أكسفورد المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
alsawaab
16-12-2022 - 08:48 am
  1. غير هذا كله مدينة زحمه مره وغالية


يالربع انا الان في لندن لي اسبوع تقريبا
حاولت ابحث عن شي جميل في هالمدينه والله مالقيت
انا مستغرب من الناس الي مطيرينها السما ونازلين مدح فيها ايش ملاقين فيها
كل يوم اذا رجعت الفندق اقول يارب الاقي بكره برنامج مختلف عن اليوم اتفاجأ ان مافيه شي مختلف نفس الشي اللهم المكان مختلف

غير هذا كله مدينة زحمه مره وغالية

ادخل على مشاركات الاعضاء في المنتدى الاقيهم يقولو روح شارع العرب روح شارع اكسفورد روح بوند ستريت روح شارع بيكاديلي. طيب رحنا لهالشوارع ايش شفنا فيها والله غير الاختناق من زحمة الناس والسيارات والتلوث والمحلات اللي ماتختلف عن اي محل في ابسط بلدي
رحت لمدينة برايتون ماشفت فيها ذاك الزود بس عالاقل ارحم من الكئيبة لندن
بصراحة انا اعتبر لندن اسوأ مدينة رحتلها. الله يرضى على باريس والله اونس بكثير من لندن مع اني كنت قبل اقول باريس مو شي.
اعذروني بليز يامحبي لندن لكن للاسف لم اجد فيها شي يشدني يمكن يقول واحد اني انا من محبي الطبيعة وو . صح انا من محبي الطبيعة بس برضه رحت لجنيف في سويسرا ورحت لفيينا ورحت باريس كلها مدن كبيره لكنها اجمل بكثيير من لندن.
بس انا اتوقع ان لندن كعاصمة لبريطانيا ومدينة الضباب زي مايسموها تنفع للناس اللي مهتمين بالاثار وبالمتاحف لان بين كل شارع وشارع متحف بس الله يعين اللي بيدخلها على الزحمة
تحياتي لكم


رحلتي الى بريطانيا
التعليقات (9)
خوخه منفوخه
خوخه منفوخه
لا تقول كذا
تخليني اغير رايي
انا اول مره اروح لها لان زوجي رايح لها اكثر من مره وعاجبته كثير
وانا ابغى اروح استراليا بس هو اقنعني بلندن
ضاق صدري المشكله معي اطفال

الدُرهـ
الدُرهـ
اي والله حتى انا ناويه ازورها بس شكلي بحطها بآخر القائمة
مو مشكلة الناس أذواق في ناس تحب التسوق وفي ناس تحب المتاحف
وفي ناس تعشق الطبيعه >> هي منهم
ع العموم الحمدلله ع السلامة وان شاء الله تلقى شي يعجبك

aLKuwaitia
aLKuwaitia
بالعكس ..
لندن تعجب جميع الفئات .. ان يينا للسوق ماعتقد في احلي من سوقها ..
ان يينا للمتاحف و هالسوالف مافي اكثر منها بلندن ..
طبيعه الريف الانجليزي احلي طبيعه !
حدايق كافي الهايد بارك و الريجنت !
كافيها و مطاعم و قعدات علي افا من يشيل !
تمشي و ووناسه و العاب يا كثر مدنها ..
سفرات قصيره شكثر ممناطق تستحق الزياره .. بورتسموث القعده علي البحر فيها بس ترد الروح!
ريلاكس و سبا و دلع .. باث اقل من ساعتين مدينه استرخاء كامله
لا لا لا لاتغيرون رايكم ولا شي
اعتقد من بين كل 100 شخص في شخص واحد ما تعجبه لندن و تكون لظروف غالبا الصحبه او السكن او المود

qatar3333
qatar3333
مرحبا فيك اخي الكريم
وانا بعد حالين متواجد في لندن وانا من اشد المعجبين في ها المدينه ومو كل الي يجي لندن يحبها
شوف مدام قلت ان باريس اعجبتك وحلى من لندن انا رايي فيها مختلف في باريس نفس نضرتك في لندن
وانا من محبي الطبيعه ورحت سويسرا والمانيا والنمسا لاكن تضل لندن لها معزه للي يحبها وانا مستمتع
في كل لحضه تمر على في لندن من جميع النواحي ونصيحتي للاخوان الي الي يفكرون يجون لندن ويسمع
عنها كلام انها مدينه ممله ومن هاذا الكلام هاذا مجدر راي شخصي لاكن موشرط انها تكون ممله عندك
ممكن تشوفها با نضره ثانيه وانا في رايي الشخصي دايمن الي يحب لندن مايحب باريس ولي يحب باريس مايحب
لندن وقليل جدا من الناس الي يحب الدولتين وفي النهايه اخوي زين انك جربت لندن وقلت رايك فيها عشان
الناس تاخذ فكره ويعطيك الف عافيه الغالي

فيصل
فيصل
تبون الصدق إلا لندن عندي غير ليش وش السبب أقولكم والله مدري أرتاح لا صرت فيها أكثر من باريس مع إن باريس حلوه
ونفس ما قال مشرفنا سبحان الله قله تعجبهم باريس ويحبون لندن

قرب^السفر
قرب^السفر
يمكن لانك ماضبت برنامج بالعكس يكفي انك طبيت الديره وانا اتمنى اشوفها

موادع1
موادع1
انا متابع. ولكن بدون تعليق
اشوف رايكم فقط

"لولو"
"لولو"
بالعكس لندن رائعه في كل شي،حتى لو بس تقعد في الهايد بارك وتتفرج
وفي النهاية الناس أذواق

alsawaab
alsawaab
والله نفسي اني لقيت فيها شي يخليني احبها لكن للاسف الزحمه ماتخلي الواحد يستمتع حتى لو فيها شي حلو
عموما هذا مجررد رأي واتمنى الكل يسافر لها ويستمتع


خصم يصل إلى 25%