شوف توقيعي رحلتي الي الكويت راح تستفيد باذن الله و تكون فكرة عن اشاليهات انة متخصص بشالية الخليفة و اماكن سياحية اخر الي صفحة 13 تابع و الله يوفقك

- منتزه الخيران- منطقه الخيران- طريج 278 جنوب الكويت- تليفونهم 23951122.
عندهم فلل اليديده واايد حلووه والمنتزه فيه انشطة.

• شاليهات صالح شهاب- منطقه جليعه- طريج 245 جنوب الكويت- تليفونهم 23280573 / 23280571 / 23280865.
• فندق ومنتجع سيشل - منطقه جليعه- طريج 245 جنوب الكويت- تليفونهم 1844444.

طبعا سيشل لا يعلى عليه واهو اقرب للديره من الخيران

• فندق ومنتجع هيلتون- منطقه المنقف- جنوب الكويت خط فحيحيل الساحلي- شاليهات عاديه وشاليهات بحوض سباحه خاص- تليفونهم 22256222 / 23725500 / 23724348.
• فنادق ومنتجعات - موفنبيك ، شيك ، رمال ، النخيل - منطقه البدع - شارع التعاون.

تليفوناتهم : النخيل 25646266 / 1824060 ، موفنبيك : 22253100 ، شيك : 25725050.
هذيل بالديره يعني كل شي يمكم ..
فتح الخط 00965 ..
وحياكم الله بديرتكم

اعجبني شاليه هلتون !! بس هل يستاهل سعر 167 دينار؟
وهل الشاطئ يوجد فيه اجانب كثير ؟
وهل هو فخم ورايق وهادئ ؟
اتمنى تجاوبوني على استفساراتي !!

واذا عندكم فكرة عن مكان اسمه يوم البحار عبارة عن ايش ؟
وميناء الشويخ ؟؟
وين احصل التزلج على الجليد ؟؟
وشكراً

bayan501
يوم البحار عبارة عن قرية تراثية موقعه على شارع الخليج بمنطقة شرق مقابل مجلس الامة وهو مكان عائلي تباع فيه الاشياء الاثرية لتراث الكويت الجميل وفيه مراجيح الاطفال الشعبية القديمة ويقدم مأكولات كذلك شعبية كالنخي والباجلاء والمشاوي كالكباب والعرايس ,والمكان يعتبر ذو طابع شعبي جميل ,وميناء شويخ تقصد شاطئ شويخ وهوبجانب يوم البحار وليس ببعيد عنه كذلك يحتوي على مراجيح والعاب للاطفال بالاضافة الى امكانكم ممارسة رياضة المشي في الهواء الطلق
وبامكانك الحصول على التزلج على الجليد في صالة التزلج كذلك بمنطقة شرق
مع تمنياتي لكم باوقات سعيدة.

والله من افضل الشاليهات اللي سكنتها في الكويت كل مميزات الخمس نجوم متوفره
بس يعيبها البعد مع العلم انه
اغلب الخدمات متوفرة بالقرب منه هي السيشل في منطقة جليعة
وافضل شي تسكنها في الويكند لانه يصير فيها نشاطات للكبار والصغار
اما في ايام الاسبوع يكون هادي ورايقه الجلسه على البحر
عموما انصحك تسكن فيه يومين وبتدعيلي ..
موفق خير

منتزه سيشل ..
روعه بمعنى الكلمه
ومن بعده منتزه الخيران

مساء الخير ..
حبيت استفسر عن الجزيرة الخضراء واجزيرة فلكا ؟؟
هل تستاهل الزيارة وايهما افضل ؟؟
وايهم افضل شاطئ المسيلة ام شاطئ الشويخ ؟؟
واحنا حابين نروج منتزة واحد فايهم الاحسن المدينة الترفيهيه ام حديقة الشعب ؟؟
وايش الفرق بين نادي الشعب ونادي راس الارض ؟؟ وهل يوجد فيهم اشياء للسياح حلوة ؟؟
و وين نحصل اللانشات والسفن اذا نبي نركبها ؟؟
ومع جزيل الشكر .. وسوؤي على الازعاج