حياك الله اخوي عزوز بين اهلك و احبابك
بالنسبه للدينار فهو بالعاده يساوي 12 ريال يمكن زياده ريال او ناقص حسب
و وقت خروج الموظفين يكون من 12:30 حتى 15:00
و بالنسبة للملابس هناك الكثبر ولكن على سبيل المثال
المخازن في الديره
محمع العدساني في حولي
مجمع المثنى في الديره
اما الماركات تلقاها في المجمعات الكبيره مثل الافنيوز او المارينا مول او مجمع 360 و غيرهم
اتمنى اني افدتك و ممكن باقي الاخوان يفيدونك بشي

ما قصر أخونا q8ty
بالنسبة لجلابيات موجودة في مجمع الأوقاف و العربيد والبلوكات قسم التراث الهندي
وفي معارض للمواهب الكويتية مثل
صالة الروضان بالمنقف و معرض أفكاري بمنطقة الري عند السوق الإيراني و معارض بيت ديفا وكريزما بمنطقة الشرق قدام سوق شرق و بجانب مستشفى الأميري
حياكم عندنا ورحلة موفقة بإذن الله

الدينار الكويتي = 13.54 ريال سعودي بالضبط
وشوف هذا الموقع المخصص لأسعار العملات :
http://www.star28.com/money-converter.php
البنزين الخصوصي في الكويت يقابله 95 في السعودية
والبنزين الممتاز في الكويت يقابله 91 في السعودية
وقت الزحمة في الشوارع يكون :
دخول الموظفين من 6:45 صباحا لغاية 7:45
خروج الموظفين من 12:30 ظهرا لغاية 2:30
محلات الجلابيات :
للأسف لا أعرف
تقبل مروري ومرحبا تراحيب المطر ..

ماقصروا اخواني اللي ردوا عليك ..
الجلابيات = الدراريع بالكويتي
عندك الاوقاف / العربيد بالفروانيه / البلوكات سوق الاقمشه فوقهم في خيياييط وعندهم جاهزين حلوين واسعارهم زبينه ..
وحياك الله في ديرتك ..