- مزارع القهوة ومصنع الفضه مرور سريع فقط
- التمشي على الشواطيء
السلام عليكم والرحمة ..
والله ودي اسوي لكم تقرير لكن بيكون يبيله شغل جامد ..
فحبيت على الاقل افيدكم بكم نقطة بخصوص اندونيسيا .. لان يقولون اسال مجرب ولاتسال خبير ..
رحلتي 14 يوم ... 5 ايام بونتشاك .. 5 ايام بالي 2يوم جاكرتا ويومين سفر مع نص هنا وهناك ههه
نبدا من بونتشاك
- بونتشاك جو رائع بس مشكلتها بعض المجمعات السكنية الشباب يقلبون فللهم الى دسكوات وازعاج
وهالشيء خلاني من اول ليلة اطلع من مجمع فلل شوكر واذهب الى مجمع ايفر قرين الرائع .. رغم فارق السعر
- اروع مناطق بونتشاك السياحية .. حديقة الشلال الكبير .. وتمان سفاري .. وحديقة الزهور .. والشلالات السبعة .. ومسجد التعاون والبراشوت ..
- اذا تبي تصرف فلوس وانت في بونتشاك اصرف من مكتب السلطان بالصباح لانه افضل شيء .. لان بالليل تخلص الفلوس والصرف وتظطر تصرف من البقالات والمحلات اللي تستغل ندرة الروبية باليل ..
- احسن شيء تسويه في بونتشاك تاخذ شغالة وسواق وتريح راسك من اي شيء انت رايح تسافر لاتبخل على نفسك بشيء
انا اخذت السواق اليومية 500 الف بس كان وقت عيد وزحمة واخر يومين خليناه 450 وكان سواق رائع
وامين جدا وكان يصحينا لصلاة الفجر واسمه محمد الياس وراح ازودكم برقمة باخر التقرير ان شاء الله ..
- الشغالة اخذتها اليومية في 100 الف وكان شغلها جيد .. وتسوي الرز واللحم .. واسعار التيوس كانت غاليه على
كلامهم ذاك الوقت 400 الف
- بونتشاك تصلح للعوايل وتصلح للعزاب .. لكنها ماتصلح للعرسان وحديثي الزواج ...
نجي ل بالي
- حجزنا عن طريق مكتب السلطان على خطوط ليون اير .. وقلت ليتني حجزت على الجارودا لان مدحوها كثير
ليون اير كانت عاديه مو زينه ولا شينة صراحة .. والفرق بينهم مو كبير بالسعر لو نحسبها بالريال
- السكن في بالي لو اتكلم من هنا لبكرة .. ماراح اوفي اخواننا هنا حقهم من الشكر والثناء لاني استفدت منهم كثير
وخصوصا اخونا النجم نجم الكويت اللي دلني على فلل Bali swiss .. والاخ اللي نزل موضوع عن فلل Kiss Bali
لاني احترت كثير بينهم بالاخير اخذت ليلتين هنا و ثلاث هناك .. وبصراحه كلن يقول الزود عندي
- ما انصحكم بالتنقل من سكن الى اخر لانه يضيع عليك يوم ويخرب جدولك من الصبح اختاروا مكان واسكنوا فيه لاخر يوم لكم ..
- بالي تصلح للعرسان وللشباب الراقين اللي مايبون الخراب
افضل الفعاليات في بالي ..
الواتر رافتينق
الالعاب المائية
الخيول
مزارع القهوة ومصنع الفضه مرور سريع فقط
التمشي على الشواطيء
- معاناه معاناه معاناه الاكل في بالي .. ولو اني رجال راعي بزنس وروحات لبالي كثير لفتحت مطعم عربي اسم ومسمى لان مطعم الخيمه اسم عربي فقط ...
- بالي على حسب اذا جدولكم فل انصحكم بسواق خاص وانا جبت سواق عن طريق مكتب السلطان
وطحت على سواق لايسمع لا يرى لايتكلم وهذا افضل انواع السواقين ..
ورجل بمعنى الكلمه والله اني اعطيه بخشيش يقول ترى هذا كثير .. وهذا يدل انه مو طماع واعجبني كثير بتصرفاته معنا طول الرحلة
جاكرتا
- انا اشوفها تصلح يومين فقط وكثير عليها .. زحمه وجو رايح فيها خلوها حق تسوق وزيارة مدينة الالعاب والمدينة المائية
وانصح بالسكن في فندق ميركيور لانه رائع بقوة راائع .. وفندق استون مارينا الفطور حقه خقق
بالنسبة للارقام ..
سواق لجاكرتا وبونتشاك وباندونق وحبيب ويتكلم عربي بطلاقة اسمه محمد الياس
6سواق في بالي يتحدث الانقليزي بطلاقه والعربي كويسه لغته وممتاز جدا
6وهذي صورة لسواق بونتشاك محمد الياس ..
واي سؤال تفضلوا وان شاء الله ماراح اقصر وافيدكم مثل ما استفدت من الاخوان اللي هنا قبل ماروح
يعطيك العافية على تقريرك المختصر ,
و اللي فيه من المعلومات الشيء الكثير ,,
و الف شكر على صدق نصحكم ..
يعطيك العافية مرة ثانية ..
.
..