايش المشكله لوحتي سعوديه اذكر ايام الامارات صادتني الكاميرات الي في شارع الشيخ زايد ماصادوني في المنفذ

عبدالله منصوري
عبدالله منصوري
مرحبا أخوي المدني،،
تنورنا إنشاء الله بزيارتك وطلتك لبلدك الثاني قطر،،
سلف الامة وحماده ما قصروا معاك،،
السكن خلك قريب من سوق واقف وخلف متحف قطر الوطني (تحت الصيانة المتحف) هم قراب من بعض،،
شوف بالنسبة لكاميرات الرادار راح تصيدك لكن محد بيوقفك في المنافذ لكن المخالفة راح تدفعها بعدين لما تجدد رخصة السيارة عندكم بالسعودية هاي حسب معلوماتي لاني في الامارات تخالفت اربع رادارات ودفعتها كلها في قطر ومرتين في البحرين ودفعت في قطر،،
وربي يعطيك العافية وأي معلومة ثانية ترانا في خدمتك طال عمرك،،

المدني1982
المدني1982
مشكور اخوي عبدالله وقطر عامرخ باهلها ان شاالله
وكويس انك نبهتني لاني سافرت الامارت قبل سنتين بس ماحد قالي شي
والتقنيه كل مالها تتطور في المرور

the ro0ok
the ro0ok
اخوي اول شي حاسب من المخالفات سعودين واجد مايعرفون القوانين راح اذكرها لك اهني
اولا الجسور 80 والانفاق 60 كيلومتر
قليل من الجسون 100 كيلومتر وقليل من الانفاق 80
والهاي واي 100 لاتسرع اكثر
ومن بوسمره لين قطر اضن السرعه القصوى 120 او 100 مو متاكد بس لا اكثر ولا اقل
وطبعا المسافه 90 كليومترا
والشقق اذا تبي فخامه منطقة الابراج الي هي الدفنه ماتقصر
وعندك منطقة السد وجمب سوق واقف ايضا
ورحله سعيده يارب ولا تنسى اول ماترجع تقولنه وين رحت ووين جيت في قطر وشلون كانت وياك
ورحله سعيده يارب

fahad-qtr
fahad-qtr
ياهلا وغلا فيك اخوي بديرتك الثانية قطر وتنور.
  • أفضل تحجز الفندق مسبق وخاصه من هذا الموقع لان يعطيك خصم ماتحصله بالفندق نفسه https://www.booking.com
  • أفضل تحول فلوسك لان ينقوون زياده 10 او 5 واوقات 15 عن فرق العمله كل واحد وضميرة .
  • أول ماتدخل الدوحة بيجيك استاذ خليفة وحديقة سباير ومجمع فيلاجيو وحياة بلازه على يمين تقدر تزورهم ويسارك حديقة الحيوان وفيها مدينة ملاهي

واي سفسار اانا حاضر.

المدني1982
المدني1982
الله يعطيكم الف عافيه يااهل قطر
ومشكورين على تعاونكم

fahad-qtr
fahad-qtr
المدني1982
العفو اخوي وحياك الله بديرتك قطر
وأي ستفسار أنا حاضر وشبااب
ان شاء الله ماراح يقصرون معاك
تقبل تحياتي وأقامة طيبية


خصم يصل إلى 25%