وعليكم السلام ورحمة الله وبركاته
الله يسهل عليج ويقومج بالسلامة ويرزقج الذرية الصالحة المعافاة ان شاء الله
محلات قمصان المستشفى مثل أنور والطاهر والقاسم وتحصلينهم بالمهلب ولهم اكثر من فرع..عندج مجمع النقرة ومجمع
السندس والايوب فيها محلات متخصصة بقمصان المستشفى أما الدراريع تحصلينهم بمجمع الاوقاف وفي بالفروانية بعد
بالنسبة حق محل ديور لتجهيز الاطفال (لحظة من فضلك) فيه قسم خاص كله ماركات لتجهيز الاطفال مثل ديور وبربري و
غيره..والمحل هذا في منه فرع بالمهلب تحت وفي بالافنيوز وعندج بعد بالديرة يم سوق المباركية سرداب اسمه عيد النصار
هذا تحت فيه كل ما يخص البيبي من مستلزمات يعني تلقين فيه كل اللي تحتاجينه باذن الله والاسعار مناسبه بالنسبة
للخصومات فغالبا بالصيف تكون في عروض وخصومات وان شاء الله تلحقين عليها أما بخصوص توزيعات المواليد تحصلينها
عند محلات الجوكليت والحلويات أشكال وألوان من سلال وعربات و...الخ وأنصحج تروحين محل اسمه (بياع الورد) بحولي
مقابل مستشفى دار الشفاء راح تلاقين فيه كل مايختص بالتوزيعات والسوفونيرات..الله يهون عليج ويسهل عليج أمورج
كلها وتولدين بالسلامة يارب.

الله يسهلج عليج وتقومين بالسلامه ..
اختي كويتيه ماقصرت كفت وفت ..
في بعد بعض المحلات في الرايه وفي واحد في مجمع ديسكفري
وحياكم الله

حياج الله اختي في الكويت .. و الله يسهل عليج يا رب
الخوات ما شاء الله ما قصروا .. و في بعد عندج اذا تبين شي زين .. اريج في مجمع زهرة
و فريتي في سن ستي .. و تلقين فيه غير القمصان الراقية الحلوة .. مفارش و كفرات وايد حلوة بس مو رخيص
و انور .. احسن من الطاهر .
و عندج اوبيرا شغلهم روعه للتوزيعات و تقدرين تاخذين منهم بعد حلويات للتقديم .. بس طلبي يورونج اجد شي مو من اللي اصلا معروض .. روحي فرع الصالحيه
و في محلات شوكولاته في حولي شارع بيروت ... و في بعد في منطقة الجابرية .. في شغل كويتيات موجودين عالفيس بوك او بعضهم عندهم مواقع بس شغلهم روعه .. في كم محل في الراية
في وايد اماكن بس دوري اول و أخذي فكرة و بعدين اختاري

الله يسهل عليج حبيبتي

البنات ما قصروا
حبيت ادعيلج بالسهاله ان شاءالله

الله يعطيكم العافيه ماقصرتوا على تفاعلكم الرائع وهذا مو شيء غريب على الكويتيات ولكم مني جزيل الشكر

ومجمع العثمان في حولي عندهم اشياء حلوه ..
وحياج الله في ديرتج