أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
انا ارشح فندق سفير موقعه حلو خلف متحف قطر الوطني وقريب من الكورنيش ورفيجي ادخله ويمدح غرفه وايد ويقول الغرف اكبيره ورمادا انكور استايله مودرن والغرف باركيه بس الغرف صغيره وكموقع سفير افظل من رمادا انكور اما كورب ما اعرف عنه شي
وحياكم الله في الدوحة
فيصل حبيب قلبي يا مرحبا بك،،
شوف اختار لك فندق سويس بل هوتل هذا الفندق له مميزات كثيرة
(فندق جديد أثاثه جديد وفخم، قريب من سوق واقف مشي فقط دقائق معدودة، قريب من المتحف الاسلامي دقائق معدودة مشي، قريب من الكورنيش فقط تعدي الاشارة وانت في الكورنيش، سهولة الحصول على التكاسي بهذي المنطقة) فأنا أشجعك بصراحة على هل الفندق وتوكل على الله.
ليتك قايل من قبل اششوي ... تسلم يالغلا والله يعطيك الف عافيه قول امين
عموما حجزت في البيت ويسترن
كونه قريب من الستي سنتر وفيه عرض حلو
وان شاء الله يكون نظيف وحلو
تحياتي لكم يالغالين
هلا اخوي فيصل
شوف بالنسبة للقائمة الاولى
تبي موقع روح سفير تبي فخامه عندك رمادا
اما القائمه الثانيه فهي افضل بكثير من الاولى
عندي بالترتيب
سويس بل الافضل بس اسعاره غاليه بس فخم ومكانه جدا استراتيجي
الفندق الثاني رتاج الريان اسعاره وسط وفخم ومكانه جمب سوي بل يعني اكيد مكانه استراتيجي
هوليدي فخم واسعاره جدا ممتازه بس مكانه في المنتزه منطقه مرتبه وحلوه بس مافيها سياحه اهناك غير البويت ومجمع المول
ربي يعطيك العافية أخووي فيصل (قدر الله ماشاء فعل)،،
المهم أتمنى لكم رحلة سعيدة إنشاءالله أنت ومرافقينك،،
لكم بعض المطاعم الي انصحك تاكل فيها وهي اسعارها رخيصة،،
1- مطعم بندروزا (عبارة عن بوفيه سلطات يجنن الشخص ب45 ريال) (موقعه عند اشارات رمادا وعند طريق سلوى في العزيزية وفي منطقة الدفنة)
2- مطعم شاطر عباس (أكل إيراني مشاوي وغيره تكلفة الشخص ما بين 50 إلى 70) (موقعه في الستي سنتر كورنر صغير وعندهم فرع كبير عند مكتبة جرير قرب رامز في اشارات رمادا وعلى ماعتقد كل جمعه عندهم بوفيه غدا)
3- مطعم البيت الشامي (اكل لبناني البوفيه للشخص 80 ريال) الموقع على طريق سلوى عند دوار قطر للديكور.
وأي استفسار أخر حاضرين لك طال عمرك،،
انا ارشح فندق سفير موقعه حلو خلف متحف قطر الوطني وقريب من الكورنيش ورفيجي ادخله ويمدح غرفه وايد ويقول الغرف اكبيره ورمادا انكور استايله مودرن والغرف باركيه بس الغرف صغيره وكموقع سفير افظل من رمادا انكور اما كورب ما اعرف عنه شي
وحياكم الله في الدوحة