فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
xtotox
27-11-2022 - 09:55 pm
  1. تقريري بيكون ان شاءالله عن فندق Hotel Vernet


السلام عليكم ورحمة الله وبركاته
هذا اول موضوع لي ههه
حبيت اشكر كل اخواني اللي ساعدوني من بعد الله على تسهيل هالسفره واللي كانت من احلى سفراتنا
هم ..اختي شموخ واخواني بيبسي و فيصل وارجنتيني وكل من ساعدني وسمحولي اذا نسيت حد

تقريري بيكون ان شاءالله عن فندق Hotel Vernet

اول شئ راح ابتدي بالاستقبال الموظفين كانوو قمة في الذوق والتعامل واذا في اي ملاحظة على طول يكون التجاوب .. بس عندي كم نقطه بقولها عن هالفندق ... المطعم وقت الفطور ..لازم احد يكون فوق راسك يخدم لك ويجيب الاكل وبالقطاره وبعد ساعه من الطلب يكون اكلك قدامك بعد ما يكون اللي بعدك جاا وطلب وقام وانته تنتظر .. . اسلوبهم ما كان حلو ولو بغيت شي اضافي يتنرفزون من طلباتك حتى لو كانت شئ بسيطه ...والنقطه الثانيه هي الازعاج ..لانه الفتره اللي كنا فيها كان عندهم صيانه وقمة الازعاج .. وحطوو في بالكم في عز النوم تشم ريحة زيقاره رغم انه ممنوع في الفندق ... بس كل هذا يهون في سبيل انك في الشانز هههاي
ومدة الاقامه كانت 4 ليالي بقيمة 5000 درهم
وراح ابتدي معاكم في صور الفندق
الفندق من برا
.. والممرات
المطعم
صوره من النت لاني نسيت اصوره
الغرفه عبارة عن دريسنق رووم + حمام + الغرفه + بلكونه
الغرفة
دريسنق رووم
صور الحمام ..الله يعزكم ان شاءالله ..
الشاور
WC ...
واتمنى من الله انه ينال اعجابكم ويكون مرجع عن الفندق ^^
اضافة الرابط منالاخ فيصل2006
هذا رابطه من بوكينق
https://www.booking.com/hotel/fr/vernet.ar.html?aid=1300939
ورابط الفندق
http://www.hotelvernet.com/


التعليقات (8)
فيصل
فيصل
العفو ما سوينا الا الواجب
حقيقه دائما انتظر تقارير عن هالفندق وفندق رويال ماقده
كيف الفندق بشكل عام

xtotox
xtotox
كل شئ فيه حلو بس النقطه اللي هي المطعم وقت الفطور ... لو صار لي نصيب ارجع لفرنسا 100% برجع للفندق

فيصل
فيصل
هذا أهم شيء عاد أنا أحب بالفطور يتأخرون كذا نظام الفرنسين يحبون يطولون بالأكل ( يقالي فرنسي خ)
المهم ما قصرت وننتظر بقية التقرير اللي قلت

((المغامسي))
((المغامسي))

رائع الفندق وتقريرك المميز
شكرا لموضوعك ونحن بحاجة لمواضيع عن الفنادق
أكرر شكري وامتناني لك

المسافر الأوروبي
المسافر الأوروبي
إن شاء الله بروح هذا الفندق خلال إجازتي السنوية وبقول لكم رأيي في هذا الفندق.

فيصل
فيصل
بانتظار ذلك المسافر الاوربي باذن الله

xtotox
xtotox
تسلمون على مروركم الطيب

xtotox
xtotox
farmoza
تسلمون ...يبيله ^^


خصم يصل إلى 25%