الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
AtefA
30-10-2022 - 12:03 pm
السلام عليكم ورحمة الله وبركاته
راح ايي كويت باءذن الله ب6ابريل بس ويكند
واحترت ف الفنادق لاني متعوده ع هوليدي ان سالميه وودي اغير هالمره بس
اخترت هذيل وودي ترشحون لي الافضل بينهم من جميع النواحي سواء الموقع الخدمه وغيره
Safir International Hotel بس ديزاين الغرف مو حده واو
Le Royal Arabia Hotel هذا مو حيل مقتنعه فيه
Hawthorn Hotel & Suites هذا موقعه شوي مغري
ريتز سالمية موقعه زوين
واذا ترشحون لي فنادق ثانيه تكون قريبه من ساحل الخليج العربي تسوون خير
ناطره ردودكم


التعليقات (8)
AtefA
AtefA
او احجز ف The Palms Beach Hotel & Spa

بيت الكويتى
بيت الكويتى
اخى الكريم جميع الفنادق الى ذكرنهم ثلاث نجوم وارع نجوم واذا تريد المقارنة هوليدى ان افضل منهم بكثير
اذا كنت التغيير
فندق منتجع النخيل
فندق الموفنبك
فندق ريجنسى
فندق كوستا دي قول
جمبع الفنادق الى ذكرتها على البحر وافضل من هوليدي ان

AtefA
AtefA
خلاص تم الحجز ف منتع النخيل
شكرا عالمساعده
انا بنت
المهم نبي نأجر سياره بسايق شنو احسن شركه ممكن اسمها ورقمها ؟

AtefA
AtefA
اخاف احجز من موقع بوكينغ للسيارات لاني مو مجربه من قبل يعني ابي احد يضمن لي انه اوكي
وماادري هل يخلون السياره بسايق معاي طول اليوم نفس بعض مكاتب التأجير او لا

كويتي1968
كويتي1968
اختي هذه بدالة تأجير السيارات وراح يفيدونج اكثر 1800227

AtefA
AtefA
مشكور
باجر ادق عليهم واشوف شيصير معاي اتوقع هما اضمن من البوكينغ اون لاين !

AtefA
AtefA
هم اكوا سؤال الحين حجزت ف منتجع النخيل اون لاين من بوكينغ ودفعت وانخصم المبلغ من فيزتي
لمن اروح اودي برينت عالصفحه اللي فيها بيانات الخصم؟
هل بيردون يخصمون مني سواء كاش او من البطاقه !!! وهل ممكن يزيدون علي السعر بعدين حتى لو اني دافعه اون لاين ؟؟

كويتي1968
كويتي1968
AtefA
اي البرنت كافي لا ليش يخصمون اذا انتي دافعه ولا يزيدون السعر. وهذا موقعهم تقدرين تتأكدين من حجزج وبياناتج عندهم
http://www.thepalms-kuwait.com/Default.aspx?pageId=13


خصم يصل إلى 25%