أولا امي حفظها الله وصتني على ( سلال الشاي و القهوة ) فأين تباع ..؟
الله يحفظها ويطول بعمرها
منطقه بجليب الشيوخ سرداب السوق الشعبي العنود - السلطان والله حلوين
ثانيا : أختي حفظها الله وصتني على مكياج و عطور ..و سعرها مناسب .. أيضا أيت تباع ؟
الشايع بسوق المباركية مكياج اشكال والوان
ثالثا : هل سوق المباركية يوفر كل هذه الاحتياجات .. أو سوق البلوكات .. ؟
نعم تحصل فيه عطورات ومكياج وسلال الشاي
سوق البلوكات مخصص فقط للاقمشه
رابعا: متى تسكر المحلات التجارية والاسواق عادة ؟
الساعه 10 ليلا
حياك الله منور المكان

ماقصرت فروحه الكويت ومثل ما قالت المباركيه كل متطلباتك ان شاء الله بتحصلها اهناك ..
وحياك الله في ديرتك .. والله يحفظ اميمتك واخيتك

والله ما قصرتي يا اختي فروحة الكويت .. فعلا ذهبت للاماكن اللي قلتي و حصلت كل اللي ابيه ..
و الله عندي كلام كثير عن تعامل اهل الكويت الطيبين .. و لكن بسوي تقرير خاص ان شاء الله
و اكرر شكري و ايضا كويتيه متنقله .. شكرا على المساعدة .. وهذا طبعكم يا اهل الكويت و حنا من ربعكم

السلام عليكم
اخوي كل طلباتك تلاقيها بسوق المباركيه
وفي سرداب اسمه سرداب الشايع عنده المكياج الي تبيه وفي محل اسمه الفنار الذهبي عنده مكياج حلو ورخيص ,حتى سلال الشاي تلاقيها هناك في جهه هناك بالمباركيه يفصلون السلال وعندهم عدة البر اسأل عنها

استغرب منك بكرة تبي تسافر و حاط الاستفسار قبل الرحلة بيوم ما يمديك بس عل العموم شوف تقريري رحلتي الي الكويت